Новак Ѓоковиќ обезбеди пласман во четвртфиналето на Ролан Гарос победувајќи го Хуан Пабло Вариљас во три сета. Ѓоковиќ го доби мечот фуриозно со 3:0 во сетови, односно 6-3, 6-2, 6-2.

Ѓоковиќ во четвртфиналето ќе игра против Русинот Карен Хачанов, кој во четири сета беше подобар од Лоренцо Сонего.

Ѓоковиќ не остави ништо на случајноста во мечот против Хуан Пабло Вариљас со кого играше за првпат во кариерата. Мечот траеше само 119 минути, а првиот сет го одбележаа двата брзи брејка на Ѓоковиќ.

Новак Ѓоковиќ продолжи во ист ритам и во следните два сета, но уште поубедливо – на ривалот му дозволи по само два гема и заслужено продолжува понатаму. Српскиот тенисер по седумнаесетти пат во кариерата ќе игра четвртфинале на терените на Роланд Гарос, со што стана рекордер и според овој податок.

Романската тенисерка Симона Халеп излезе со протест поради тоа што анти-допинг институциите го спречуваат разрешувањето на нејзиниот случај со допинг и и понатаму и ја блокираат карирата. Минатата недела стана јасно дека Халеп е обвинета за уште едно прекршување на антидопинг правилата, но сослушувањето за случајот никако да се одржи.

Првично рочиштето требаше да се одржи на 28 февруари, но потоа беше одложено за 23 март, а подоцна за 28 мај. Нов датум за сослушување се уште не е објавен.

„Уште сум крајно шокирана и разочарана од начинот на кој ITIA се однесува кон мене. Додека пред три дена ITIA, преку својата претставничка Никол Сапстед, изјави дека е отворена за навремена и ефективна соработка, Трибуналот веќе по третпат го одложи моето сослушување. Јавно кажуваат едно, а потоа постапуваат сосема поинаку. Повеќепати сум барала рочиште, а тие продолжуваат да го презакажуваат“, вели огорчената Халеп.

Актуелниот шампион на Ролан Гарос, шпанскиот тенисер Рафаел Надал објави дека нема да настапи на претстојниот Гренд слем турнир во Париз и дека очекува да се пензионира од професионалниот тенис во 2024.година.

„Природата на повредата која ја заработив во Австралија се покажа како посериозна од очекуваното. Во овој момент мојот настап на Ролан Гарос е невозможен. Немам намера да продолжам со игра во наредните неколку месеци. Се надевам дека ќе заиграм за Шпанија во Дејвис купот кој се одржува во септември. Мојот план е наредната година да бидам подготвен 100% и верувам дека 2024 година ќе биде моја последна година во професионалната кариера“, стои во објавата на Надал.

Патрик Муратоглу, поранешниот тренер на Серена Вилијамс, даде прогноза околу фаворитите на Ролан Гарос кој почнува наскоро. Францускиот стратег во видеото објавено на Инстаграм, порача дека Надал, иако не е целосно подготвен, повторно ќе биде фаворит број1 пред Новак Ѓоковиќ.

Фактот што освои 14 трофеи овде, не смее да се потцени, па тој и повреденј во Париз е секогаш фаворит.

„Никој на земја нема направено нешто како Надал, посебно на Ролан Гарос. Тоа е едноставно негов турнир. Коло по коло, меч по меч, тој ја гради својата добра форма и сам себе се бодри, затоа и овде ќе биде фаворит“, порача Муратоглу.

Муратоглу смета дека најголема закана за Надал ќе бидат Новак Ѓоковиќ и Карлос Алкараз.

„Значи, фаворит ќе биде Рафаел Надал, веднаш зад него Ѓоковиќ, а потоа и Карлос Алкараз“, заклучи Муратоглу.

Откако кабинетот на Бајден најави укинување на задолжителната вакцинација за сите странски државјани што ќе влезат на територијата на САД, се отвора патот за Новак Ѓоковиќ да настапи на Отвореното првенство на Америка.

„Благодарение на напорите на целата Влада, рекорден број од 270.000.000 милиони Американци примиле најмалку една доза од вакцината против Ковид. Денеска најавуваме дека нашата администрација на 11 мај ќе ги заврши сите барања поврзани со вакцината“, се вели во соопштението.

Српскиот тенисер претходната година мораше да го пропушти собирот во Њујорк бидејќи не е вакциниран против ковид-19.

Од 2025 година АТП објави голема промена на тениските тунрири која се однесува на линиските судии.

Според претседателот на АТП, Андреа Гауденци објави дека професијата на линиските судии заминува во историја. Од 2025 година нема да се користат на ниту еден турнир во Европа и во светот.

„Размислувавме долго за оваа одлука и заклучивме дека иако линиските судии се дел од традицијата, мораме да ги следиме трендовите и да овозможиме најдобро можно искуство за навивачите“, изјави Гауденци.

Тони Надал кој му е роднина на шпанскиот тенисер, Рафаел Надал, вели дека некогашниот најдобар тенисер на АТП листата набрзо ќе ја санира повредата и ќе се врати на терените.

„Рафаел се опоравува, верувам дека малку недостасува да се врати но, не можеше да игра во Мадрид. Тоа е турнирот што нетрпени го очекува но, ќе мора да почекаме уште една година“, рече Тони.

„Нема играно меч од 18 јануари. Сепак, Рафа веднаш влегува во ритам а на грен слем многу зависи од ждрепката. Ако имате среќа во првите рунди, сè може да се случи“ – потенцираше Тони Надал.

Познатиот италијански новинар Фабрицио Романо објави вест дека Аргентинецот Маурицио Почетино е најсериозен кандидат за нов тренер на Челзи.

Според информациите на Романо, аргентинскиот тренер до крајот на неделата ќе влезе во завршна фаза во преговорите со раководството на Челзи.

51-годишниот Почетино има големо искуство во Премиер лигата, каде претходно ги водеше Саутемптон и Тотенхем. Тој во моментот е без ангажман откако во 2022 година доби отказ во Париз Сен Жермен.

Актуелниот тренер на Челзи, Френк Лампард има договор со клубот до крајот актуелната сезона.

Шпанскиот тенисер Рафаел Надал објави дека поради повреда го откажува настапот на турнирот Мадрид Опен.

Надал не учествува и на турнирот во Барселона бидејќи уште се опоравува од повредата која во јануари ја заработи на Австралија Опен.

22-кратниот Гренд Слем победник сега е во трка со времето за да земе учество на Ролан Гарос кој започнува на 28 мај. Доколку се биде во ред и шпанскиот тенисер успее да се опорави за турнирот во Париз тогаш тој ќе цели на освојување на рекордна 23 Гренд Слем во кариерата. Негов најголем ривал во битката за рекордни титули е Новак Ѓоковиќ кој исто така има 22 трофеи.

Учеството на Роџер Федерер во скеч на комичарот и водител Тревор Ноа ја воодушеви неговата сонародничка Белинда Бенчиќ.

Ноа и Федерер снимија видео како се возат по швајцарските улици низ прекрасните Алпи. Интересни беа шегите на Ноа, додека Федерер вниманието го привлекуваше со реакциите. Тенисерката Белинда Бенчиќ во овој скеч забележала скриен талент кај Федерер за глума.

„Одличен глумец. Мислам дека наскоро ќе го гледаме во некој филм или нешто слично. Би кажала дека би било многу забавно, кога сте Швајцарец точно го разбирате хуморот. Знаете како возот секогаш доаѓа на време, како никогаш не можете да се возите без карта…Тоа нешто како најголемо злосторство во Швајцарија. Цело видео го гледав со насмевка на лицето“, објави Бенчиќ.