Младиот македонски тенисер Калин Ивановски успеа да се пласира во четвртфиналето на овогодинешниот Вимблдон во јуниорска конкуренција.

Ивановски со одлична игра славеше во дуелот со Едас Бутвилас од Литванија, со резултат од 2:1 во сетови(6:4, 5:7, 6:0).

Младата тениска надеж на Македонија, Калин Ивановски успешно ја мина првата пречка на јуниорскиот дел од Грен Слем турнирот Вимблдон. Нашиот тенисер денеска во двочасовна битка, со пресврт, успеа да слави над Британецот Лука Пау и да си обезбеди место во втората рунда од натпреварувањето.

Ивановски го загуби првиот сет со 6-3, но потоа додаде „гас“ во следните два сета и успеа со 6-4, 6-2 да се избори за конечни 2-1 во сетови и пласман во втората рунда. За ривал го чека поб

23-кратната гренслем шампионка Серена Вилијамс (САД) објави дека се чувствува подготвена да учествува на Вимблдон. Третиот Грен Слем сезонава ќе се одржи од 27 јуни до 10 јули, а Вилијамс веќе доби „вајлд-карта“ за настап на турнирот во Лондон.

„Работам од утро до мрак. Се чувствувам доволно самоуверена за да се осмелам повторно да бидам најдобра“, напиша таа на социјалните мрежи.

Вилијалмс има седум трофеи на Вимблдон, а минатата година поради повреда на тетивата на мечот од првото коло мораше рано да го заврши настапот на турнирот.

Тенисерите од Русија и Белорусија не можат да учествуваат на овогодинешниот Вимблдон, но нивното враќање би можело да се очекува следната сезона.

Директорката на тенискиот клуб Ол Ингланд, Сали Болтон изјави дека забраната на Русите и Белорусите да играат на Вимблдон најверојатно ќе биде ограничена само на оваа година.

„Одлуката што ја донесовме се однесува само на оваа година. Сè уште веруваме дека одлуката беше правилна. Сепак, невозможно е да се предвиди каде ќе бидеме за една година“, рече Болтон.

Иако се чинеше дека Вимблдон е многу експлицитен кога станува збор за оваа одлука, Болтон истакнува дека било многу тешко да се одлучи за судбината на руските и белоруските тенисери.

„Беше многу тешко да се донесе таква одлука и длабоко жалиме за сите оние кои ќе бидат погодени од тоа“, истакна Болтон.

Рафаел Надал во средата после три години го одигра својот прв натпревар на трева. Тенисерот од Шпанија изјави дека овие дуели се одлична подготовка за Вимблдон, каде ќе се обиде да стигне до својот трет Гренд Слем турнир оваа сезона.

Надал годинава ги освои Австралија Опен и Ролан Гарос, а евентуалниот триумф на Вимблдон би го довел чекор поблиску до историски успех, односно освојување на сите четири Гренд Слем турнири во иста сезона, што досега му успеало само на тенисерот Род Лејвер во 1969 година.

Рафаел Надал нема одиграно натпреварувачки дуел на тревна подлога од 2019 година кога во полуфиналето на Вимблдон загуби од Роџер Федерер.

Серена Вилијамс објави нова објава на социјалните мрежи со која најави дека се чувствува подготвена за да учествува на „Вимблдон“. Отвореното првенство на Велика Британија ќе се одржи од 27 јуни до 10 јули, а Вилијамс веќе доби „вајлд-карта“ за турнирот на трева во Лондон.

„Работам од утро до мрак. Се чувствувам доволно самоуверена за да се осмелам повторно да бидам најдобра“, напиша Американката, која има седум титули во британската престолнина.

Вилијамс (40) минатата година се здоби со повреда на тетивата на тетивата на мечот од првото коло на Вимблдон против Александра Саснович од Белорусија и оттогаш нема одиграно ниту еден натпревар.

Тениската асоцијација на САД, која е организатор на гренд слем турнирот УС Опен, потвди дека тенисерите и тенисерките од Русија и Белорусија ќе можат да учествуваат на овогодинешното издание на турнирот.

Организаторите на УС Опен потврдија дека тие нема да го следат примерот на Вимблдон каде учесниците оваа година ќе останат без поени бидејќи на руските и белоруските натпреварувачи не им е дозволено учество.

Единствен услов кои играчите од овие две земји ќе треба да го исполнат е да настапуваат под неутрално знаме. Бранител на титулата во машка конкуренција е Данил Медведев, додека во женска конкуренција шампионка беше Ема Радукану.

Мастерс турнирот во Шангај и трите други турнири што ќе се одржат во Кина оваа година изгледаат неизвесни доколку ситуацијата во земјата со ковид-19 не се подобри брзо, изјави претседателот на АТП – Андреа Гауденци за Ројтерс.

Кина беше домаќин на Зимските олимписки игри под строги здравствени мерки во февруари, но речиси сите други меѓународни спортски настани во земјата оваа година беа откажани или одложени.

Четирите турнири, вклучувајќи го и Мастерсот во Шангај, се закажани за септември и октомври, а Гауденци рече дека одлуката за нивната судбина ќе биде донесена следниот месец.

„Одлуката ќе биде донесена наскоро. Разговараме за мерките против коронавирусот со нив. Но, мислам дека ако протоколите се премногу строги, веројатно нема да ги натера играчите да летаат таму и да ги стават во карантин. Ситуацијата е доста предизвикувачка во Кина. Не сме донеле одлука, но тоа треба да го направиме следниот месец“, додаде Гауденци.

Според најновото рангирање на АТП, Србинот Новак Ѓоковиќ не е повеќе светски тенисер број еден. Неговото владеење со светскиот тенис заврши после изминати рекордни 373 недели на врвот.

Првото место сега му припаѓа на Русинот Данил Медведев кој има 7950 бодови, а за првпат во својата кариера, второто место на АТП листата му припадна на Александар Зверев кој има 7075 бода. Ѓоковиќ се наоѓа на третата позиција со 6770, додека Рафаел Надал е четврт со 6525 бода.

Тони Надал, вујко и поранешен тренер на Рафаел Надал, верува дека неговиот внук ќе игра на овогодинешниот Вимблдон и покрај тешката повреда на стапалото, поради која добиваше неколку инјекции со анестезија пред секој меч на патот до 14. титула на Ролан Гарос.

„Да, тој ќе игра на Вимблдон“, изјави Тони Надал во саботата.

„Кога разговаравме вчера, ми рече дека се чувствува многу подобро. Сака да тренира“, додаде Тони Надал и откри дека неговиот внук следната недела ќе биде на „Мајорка опен“, но нема да игра туку ќе ја искористи можноста да тренира на трева.

Надал претходно оваа недела беше подложен на радиофреквентна терапија со цел да добие сличен ефект на стапалото како инекциите што ги примал во Париз, но на подолг период. Според Тони Надал, првите резултати од терапијата се многу позитивни.