Ема Радукану го шокираше тенискиот свет откако пред нешто повеќе од 10 дена го освои УС Опен.

Сензационалната 18-годишна Британка стана првата тенисерка во историјата која дошла до гренд слем титула преку квалификациите, а Радукану притоа не загуби ниту еден сет. Играше феноменален тенис, а со неа заедно цело време беше тренерот Ендру Ричардсон. Но, по освојувањето на турнирот, Радукану одлучи да се раздели со Ричардсон и да бара поискусен тренер.

Ричардсон повремено работеше со Радукану, а на пат за Америка со неа го испрати тениската академија во Бромли, во која Британката тренираше. Никој не сонуваше дека таа би можела да оди до самиот крај, но откако тоа го оствари, Радукану заклучи дека и треба друг тренер.

„Во овој стадиум од мојата кариера, во кој играм со најдобрите тенисерки на светот, ми треба некој кој е искусен на ВТА ниво и кој е тука подолго време. Нова сум во овој свет и мислам дека добро би ми дошол некој кој водел тенисерки на највисоко ниво.“ – вели Радукану.

Со освојувањето на УС Опен, Радукану на ВТА листата скокна од 150. на 23. место.

Роџер Федерер  потврди дека најлошиот дел од неговото опоравување е зад него и дека ќе се врати на тенисот. Кога точно ќе биде тоа, тој незнае , но се знае дека ќе го пропушти остатокот од натпреварот оваа календарска година.

Некогаш најдобриот светски тенисер, за многумина и најдобар на сите времиња, не играше скоро една година поради две операции на десното колено пред да се врати на терените во 2021. година. Одигра само 13 натпревари во него и го оперираше по третпат истото болно место.

„Напредувам, најлошото е зад мене, и со нетрпение го очекувам она што ме чека. Кога ќе се вратите по повредата, секој ден е подобар од претходниот“ – рече Федерер, кој гледа на кам-бекот како на нов „предизвик“.

Тој додаде дека мора да биде трпелив, но дека „со нетрпение го чека моментот кога повторно ќе може да тренира во теретана и на тениско игралиште“.

Освојувачот на 20 грен слем титули во моментов е деветтиот тенисер во светот.

Во текот на викендот беа одиграни натпревари од Дејвис Купот, а едно од најголемите изненадувања во историјата на тенисот се случи во Буенос Аирес, на натпреварот помеѓу Аргентина и Белорусија.

Првиот натпревар во првата Светска група го играа Диего Шварцман, 15. тенисер на светот, и белорускиот јуниор Данил Остапенков. Заврши со шокантна победа од 6:4, 6:3 за Белорусинот, тенисер кој воопшто нема ранкинг на АТП листата. Коефициентот за победа на младиот тенисер беше 101, а на победа на Шварцман 1.01. Во натпреварот кој траеше час и 38 минути, Остапенков освои 11 поени повеќе, сервираше три аса повеќе и искористи шест од осум прилики за брејк. Белорусинот е 63. јуниор на светот, никогаш не освоил некој посилен јуниорски турнир, никогаш не играл на АТП турнир, а неодамна беше поразен од 804. јуниор на светот.

Аргентинците подоцна ги добија трите наредни натпревари и ја осигураа победата.

18-годишната британска тенисерка Ема Радукану, која сензационално победи на Отвореното првенство на САД оваа година, одговори на прашањето каде ќе ги потроши своите 2,1 милиони евра од паричната награда.

„Уште не одлучив. Ќе им ги дадам на моите родители, тие ќе го сфатат тоа. Сеуште немам купено ништо со овие пари. Тенисот е многу скап спорт со оглед на сите патни и други трошоци. Можеби парите ќе бидат потрошени за ова. Да бидам искрена, воопшто не размислувам за пари. Знам дека ќе има многу даноци и други трошоци“, изјави Радукану.

Во решавачкиот натпревар на УС Опен, Радукану ја совлада претставничката на Канада Лејла Фернандез со резултат 6-4, 6-3. Британката ја освои својата прва титула во кариерата. Ема Радукану по победата на УС Опен, напредуваше за 127 позиции и се искачи на 23-то место на ВТА ранг листа.

Русинот Данил Медведев неочекувано лесно со 3:0 го порази Новак Ѓоковиќ во финалето „УС Опен“, последен Гренд слем годинава.

Вториот носител Медведев со идентични 6:4, 6:4 и 6:4 го совлада светскиот рекет број еден Новак Ѓоковиќ, а мечот траеше 2 часа и 17 минути.

Ѓоковиќ по овој пораз не успеа да стигне до 21. Гренд слем титула, ниту до четврта во една календарска година од големите турнири.

„Тешко е да се проголта овој пораз, но Данил беше подобар. Имам измешани чувства, сакам да кажам дека, иако не победив, јас сум најсреќен човек на светот, затоа што вие, публиката, направивте да се чувствувам посебно на теренот. Никогаш не сум се чувствувал вака во Њујорк“ – рече Ѓоковиќ.

Додека Новак Ѓоковиќ е пред најголемиот натпревар во својата кариера за рекорден 21 грен-слем трофеј, неговиот голем ривал, Шпанецот Рафаел Надал, се бори со повреда на стапалото.

Моментно петторангираниот тенисер во светот и сопственик на 20 грен – слем титули, обзнани денеска дека имал лекарски третман на левото стапало.

Бев во Барселона со својот тим и лекарската екипа и добив третман поради кој ќе морам да мирувам неколку денови, а извесен период и од тениските терени, порача 35-годишниот Надал.

Тој објави фотографии по третманот, кои покажуваат дека шпанскиот тенисер во овој момент има потреба од патерици за да се движи. Ниту Надал, ниту шпанските медиуми, не наведоа за каков третман станува збор и колку долго ќе мора да паузира од тенисот.

Ема Радукану го запиша своето име со златни букви во историјата на тенисот, бидејќи стана првата квалификантка која стигна до трофеј на еден грен слем турнир откако го изоде најтешкиот пат.

Во спектакуларното тинејџерско финале на Флешинг Медоус, Британката Радукану покажа далеку подобра игра и концентрација во клучните моменти, па во еден крајно атрактивен меч ја совлада Лејла Фернандез со максимални 2-0.

Осумнаесетгодишната Ема ја победи една година повозрасната Фернандез со 6-4 и 6-3 во женската тениска завршница во Њујорк, но покрај тоа што стигна до својата прва грен слем титула, се погрижи и за историја каква што не се памети во „белиот спорт“.

Радукану е првата Британка која освојува грен слем титула по далечната 1977-ма година и прва квалификантка која ќе ги стави рацете на еден грен слем трофеј, а начинот на кој го направи тоа прави да бидеме сведоци на тениска бајка.

Новак Ѓоковиќ го очекува најважниот натпревар во неговата кариера. Во финалето н УС Опне против вториот тенисер на светот, Данил Медведев ќе игра за рекордна 21. гренд слем титула, но и за календарски Гренд слем, освојување на сите четири најголеми турнири во истата година.

„Благодарам на публиката, ова беше најдобрата атмосфера од почетокот на турнирот. Ова се моменти за кои живееме и за кои сонуваме. Ова беше посебно.“ – рече Ѓоковиќ по полуфиналето против Зверев.

„Александер е голем шампион и еден од моите најдобри пријатели. Знаев дека ова ќе биде голема битка, ви подаривме шоу какво заслужувате. Тенисот е убав спорт во кој морате да ги дадете и главата и телото за да освојувате турнири.“

Против Медведев има пет победи во осум натпревари, вклучувајќи го и триумфот во финалето на Австралија Опен годинава.

„Остана еден натпревар. Се е тука. Ќе ги дадам срцето, телото и главата… се ќе дадам. Ќе играм како тој натпревар да е последен во мојата кариера.“

Аргентинскиот тенисер Хуан Мартин дел Потро изјави дека очекува следната година да се врати на теренот. Шампионот на УС Опен од 2009. година моментално е во Њујорк и ја искористи можноста да се „дружи“ со легендарниот Џон Мекинро.

„Сакам предизвици, без разлика дали се на тениското игралиште или во животот. Сепак, ова е најтешкиот натпревар во мојата кариера, бидејќи не можам да се справам со вакви повреди, со оваа болка што ја чувствувам сега. Но, јас се уште се обидувам и ќе се обидувам – рече Дел Потро, кој ужива во Големото јаболко, пренесува веб -страницата на АТП.

„Мило ми е што се вратив, ова место е посебно за мене. Имав шанса да играм на него. Ова е моето место, мојот турнир. Се надевам дека ќе се чувствувам подобро и дека следната година ќе бидам на теренот“.

Аргентинецот имаше четири операции на коленото во последните три години, а последната повреда ја доживеа во 2019 година на турнирот во Квинс.

„Ова е живот. Верувам во себе и еден ден сето ова ќе помине. Мислам дека испратив порака до децата, сите играчи и луѓе ширум светот, никогаш да не се откажуваат од сонот“ – изјави Дел Потро.

Јапонската тенисерка Наоми Осака не е среќна и не ужива во животот и спортот што го сака. Победува, а не се радува, кога ќе загуби и е многу тешко да прифати пораз.

Не изгледа добро и не звучи добро, што и самата го потврди по тешкиот пораз од тинејџерката Лејла Ани Фернандез.

Потребна е пауза од тенисот, од се, додека не види што ќе прави со себе.

„Кога победувам, не се чувствувам среќна, тоа ми доаѓа повеќе како олеснување. Кога ќе загубам, многу тажна. Мислам дека тоа не е нормално“ – ги објасни своите емоции Осака, која веќе некое време се бори со депресија, поради што се откажа од минатиот Ролан Гарос и навистина изгледа дека се уште има одредени психички проблеми што ја кочат.

Никој не знае што се случува со Осака, таа вели дека не се познава себеси, и затоа ќе паузира до понатамошно известување, а не би било изненадување ако последен пат ја видовме на тенискиот терен. Сепак, здравјето е најважно.

„Чувствувам дека стигнав до точка каде што морам да разјаснам со себе што сакам да правам понатаму. Искрено не знам кога ќе го одиграм следниот натпревар. Мислам дека ќе се одморам од тенисот“ – рече Осака.