Бек на Пиза е замената за Дамфрис во Интер

Интер веќе работи на пронаоѓање замена за Дензел Дамфрис, кој кариерата ќе ја продолжи во Реал Мадрид.

Според информациите од Италија, „нераѕурите“ внимателно го следат пазарот и разгледуваат неколку опции, а една од нив доаѓа од Серија Б. Во фокусот на миланскиот клуб е Идриса Туре од Пиза. Станува збор за фудбалер кој може да ја покрива целата десна страна и зад себе има искуство во италијанскиот фудбал, меѓу другото и во младинскиот погон на Јувентус.

Засега нема официјални преговори меѓу двата клуба, но Туре е меѓу кандидатите што Интер ги разгледува за пополнување на празнината по заминувањето на холандскиот репрезентативец.

Ова е последица на загубената битка за потписот на Марко Палестра кој беше близу до Интер, ама Аталанта на крајот го продаде во Челси.