Елмин Растодер потпиша за Панатинаикос

Елмин Растодер го направи најголемиот чекор во досегашната кариера и од новата сезона ќе го носи дресот на Панатинаикос.

Грчкиот великан вечерва го официјализираше трансферот на македонскиот репрезентативец, кој потпиша договор до летото 2030 година.

Растодер првпат ќе ја напушти Швајцарија, земјата во која е роден и во која ја изгради својата кариера. Напаѓачот мина низ младинската школа на Грасхоперс, а по настапите за неколку швајцарски клубови, вистинската афирмација ја доживеа во Тун. Минатата сезона беше меѓу најзаслужните за шампионската титула на Тун, постигнувајќи 15 гола и додавајќи шест асистенции. Одличните настапи не останаа незабележани, па интерес за негов ангажман покажаа повеќе клубови.

Сепак, Растодер се реши кариерата да ја продолжи во редовите на Панатинаикос, кој според информациите ќе плати околу 3,5 милиони евра за неговиот трансфер од Тун.