Ливерпул и Манчестер Јунајтед во битка за потписот на Калвин Филипс

Според пишувањето на англискиот весник Мирор, фудбалерот од средниот ред на Лидс е трансфер мета на Ливерпул и Манчестер Јунајтед.

Лидс по се изгледа нема намера така лесно да се откаже од услугите на репрезентативецот на Англија и ќе се обиде да го продолжи договорот со Филипс кој му истекува во 2024 година.

Според информациите, 25-годишниот Калвин Филипс е проценет на 60 милиони фунти, износ кој не би претставувал проблем за двата гиганти од Премиер лигата.