Мурињо: Фенер беше подобар ривал од Јунајтед

Тренерот на Фенербахче, Жозе Мурињо даде своја анализа за настапот на тимот во натпреварот од 3. коло од групната фаза на Лига Европа со Манчестер Јунајтед (1-1).

„Знам дека англиските медиуми ќе кажат дека Манчестер Јунајтед не играше многу добро, но мислам дека би било фер да се каже дека одигравме извонреден натпревар и бевме подобри од нив. Ова е добар резултат за Манчестер Јунајтед. Тие освоија бод против нас, а не ние против нив. Игравме неверојатно“, изјави Мурињо.

Манчестер Јунајтед моментално се наоѓа на 22. место на табелата во Лига Европа со три бода. Фенербаче е на 14. место со пет бода.