Нагелсман презема одговорност, но нема да поднесе оставка

Јулијан Нагелсман не бега од одговорноста, но нема намера да поднесе оставка на функцијата, откако Гермнија во 1/16 финалето го заврши својот настап на СП.

Наглсман истакна дека Германците повеќе не припаѓаат на самиот врв на светскиот фудбал.

Парагвај славеше по изведувањето на пенали, каде што Каи Хаверц, Ник Волтемаде и Џонатан Та беа непрецизни, поради што четирикратниот светски шампион повторно предвреме го заврши учеството на Светското првенство.

По елиминациите во групната фаза во 2018 и 2022 година, германската репрезентација играше за прв пат по 12 години во нокаут фазата на Светското првенство, но ниту овој пат не успеа да направи нешто значајно.

„Ако сте елиминирани на првата пречка, тоа не е доволно за германскиот фудбал. Ова е трета последователна елиминација и повеќе не припаѓаме на првата класа на светските репрезентации. Многу сум разочаран“, рече Нагелсман на прес-конференцијата.

Нагелсман е на клупата на Германија од 2023 година, а има договор со Германскиот фудбалски сојуз до крајот на Европското првенство во 2028 година. Селекторот одговори и на прашања за неговата иднина, нагласувајќи дека нема намера да поднесе оставка.

„Доколку Германската фудбалска асоцијација сака да останам, ќе продолжам да работам. Знам дека многу луѓе сакаат да си заминам, но би сакал да продолжам ако Асоцијацијата го сака тоа. Ќе ги презентирам моите аргументи пред челниците“, рече Нагелсман.

Во моментов нема многу за што да се биде среќен.

„Доколку денес се спроведе анкета во Германија, сигурно е дека луѓето нема да зборуваат позитивно за мене. Не направивме многу на ова првенство. Не сум човек што бега од одговорност“, заклучи германскиот тренер.