Роналдо предупредува дека ќе го напушти Манчестер Јунајтед доколку клубот не доведе засилувања

Британскиот „Дејли мејл“ пренесува дека ѕвездата на Манчестер Јунајтед Кристијано Роналдо ги предупредил челниците на клубот дека ќе го напушти Олд Трафорд доколку екипата не донесе играчи како засилувања во летниот преоден рок.

Ливерпул го донесе Дарвин Нуњез, Сити го ангажира Ерлинг Халанд, а постојат шпекулации дека Јунајтед ќе ги купува Френки де Јонг и Ентони, но засега нема ништо од тоа. Португалскиот напаѓач изјавил дека е фрустриран од недостатокјот на амбиции на клубот по прашањето на трансферите.

37-годишниот Роналдо минатата сезона на 39 натпревари за Јунајтед постигна 24 погодоци.