Турција ја освои женската Лига на нации во одбојка

Одбојкарската репрезентација на Турција го освои трофејот во женската Лига на нации, откако во големото финале ја надигра селекцијата на Бразил со 3-1 во сетови (23-25, 25-23, 26-24 и 25-21).

Мелиса Варгас беше најдобра во победничкиот состав со дури 33 поени зад своето име, а Ханде Баладин додаде уште деветнаесет.

Во тимот на Бразил, прво име беше Ана Кристина со 25 поени.

Во мечот за бронзениот медал, победник беше селекцијата на Италија, која со 3-1 ја совлада репрезентацијата на Кина (25-16, 23-25, 25-22 и 25-13).