Вања Маринковиќ го продолжи договорот со Партизан

КК Партизан со капитенот Вања Маринковиќ го продолжи договорот и ќе остане во црно-белиот дрес најмалку до јуни 2028 година.

Кошаркарот е дете на Партизан и за првиот тим настапуваше од 2013 до 2019 година, пред да замине во Шпанија.

„Црно-белиот“ дрес повторно го облече во 2024 година, а брзо повторно стана еден од лидерите на тимот и најмладиот капитен во историјата на клубот.

Во својата кариера со Партизан освои титула во АБА лигата, две шампионски титули во Србија и два трофеи во Купот „Радивој Кораќ“.