Галатасарај спреми 45 милиони за Мартинели

Галатасарај достави понуда за трансфер за напаѓачот на Арсенал, Габриел Мартинели, објави „ESPN“, повикувајќи се на свои извори.

Понудата на турскиот клуб била приближно 45 милиони евра. Договорот на 25-годишниот Бразилец важи до крајот на сезоната 2026/27, но клубот има опција да го продолжи за дополнителни 12 месеци.

Во моментов не е познато дали фудбалерот ќе се согласи на трансфер во турскиот клуб, бидејќи деталите од неговиот личен договор сè уште не се дискутирани.

Мартинели е во Арсенал од јули 2019 година. На 53 натпревари во сезоната 2025/26, тој постигна 11 голови и имаше пет асистенции.„Трансфермаркт“ ја проценува вредноста на бразилскиот интернационалец на 45 милиони евра.