Балотели: Вистинските таленти се раѓаат на улица

Поранешниот напаѓач на репрезентацијата на „аѕурите“, Марио Балотели, ги посочи проблемите во италијанскиот фудбал.

„Тие се многу едноставни. Кога бевме мали, игравме фудбал со часови. Кога шетам низ градови како Бреша, фудбалските терени во парковите се празни. Компјутерите, телефоните и „PlayStation“ конзолите уништија многу“ – рече Балотели.

„Денес, децата се залепени за телефоните. Тие мислат дека се Роналдињо затоа што ги гледаат неговите видеа а јас мислев дека сум Роналдо затоа што можев да ги правам истите движења во дворот. Сосема е различно“, изјави Балотели кој игра за Ал Итифак а претходно настапуваше за Џенова, Монца, Бреша, Марсеј, Ница, Ливерпул, Манчестер Сити, Милан и Интер.