Бразилецот Братен победи на слаломот во Леви

Бразилецот Лукас Пињеиро Братен победи на слаломот во финскиот Леви во рамките на Светскиот куп во алпско скијање. Тој оствари вкупно време од 1:48,04 и ја продолжи победничката серија на почетокот од новата сезона.

Второто место го освои Французинот Клеман Ноел со заостанување од 0,56 секунди, додека трет заврши Швајцарецот Лоик Мејар со заостанување од 0,73 секунди. Четврти беше Швеѓанецот Фабијан Акс Сварц, а петти Италијанецот Алекс Винацер.

Пињеиро Братен изјави дека неговото скијање изгледало без напор и дека се стреми да скија скија смирено бидејќи така знае дека е брз.

Тој додаде дека враќањето во Леви било емотивно бидејќи лани ја освоил првата бразилска победа во Светскиот куп, а како победник традиционално доби и ирвас.

Клеман Ноел изјави дека Лукас денеска бил многу подобар од него, но се надева на добра борба во продолжението од сезоната. Норвежанецот Атле Ли Мекграт заврши на осмото место, што е негов прв пласман меѓу најдобрите десет на оваа патека.

Со 200 освоени бода, победникот има рана предност во борбата за големиот кристален глобус. Следната трка во машка конкуренција ќе се одржи на 22 ноември во австрискиот Гургл.