Воткинс: Анри е најдобриот напаѓач во светот

Напаѓачот на фудбалскиот состав Астон Вила, Оли Воткинс, кој во сезонава има дадено 10 голови на 28 натпревари, би можел да дебитира за репрезентацијата на Англија в четврток на домашен терен против Сан Марино во квалификациите за СП.
Младиот голгетер не крие дека негов идол е легендарниот напаѓач на Арсенал, Тиери Анри и дека се обидува да го копира неговиот стил.
„Мислам дека Анри е најдобриот напаѓач што некогаш играл во Премиер-лигата. Тој е личност која ме импресионира и затоа навивав за Арсенал уште од дете. Мислам дека сè уште сум далеку од нивото на кое беше Тиери “, додаде напаѓачот на Астон Вила.