Креспо го доведе поранешниот напаѓач на Интер во Сао Паоло

Италијанскиот фудбалер Едер е нов член на Сао Паоло. Бразилскиот клуб потврди дека Едер потпишал договор на две години. Овој 34 годишен напаѓач дојде во Сао Паоло од кинескиот Џангсу каде што играше од 2018 година. Најголем чекор во кариерата на Едер беше трансферот од Сампдорија во Интер во 2016 година, а претходно го носеше дресот на Чезена, Бреша, Емполи и Фросиноне. За репрезентацијата на Италија одигра 26 натпревари и постигна шест голови.