Француските клубови се избегнаа во полуфиналето во Келн

Францускиот состав Нант ќе игра против Барселона во полуфиналето на фајнал-фор турнирот во Лигата на шампионите, одлучи ждрепката. Тоа значи дека нашиот најдобар ракометар, Кире Лазаров, по сензационалната елиминација на Веспрем во четврт-финалето, сега ќе се сретне со неговиот поранешен тим со кој триумфираше во елитната конкуренција на Европа. Во вториот меч од 1 /2 финалето силите ќе ги одмерат францускиот Пари Сен Жермен и Алборг од Данска. Така наречениот Ф4 турнир ќе биде реализиран во – „Ланксес Арена“ во германскиот град Келн од 12 до 13 јуни.