ЕУРО 2020 – 23. Франција одблиску
Франција е еден од основачите на ФИФА и УЕФА
Фудбалска федерација на Франција е на раководното тело на фудбалот во Франција, како и во прекуморските региони и територии (Гваделуп, Француска Гвајана, Мартиник, Мајот, Нова Каледонија, Француска Полинезија и Реунион). Таа е формирана во 1919 година и е со седиште во главниот град Париз. ФФФ била еден од основачите на ФИФА и е одговорна за надгледување на сите аспекти на играта на фудбалот во Франција, и професионални и аматерски. Француската фудбалска федерација е еден од основачите на УЕФА и се приклучи на ФИФА во 1907 година, откако го замени УСФСА, кои беа основачките членови.
Дешамп го врати Бензема, Франција делува застрашувачки
Карим Бензема и официјално по шест години се врати во репрезентацијата на Франција. Селекторот Дидие Дешамп го соопшти списокот од 26 патници за Европско првенство (ЕП), а на листата е и напаѓачот на Реал Мадрид.
Бензема беше отпишан од репрезентацијата од крајот на 2015 година поради инцидентот во кој беше вклучен и Валбуена, но тоа се промени сега.
Овој искусен напаѓач и сезонава игра одлично во дресот на Реал Мадрид, зашто на 45 меча успеа да постигне дури 29 голови.
Голмани:
Лорис, Манданда, Мањан.
Одбрана
Павард, Дубоис, Зума, Варан, Кимпембе, Ленглет, Л. Хернандез, Дињ, Коунде
Среден ред:
Сисоко, Канте, Лемар, Погба, Рабиот, Толисо
Напад:
Бен Једер, Бензема, Коман, Дембеле, Жиру, Гризман, Мбапе, Турам
„Триколорите“ без дилема се едни од фаворитите за златниот медал на ЕП, а очигледно и Дешамп сака да го освои трофејот. Оваа селекција е во група со Германија, Португалија и Унгарија.
Франција е прв фаворит на Европското првенство
Европското првенство стартува 11 јуни и ќе трае се до 11 јули. Најдобрите 24 селекции на стариот континент ќе играат за европската титула, а за прв пат во историјата натпреварите ќе се играат на повеќе локации ширум Европа. Ова првенство е историско и за нас бидејќи Македонија за првпат ќе настапи на еден голем фудбалски шампионат.
Титулата на престојното првенство ќе ја брани Португалија, со оглед на тоа дека во 2016 година на „Сен Дени“ го совладаа домаќинот Франција со 1-0 и по првпат во историјата го освоија трофејот наменет за најдобриот тим во Европа.
Но, европските прваци не се прв фаворит за освојување на турнирот чија завршница оваа година ќе се игра на лондонски „Вембли“.
Најголеми шанси за европската титула според истражуваата на „Опта“ има актуелниот светски првак Франција и тие имаат 20,5 проценти шанси да го освојат трофејот. Веднаш зад „Триколорите“ е селекцијата на Белгија. „Црвените ѓаволи“ имаат 15,7 проценти шанси за трофејот, а по нив изненадувачки следува Шпанија која е во фаза на промена на генерацијата и имаат 11,3 проценти шанси.
