Меси: Не згрешив со моето заминување во ПСЖ

Лионел Меси е убеден дека го направил вистинскиот избор со преселбата во Париз Сен Жермен.  Аргентинецот ова лето како слободен играч премина во клубот од Париз, после две децении поминати во Барселона. 

“Не згрешив со мојот трансфер во ПСЖ“, изјави Лео Меси во ексклузивно интервју дадено за Франс Фудбал.

Ова е единствената изјава  од интервјуто со Меси, која засега ја споделува францускиот магазин . Франс Фудбал појаснува дека во него Меси открива многу детали за работите што му се случиле пред почетокот на сезоната.