Марсело, капитен на Реал Мадрид а 5-ти избор за лев бек во екипата

После заминувањето на Серхио Рамос во Парис Сен Жермен ова лето, капитенската лента во Реал Мадрид му беше доделена на Марсело.

Меѓутоа сезоната за Бразилецот не се одвива во посакувана насока за него. Тој во моментот е петти избор на тренерот Анчелоти за позицијата лев бек во тимот. Поголема минутажа на таа позиција во екипата веќе имаат Ферланд Менди, Давид Алаба, Мигел Гутијерез и Начо Фернандез. 

Слабата минутажа на Марсело најповеќе се должи на проблемите со големиот број на повреди со кои се соочуваше во август и септември. 33- годишниот Бразилец секоја сезона има се помалку настапи за првиот тим на Реал и по се изгледа ова ќе биде негова последна година во клубот. 

Марсело во „кралскиот клуб“ пристигна во 2007 година и беше дел од најголемите клупски успеси. Меѓу другото тој е четирикратен освојувач на Лигата на шампиони со популарните „лос бланкос“.