Мбапе потпишува договор со Реал Мадрид оваа пролет

Позната телевизиска станица од Шпанија која е специјализирана за фудбалски вести излезе со тврдење дека напаѓачот на Парис Сен Жермен, Килијан Мбапе ќе потпише договор со Реал Мадрид по одигрувањето на натпреварите меѓу двата тима од осминафиналето од Лигата на шампионите напролет.

Како што е познато, Мбапе има договор со клубот од Париз до летото 2022 година и слободно може да преговара со други клубови, а во Мадрид се убедени дека повеќе ништо не може да го спречи доведувањето на еден од најдобрите играчи на светот.

Мбапе и Реал Мадрид веќе ги договориле сите детали за трансферот, и сега се чека само официјално потпишување на договорот.