Берлускони: Посакувам Скудето и Лига на шампиони со Монца

Поранешниот прв човек на Милан, Силвио Берлускони, најавува големи амбиции со новиот член на Серија А, Монца.

Монца ја елиминира екипата на Пиза во плеј-оф натпреварот за пласман во Серија А. Сопственикот на Монца, Силвио Берлускони  не сака неговиот клуб да има епизодна улога во елитата, туку посакува високи резултати во иднина.

„Со самиот факт дека сега сме дел од Серија А, ќе мора да го освоиме Скудетото, да се пласираме во Лигата на шампионите и да ја освоиме. Јас сум навикнат да победувам. Мислевме дека ќе успееме да се пласираме во Серија А и минатата сезона, но тогаш немавме среќа. Не беше лесно, но еве успеавме“, изјави Берлускони после натпреварот.