Марез го продолжи договорот со Манчестер Сити

Фудбалерот на Манчестер Сити, Ријад Марез, го продолжи договорот со клубот на уште две години. 

Со новиот договор, Марез ќе остане во Сити до 2025 година. Тој стана еден од главните играчи во екипата водена од Пеп Гвардиола откако во 2018 пристигна од Лестер.

За четири сезони во Сити, 31-годишниот алжирски репрезентативец освои три шампионски титули во Премиер лигата, еден ФА куп, и три Лига купа.