Шкрињар добива нов договор и највисока плата во Интер

Милан Шкрињар ќе потпише нов договор со Интер според кој ќе стане фудбалерот со најголема плата во клубот.

Актуелниот договор на словачкиот фудбалер со Интер истекува по крајот на оваа сезона, тој следното лето ќе стане слободен играч доколку не потпише нов. Преговорите за нов договор ова лето беа ставени на пауза поради интересот на ПСЖ. Интер одолеа на понудите, ги одби сите, бараше најмалку 70-80 милиони евра за својот дефанзивец.

Сега италијанските медиуми тврдат дека во наредните денови Шкрињар ќе потпише нов договор со Интер и ќе стане фудбалер со највисока плата во клубот.

Ќе заработува седум милиони евра по сезона.