Сабицер сака да остане во Манчестер и по шестмесечната позајмица

Марсел Сабицер не беше задоволен од статусот во Минхен и во последниот ден од преодниот рок се пресели во Манчестер Јунајтед на позајмица до крајот на сезоната.

„Црвените ѓаволи“ немаат опција за откуп на лето, па двата клуба ќе треба да седнат на преговарачка маса, а Австриецот не сака назад во Минхен.

Сабицер брзо се прилагоди на новата средина и би сакал да остане  на „Олд Трафорд“, а Баерн нема ништо против да го продаде.

Баварците за неговата слобода бараат 20 милиони евра, сума која нема да биде проблем за „црвените ѓаволи.