Мендеш го понудил Кансело на Реал Мадрид

Реал Мадрид е во потрага по засилување на десната бековска позиција, а менаџерот Жорге Мендеш му нуди интересно решение.

„Дефенса Сентрал“ објави дека Мендеш на Реал Мадрид му го понудил Жоао Кансело кој во моментов е на позајмица во Баерн Минхен. Кансело беше важен фудбалер за Манчестер Сити пред почетокот на оваа сезона, но замина откако влезе во конфликт со Пеп Гвардиола.

Португалецот не се снајде најдобро во Баерн и е во потрага по нов клуб, а Мендеш му го нуди на Реал.

„Кралевите“ се во потрага по десен бек, кој следната сезона ќе биде алтернатива за Карвахал, а Кансело има искуство во Примера.