Еурофарм Пелистер го „наполни“ Радовиш и им се врати на победите

Македонскиот шампион Еурофарм Пелистер за кратко време одигра два натпревари, па така откако вчера загуби од Веспрем во Лигата на шампионите вечерва лесно се справи со Радовиш во Суперлигата. Актуелниот првак немаше никакви проблеми против „фенерџијата“ во домашниот шампионат и славеше со 45-23. „Зелено-белите“ доминираа во двата „периоди“, првиот го решија со 21-11, вториот со 24-12.

Прв стрелец беше крилото Цветан Кузманоски со осум реализации, а Трајанов за поразениот тим даде шест голови.

Во следното десетто коло Еурофарм Пелистер гостува кај Бутел Скопје.