Македонија има целосно израмнет скор со Данска

Против селекцијата на Данска, Македонија досега има одиграно три натпревари. Од нив два беа официјални и тоа во првиот наш циклус квалификации за ЕП 1996 година. На домашен терен одигравме 1-1, а на гости бевме поразени со 1-0. Единствената победа над Данска ја имаме на пријателски натпревар одигран во 2013 година, кога славевме со 3-0. На тој натпревар во Скопје головите за победа на Македонија ги постигнаа Пандев, Ибраими и Новески.

Против селекцијата на Чешка со која може да се сретнеме во финалето на плеј-офот, на четири меѓусебни средби немаме ниту една победа (едно реми и три порази), додека против Република Ирска имаме шест натпревари со само една победа, едно реми и дури четири порази.