Оскар Боб пред заминување од Етихад: Фулам и Дортмунд во трка за потписот

Лондонски Фулам поднесе официјална понуда вредна 35 милиони фунти за Оскар Боб. Преговорите меѓу двата клуба напредуваат брзо, а конечната одлука се очекува деновиве. Иако станува збор за еден од најголемите таленти од академијата на „Граѓаните“, 22-годишниот крилен напаѓач тешко доаѓа до минутажа оваа сезона, особено по доаѓањето на засилувањата како Рајан Черки и Антоан Семењо. Сити е подготвен за продажба, со оглед на тоа што целиот износ би се книжел како чист профит за клубот.

Сепак, плановите на Фулам може да ги расипе Борусија Дортмунд. Германскиот гигант будно ја следи ситуацијата уште од декември и подготвува своја понуда. Историјата на успешните трансфери на играчи од Сити во Дортмунд, како што беше случајот со Џејдон Санчо, е силен адут за „Милионерите“. Дополнителен мотив за Боб би бил и настапот во Лигата на Шампионите, што може да го пренасочи неговиот пат кон Германија доколку преговорите со тимот од Лондон заглават.

Извори блиски до клубот потврдуваат дека Боб сигурно си оди од Манчестер овој јануари. Дури и Пеп Гардиола во своите последни изјави навести дека е време за разделба. Норвешкиот репрезентативец, кој има договор до 2029 година, инсистира на редовна минутажа за да продолжи со својот развој. За Марко Силва и Фулам, ангажманот на Боб би бил вистинска „бомба“ во преодниот рок и идеално партнерство во нападот со Емил Смит Роу.