Расел Вестбрук пред почетокот на сезоната по трејд од Хјустон се пресели во Вашингтон, каде му требаа само 38 натпревари да го сруши клупскиот рекорд по бројот на трипл-дабл. А овој синоќешниот, со кој го сруши рекордот, беше можеби и најимпресивен од сите 162 кои ги оствари во кариерата. Во победата на Вашингтон над Индијана со 132:124, Вестбрук постигна 35 поени, 21 асистенција и 14 скокови, со што стана првиот кошаркар во НБА историјата кој забележал трипл-дабл со барем 35 поени и 20 скокови. Тој го искористи отсуството на најдобриот стрелец на лигата, Бредли Бил и практично сам го одведе Вашингтон до победа. „Тој е победник. Можеби ние не победуваме колку што би сакале, но тој секоја вечер се бори, ја води екипата и игра цврсто. Не е совршен, понекогаш губи премногу топки, но се натпреварува. Прави работи кои не сум ги видел во своите 30 години во лигата. Тој е победник и борец.“ – вели тренерот на Визардс, Скот Брукс. Оскар Робертсон и понатаму е пред Вестбрук на листата на сите времиња со 181 трипл-дабл, но со ова темпо, Вестбрук би можел да го престигне веќе на почетокот на идната сезона.

Кога Бруклин Нетс минатиот викенд објавија дека Кајри Ирвинг повторно нема да биде со тимот поради приватни причини, таа информација предизвика нови расправии за неговата професионалност и однесување.
Ирвинг на почетокот од сезоната исто така си зеде слободни денови поради приватни причини и пропушти седум натпревар, а во тој период се појави и снимка на која се забавуваше на роденденот на неговата сестра.
Овој пат, новинар од Њујорк се јави со ексклузивна информација.
„Имам информација дека Кајри Ирвинг и неговата свршеница очекуваат бебе и затоа тој не патуваше со екипата на турнејата по Западот.“ – се вели во информацијата.
Ирвинг пропушти три натпревари, но тренерот Стив Неш најави дека ќе биде во составот за наредниот натпревар против Минесота, а на неа би можел да дебитира и Ламаркус Олдриџ, седумкратниот Ол-Стар играч кој потпиша за Нетс откако го раскина договорот со Сан Антонио.
Бруклин во моментот се втори на Истокот со скор 31-15, но се значително послаби без Ирвинг. Во 15 натпревари кои тој ги пропушти, Бруклин има девет победи и шест порази.

Кошаркарот на Голден Стејт Вориорс, Стеф Кари, нема да игра барем уште една недела откако магнетна резонанца покажа дека има воспаление на кокцигеумот.
Тоа го изјави главниот тренер на „воините“ Стив Кер. Еден од најдобрите играчи во НБА беше повреден минатата среда кога лошо падна на грб додека се обидуваше да шутира за три поени.
Кари во тековнава сезона одигра 39 натпревари со просек од 29 поени, 5,3 скока и 6,2 асистенции. Екипата на Голден Стејт во Западната конференција со 22 победи и 22 пораза го има деветтото место.

Младиот играч на Шарлот Хорнетс, Ламело Бол најверојатно ќе го пропушти остатокот од НБА сезоната поради повреда, објави клубот. Бол ја заработи повредата при пад во саботниот натпревар против Лос Анџелес Клиперс. Прегледите покажаа дека има скршеница на зглобот на раката. Се уште не е дефинитивно потврдено дека нема воопшто да се врати сезонава, бидејќи ќе побара и второ лекарско мислење, но се чини изгледно дека дебитантската сезона за Бол е завршена. Ламело Бол беше избран како трет избор на НБА драфтот воочи оваа сезона и во моментот е прв фаворит за освојување на наградата за најдобар руки на годината. Во просек, тој бележи 15,9 поени, 6,1 асистенција и 5,9 скокови по натпревар.

Крис Пол синоќа стана шестиот играч во историјата на НБА лигата со 10 илјади асистенции во кариерата. Популарниот КП3 оствари трипл-дабл учинок во победата над Лос Анџелес Лејкерс со 111:94. Постигна 11 поени со 13 асистенции и 10 скокови. 9 асистенција на натпреварот која ја забележа беше негова 10.000 во кариерата. Пред Пол, останаа само Меџик Џонсон, Марк Џексон, Стив Неш, Џејсон Кид и недостижниот Џон Стоктон. Му недостасуваат уште 137 асистенции да го достигне Меџик на таа листа, а за очекување е дека тоа ќе го направи уште сезонава. На Пол му недостасуваат нешто повеќе од 500 поени како би станал првиот играч во историјата со 20 илјади поени и 10 илјади асистенции.

Кошаркарот на Лос Анџелес клиперс, Пол Џорџ е казнет со 35.000 долари. Надлежните од НБА-лигата парично го санкционираа играчот поради јавно критикување на работата на судиите, објави инсајдерот и добар познавач на лигата Шамс Харанија. Одлуката за паричната казна беше донесена врз основа на зборовите на 30-годишникот по поразот од Далас (89:105) на 17 март. Џорџ изрази незадоволство од судиската работа, велејќи дека неговиот тим требаше да добие повеќе слободни фрлања. Пол ги обвини судиите дека лажат и нивната работа ја нарече „лудило“. Играчот исто така изјави дека сака да го испрати видеото со контроверзните моменти на НБА за евалуација. Сепак, како резултат на критиките Џорџ доби казна од лигата.

Дино Раѓа е прославен хрватски кошарка кој најголем дел од својата кариера ја мина во Европа, но сепак, со оглед на квалитетот кој го поседуваше, одлучи да игра и четири сезони во најпрестижната кошаркарса лига, бранејќи ги боите на Бостон. Хрватот мина доволно години во Америка за да си дава за право да прави паралела за случувањата во НБА лигата и оние во европската кошарка, па во последното обраќање кое го имаше, подбра две МВП ѕвезди од НБА лигата кои според него би немале никаква шанса да се справат со тактички потковани одбрани какви што има во Европа. „Во НБА лигата не се игра одбрана, не се обрнува внимание, па кога ќе отидете во Европа, ќе наидете на пет противници што знаат се за овој сегмент од играта. Се сеќавам дека мојата репрезентација играше против Грција во едни квалификации и тактиката беше таа. Го затворивме Јанис со тој пристап. Тој се уште не беше МВП во тоа време, но беше топ играч. Му оставивме да прави се, освен да пенетрира и брзо да ги добива топките. Ни даде само четири поени“, вели Раѓа, кој потоа се осврна на Расел Вестбрук.

Лука Дончиќ во натпреварот кој Далас го одигра ноќта петок кон сабота против Портланд ги воодушеви навивачите на тимот од Тексас, и покрај тоа што Далас беше поразен со резултат 125:119. Словенечкиот кошаркар имаше учинок од 39 поени, девет скокови и десет асистенции, дојде на чекор до нов трипл-дабл, но еден негов потег е сепак за што најмногу се зборува. Една од асистенциите на Лука Дончиќ ги воодушеви сите фанови на НБА лигата, а каква беше најновата магија на словенецот, погледнете во видеото.