Сет Кари ќе се врати во Шарлот, објави инсајдерот на ESPN,
Адријан Војнаровски.
Триесет и тригодишниот американски кошаркар ќе потпише
едногодишен договор со клубот.
Кари играше за Шарлот од февруари 2024 година, му се приклучи
на тимот како резултат на размената со Далас.
На крајот на јуни, Шарлот реши да го пушти играчот на пазарот за
слободни играчи, но подоцна клубот реши да му понуди нов
договор на кошаркарот.

Кошаркарот Николас Батум се врати во Лос Анџелес Клиперс, а тој НБА клуб потпиша договор и со Кевин Портер.

Батум минатата сезона одигра 60 натпревари за Клиперс и Филаделфија и имаше просек од 5,3 поени, 4,1 скока и 2,1 асистенции по натпревар. Тој беше дел од трејдот што го донесе Џејмс Харден во Клиперс.

Портер минатата сезона играше за ПАОК во Грција и имаше просек од 22 поени, 9,3 скока, 6,8 асистенции и 2,8 украдени топки по натпревар.

Американскиот кошаркар Вејд Болдвин официјално е нов кошаркар на турскиот евролигаш Фенербахче со кој потпиша двегодишен договор со можност за продолжување на соработката.

Дваесетиосумгодишникот последните две сезони ги помина во редовите на Макаби каде се наметна како еден од најдобрите поентери во Евролигата.

Претходната сезона бележеше просек од 17.4 поени, 2.5 скокови и 4.9 асистенции на 30 одиграни средби во елитното кошаркарско првенство со што е јасно дека турскиот тим доби ново големо засилување за атак на евролигашката титула.

Никола Миротиќ се договори со Барселона за исплата на парите што му се должат по раскинувањето на соработката, што се случи еднострано од шпанскиот гигант.

Барселона е должна да му плати на Миротиќ долг од 20 милиони евра! А според анексот на договорот тоа ќе го прави во наредните пет години.

Никола минатата сезона ја напушти екипата на Барселона, иако имаше важечки договор со Каталонците до 2025 година и затоа ги побара парите кои му припаѓаат, по раскинувањето на соработката.

Американскиот кошаркар Демар Дерозан потпиша тригодишен договор со Сакраменто Кингс.

Дерозан ќе го напушти Чикаго и ќе оди во Кингс, а во замена за него Булси ги добиваат Херисон Барнс,

Крис Дуарте и два пика од втората рунда на драфтот и пари како финална компензација. Дерозан ставил потпис на тригодишен договор вреден 70 милиони долари.

Македонија следната сезона ќе има три претставници во второлигашката конкуренција во АБА лигата.

Освен шампионот МЗТ Скопје и вицешампионот Пелистер, во АБА-2 лигата ќе игра и екипата на Работнички, која го освои третото место во македонската лига.

Сега се познати и шеширите за новата сезона, која ќе се игра по нов формат, со четири групи со по четири екипи и со натпревари дома-гости.

Ждрепката за новата сезона во АБА-2 лигата ќе биде извршена на 15 јули.

Кошаркарот на Босна и Херцеговина, Џанан Муса и во следната сезона ќе го носи дресот на Реал Мадрид откако  официјално го продолжи договорот со шпанскиот гигант и за сезоната 2024/25.

Муса кој во минатото настапуваше и за Цедевита, Бруклин Нетс, Анадолу Ефес и Бреоган е дел од Реал Мадрид од 2022 година период во кој освои пет титули: две во Суперкупот на Шпанија, една титула во шпанското првенство, Купот на Шпанија и Евролигата.

Хрватскиот кошаркар Дарио Шариќ е нов играч на Денвер Нагетс. Хрватот потпиша двегодишен договор со поранешниот НБА првак.

Според ESPN, договорот е вреден 10,6 милиони долари, а на генералниот директор на Нагетс, Калвин Бут, му се допаѓа сестраноста, искуството и кошаркарската интелигенција на Шариќ.

Минатата сезона тој забележа просек од 8 поени, 4,4 скока и 2,2 асистенции во дресот на Голден Стејт Вориорс, а во текот на НБА кариерата ги носеше и дресот на Оклахома, Феникс, Минесота и Филаделфија.

Лос Анџелес Лејкерс договори две засилувања во стручниот штаб кои треба да му помагаат на Редик, а тоа се Нејт МекМилан и Скоти Брукс.

МекМилан последниот ангажман го имаше во Атланта, иако работеше и во Индијана, Портланд и Сиетл.

Брукс има искуство како главен тренер во Оклахома и Вашингтон, а работеше и како асистент во неколку екипи.

Бади Хилд ќе биде нов кошаркар на Голден Стејт Вориорс. Хилд ќе потпише загарантиран договор на две години за 21 милион долари.

За првите две сезони, играчот има гаранција од 18 милиони долари, третата сезона е делумно загарантирана за 3 милиони долари, а Хилд ќе има опција за играч за незагарантирана четврта сезона.

31-годишниот член на Сиксерс минатата сезона имаше просек од 12 поени, 3,1 скока и 3,1 асистенции по натпревар.