Рускиот кошаркар Алексеј Швед се враќа во европската кошарка по авантурата во кинескиот клуб Шанши Лунгс откако Зенит го потврди потписот на 36-годишникот на договор кој важи до крајот на сезоната 2024/2025.

Кошаркарот својата професионална кариера ја започна во 2006 година и во текот на истата постигна бројни успеси. Тој е освојувач на Евролигата, два пати најдобар стрелец во тоа натпреварување, МВП на Еврокупот и бронзен олимписки медалист со руската репрезентација.

Лука Дончиќ повеќе нема да има право да конкурира за индивидуалните награди оваа сезона во НБА лигата.

Ѕвездата на Далас Маверикс ќе го пропушти неделниот натпревар против Денвер Нагетс, што не е изненадување со оглед на тоа дека веќе е надвор од теренот поради повреда на левата потколеница и се очекува да отсуствува најмалку уште две недели.

Дуелот со Денвер ќе биде 17-ти натпревар што Дончиќ го пропушта оваа сезона, со што ќе ја прекине серијата од пет последователни појавувања во All-NBA First Team изборот.

Исто така, тој автоматски е елиминиран од трката за наградата МВП.

Дончиќ се приклучува на растечката листа на ѕвезди кои нема да го исполнат условот на НБА од 65 натпревари за да можат да бидат во конкуренција за наградите на крајот од сезоната. На таа листа се Каваи Ленард, Џоел Ембид, Зион Вилијамсон, Паоло Банкеро и Чет Холмгрен.

„За жал, тоа е норма сега со правилата кои се поставени“, изјави тренерот на Маверикс Џејсон Кид.

„Кога имате сериозна повреда, тоа може да ве исклучи, но сите знаеме дека тој е еден од најдобрите играчи. Секогаш се споменува како кандидат за наградата МВП”.

Кошаркарите на МЗТ Скопје му одржаа лекција на Пелистер (82-62) во дерби средбата од 13. коло во Првата лига.

Бранителот на трофејот покажа далеку повеќе на средбата во СЦ „Јане Сандански“, го разби противникот и со тоа му се одмазди за тесниот пораз на првиот меч одигран во Битола

„Металците“ ја добија првата четвртина со 20-7, втората со 19-17 и со убава предност од 39-24 заминаа на пауза. Пелистер подобро се снајде во вториот период (20-23), ама домаќините одново одговорија во завршните десет минути и забележаа конечно славје од 20 разлика.

Ова за клубот од Аеродром беше десетта победа во сезоната, најефикасен беше Едвин со 18 поени, Маслинко додаде 15, а Магдевски имаше дабл-дабл од 16 поени и 10 скока. Кај поразените Стајиќ и Антоан реализираа по 14 кошеви.

Американскиот кошаркар, Пи Џеј Доужер се врати во Европа. До крајот на сезоната ќе го носи дресот на Анадолу Ефес.

Доужер, неодамна доби отказ од НБА, откако челниците на Минесота решија да го раскинат неговиот договорот.

Крилниот бек, минатата сезона прв пат во кариерата играше во Европа, го носеше дресот на Партизан. Сезоната в Белград не беше сјајна за него, па Партизаб реши да не му го продолжи договорот, а тој се врати во НБА.

Откако не доби шанса во Минесота, доби раскин на договорот и се врати во Евролигата.

Тој е поранешен студент на универзитетот Јужна Каролина и поранешен член на Оклахома, Бостон, Денвер и Сакраменто.

Сопственикот на Панатинаикос, Димитрис Јанакопулос планира да го задржи Кендрик Наан во Атина со огромен договор, но и дополнително да ја засили бековската линија со Василије Мициќ.

Познато е дека контроверзниот бизнисмен му се восхитува на американскиот плејмејкер кој минатата сезона го предводеше својот клуб до седмата титула во Евролигата. Газдата на клубот е подготвен да му понуди богатство за да го продолжи договорот.

Според информациите со кои располага грчкиот „Спортдо“г, Јанакопулос на поранешниот играч на Мајами ќе му понуди тригодишен договор вреден повеќе од 20 милиони евра, што би бил апсолутен рекорд во елитното европско натпреварување.

Доколку тоа се случи, Нан би заработувал околу седум милиони евра по сезона.

Претседателот и извршен директор на фармацевтската компанија „Вианекс“ со овој чин сака да му докаже на својот најдобар играч колку го цени и го сака во својот тим во годините што доаѓаат.

Најдобриот стрелец оваа сезона во Евролигата игра фантастично. Во претходните пет натпревари тој постигнуваше 25 или повеќе поени по натпревар, израмнувајќи го рекордот на Милош Вујаниќ, Дејан Томашевиќ и Кит Ленгфорд.

Американскиот кошаркар Девонте Греам стана потенцијално засилување за Реал Мадрид. Како што објави инсајдерот Чема де Лукас во петокот, Реал внимателноја следи ситуацијата на 29-годишниот плејмејкер.

Познатиот клуб активно го истражува пазарот со цел да ја засили надворешната линија. Греам одговара на профилот што го бара Реал Мадрид и доколку трансферт биде заклучен, тј ќе биде сериозно засилување.

Греам во 2018 година дипломираше на Универзитетот во Канзас и беше избран како 34. пик на драфтот во НБА од страна на Атланта Хокс.

Тој одигра 345 натпревари во НБА за Шарлот Хорнетс, Њу Орлеанс Пеликанс и Сан Антонио Спарс.

На почетокот на сезоната 2024/25, тој беше префрлен во Џи лигата, за Саут Беј Лејкерс на шест натпревари имаше просек од 14,3 поени, 4,2 асистенции, 2,2 скока, 1,7 украдени топки и 0,2 блокади по натпревар.

Кошаркарите на Олимпијакос убедливо го совладаа Баерн во 20. коло од Евролигата, а мечот во салата „Мир и пријателство“ го одбележа феноменалниот Саша Вененков.

Црвено-белите го забележаа петтиот последователен триумф, го декласираа Баерн со 112-69 и со учинок 14-6 се лидери во Евролигата. Баварците се во пад и по третиот неуспех во последните четири натпревари имаат скор 11-9.

Неверојатниот Везенков натпреварот го заврши со 45 поени (10/10 за два, 8/10 за три, 1/1 слободни фрлања) со 7 скока и 2 асистенции за 35 минути на теренот и индекс на успешност 52.

Ова е личен рекорд за Бугаринот и трет најдобар поентерски учинок во историјата на Евролигата. Само Најџел Хејс Дејвис со 50 и Шејн Ларкин со 49 поени се подобри од Везенков.

Веројатно Везенков ќе го урнеше рекордот, но на две минути до крајот тренерот Јоргос Барцокас го повлече од теренот.

Бугарскиот интернационалец на најдобар можен начин му одговори на тренерот на Жалгирис, Андреа Тринкиери, кој минатата недела протестираше дека Венезнкв бил фаворизиран одј судиите.

Ерик Мекалум до крајот на сезоната ќе игра за Фенербахче, соопшти турскиот клуб.

Мекалум е добро познато лице во Евролигата каде последен пат играше пред четири години во дресот на Химки. За оние кои не знаат, Мекалум е постар брат на кошаркарот на Њу Орлеанс Пеликанс, Си Џеј Мекалум.

Во Фенербахче пристигнува од Каршијака, каде играше во претходните две сезони.

Неговото доаѓање во Фенербахче е последица на лошата кадровска ситуација во тимот на Шарунас Јасикевичиус и повредите кои го зафатија тимот. Мекалум ќе треба да го надополни отсуството на Скоти Вилбекин, Вејд. Болдвин и Артурас Жагарс.

Во Каршијака, Мекалумимаше просек од 16 поени, 2,2 скока и 5,2 асистенции.

Кошаркарскиот клуб Џокер од Сомбор донесе одлука да ја напушти АБА 2 лигата на половина од сезоната.

Како што е објавено на веб-страницата на натпреварувањето, Џокер ја донел шокантната и неочекувана одлука откако обезбеди место во Топ 8 фазата, како најдобар во својата група во првата фаза.

Тимот на Сомбор беше пред екипите на Подгорица, Широки Бријег и Пелистер.

На веб-страницата на АБА 2 лигата се наведува дека клубот се заблагодарил на конкуренцијата за професионалната, фер и коректна соработка, но поради причини кои се надвор од нивна контрола, клубот не може редовно да се натпреварува до крајот на сезоната.

Според правилата на ФИБА и политиките на АБА 2 лигата, сите натпревари на Џокер се регистрирани со официјален резултат 20:0 во корист на противниците. Ова значи дека првото место во Ц групатаг освои Подгорица, а во Топ 8 од втората позиција пласман избори Широки Бријег.

Анадолу Ефес реши да доведе замена за Томислав Мијатовиќ и тоа ќе биде италијанскиот стручњак Лука Банки.

Банки и самиот неодамна доби отказ и тоа од Виртус Болоња, но многу бргу успеа да најде нов ангажман и сега ќе се обиде да ги подобри резултатите на турската екипа.

Мијатовиќ прифатил да остане во клубот, односно во иднина да биде дел од стручниот штаб на Банки и сигурно ќе му биде од помош на италијанскиот тренер.

Ефес во домашното првенство заостанува само два бода зад лидерот Фенербахче, додека во Евролигата врза два пораза и сега има ефект 10:9 за место на средината на табелата.