Шпанскиот кошаркарски тим Реал Мадрид се соочува со сериозни проблеми поради нивниот поранешен кошаркар Маркус Слотер, кој наводно играл за екипата со фалсификуван пасош.

Шпанските власти објавиле налог за апсење на поранешниот кошаркар на „кралевите“ во сезоната 2014/15“, а поради тоа Реал би можел да изгуби пехари во Ендеса лигата и Купот на Кралот. 

Медиумите пишуваат дека Слотер би можел да добие и 16-месечна затворска казна доколку на суд се потврди дека е виновен.

Доколку биде потврдена вината на Слотер, тогаш „кралевите“ би можеле да ги изгубат двете титули, кои би ѝ припаднале на Барселона.

Американскиот кошаркар Били Барон објави крај на својата кариера. Берон минатата сезона ја мина во Милано каде поради повреди одигра само три натпревари, а неодамна реши да замине  Шангај шаркс и кариерата да ја продолжи во Кина, но се чини дека нема да остане таму.

Били Берон е син на Џим Барон, познатиот тренер НЦАА тренер и помлад брат на некогаш одличниот бек шуте Џими Берон. Били Берон ја започна својата колеџ кариера во Вирџинија.

Во Европа покрај за Црвена звезда и Милано, играше и за Литвос Ритас, Шарлоа, Мурсија, Ескишехир и Зенит Санкт Петербург.

Кошаркарскиот тренер Светислав Пешиќ испрати уште една јасна порака во однос на тоа дали ќе ја води во иднина српската кошаркарска репрезентација.

„Имам други планови во животот, сакам да работам нешто друго. Немам 57 туку 75 години. Апсолутно не чувствувам обврска кон никого. Она што го чувствувам е само одговорност кон играчите со кои работев во претходните три години и тоа е она што ме „мачи“ во мојата конечна одлука.

Веќе му кажав на Човиќ новиот претседател, нов тим, нови потпретседатели, се ново, почеток на нов олимписки циклус, нов тренер, се ново. Не бегам од тоа да му помагнам на Човиќ и на новиот селектор колку што им треба помош од мене. Немам што ново да објавам“, порача популарниот Кари.

Адем Мекиќ по две сезони се враќа во мак-кошарката. Тој денеска
потпиша договор со екипата на ТФТ која најави дека има големи
амбиции во новата сезона во домашни рамки.
Искусниот кошаркар претходно играше во Вардар, МЗТ
Аеродром, Куманово, АБ Охрид и Пелистер. Претходните речиси
две сезони ги помина во романскиот состав Темишвар и во
хрватскиот Задар.
Мекиќ потпиша со ТФТ така наречен отворен договор што значи
дека ќе може да ја прекине соработката доколку добие понуда да
замине надвор од границите на нашава земја.

Кошаркарот на Далас, Лука Дончиќ, се здоби со повреда, откако Словенецот заработи контузија на левата потколеница.

Состојбата на Дончиќ ќе се процени за една недела, по што ќе биде познато кога ќе се врати на терените.

Далас Маверикс го очекуваат неколку претсезонски натпревари во НБА-лигата, а првиот ќе се одигра за шест дена против Мемфис.

Потоа, на 11 октомври ќе играат со Јута, на 15 октомври со ЛА клиперс, три дена подоцна со Милвоки.

Претседателот на Панатинаико, Димитрис Јанакопулос, даде интересна изјава поврзана со најдобриот НБА кошаркар Никола Јокиќ.

„Престанав да гледам НБА лигата кога се пензионира Мајкл Џордан. Сега има нова причина за задоволство, а таа се вика Никола Јокиќ. Уживам во неговите игри и ги гледам настапите на Денвер секогаш кога можам. 

Ако некогаш имаме можност, би сакал да го доведеме Јокиќ во нашиот тим. Знам дека заработува огромна сума, но можеби во иднина нештата ќе се променат. Тоа би била вистинска „бомба“ во Атина, навивачите би биле во транс“, изјави Јанакопулос.

Досегашниот прв човек на КК Црвена ѕвезда, Небојша Човиќ, од денеска е претседател на Кошаркарскиот сојуз на Србија. Човиќ ја презеде функцијата од Предраг Даниловиќ, на кого му истече мандатот.

На денешната седница на Кошаркарскиот сојуз на Србија (КСС), Небојша Човиќ беше избран за нов претседател. Резултатот од гласањето беше – 28 гласа „за“ и еден „воздржан“.

„Ви благодарам за довербата. Пред нас е интересен период – олимписки циклус. Треба да го продолжиме континуитетот на Собранието. Ни претстојат квалификации, Европско првенство… Потребно е да создадеме заеднички пристап, без оглед на разликите. Првата задача е да го решиме прашањето за селекторот“, изјави Човиќ, алудирајќи да се продолжи соработката со Светислав Пешиќ.

Римас Куртинаитис е назначен за нов селектор на машката кошаркарска репрезентација на Литванија.

Куртинаитис седнува на селекторската клупа на местото на Казис Максвитис, кој поднесе оставка во јули откако не успеа да ја однесе Литванија на олимпискиот турнир во Париз.

Куртинаитис на клупата на Литванија ќе дебитира во ноември на натпреварите против Македонија во квалификациите за пласман на Европското првенство во 2025 година.

Македонија на 21 ноември ја пречекува Литванија, а реваншот е на програмата на 24 идниот месец.

Дресот на Леброн Џејмс кој го носел како средношколец е продаден за неверојатни 1,3 милиони долари, објавија медиумите во САД.

Станува збор за дресот од „Сент Винсент-Сент Мери“ кој во последните пет години по трет пат е е продаден на аукција.

Со овој дрес Леброн во последната сезона постигна дури 32 поени во натпревар кој беше еден почеток на неговиот пат кон НБА лигата.

НБА кошаркарот Крис Мидлтон продолжува со рехабилитација откако имаше две операции на скочните зглобови.

Операциите беа неопходни за да му помогнат на Мидлтон да се ослободи од болките кои ги чувствуваше во текот на минатата сезона.

„Крис сè уште не е подготвен за целосен тренинг пет на пет“, оцени медицинскиот персонал на тимот.