Пелистер најде начин како да му се „одмазди“ на Навико Академија ФМП за она што го загуби во четвртфиналето од Купот.
Имаа одлични 20. минути домашните кошаркари во кои направија убедлива разлика, која со доста рутинирана, и смирена игра ја оддржаа во второто полувреме.
Откако „пелистерци“ и без помошта на својот капитен, Бојан Трајковски, кој се повреди толкму на нивниот меѓусебен меч од четвртфиналето на Купот „Благоја Георгиевски Буштур“, предводени од извонредниот Игор Кесар (стрелец на 20.поени), доминантно го добија првото полувреме против Навико Академија ФМП. Имаа „вишок“ од 17.поени (54:37).
Но со серијата од (11-0) момците од Кисела Воода се вратија назад во мечот. Стигнаа на минус од само шест поени (48:54), и го претворија ова четвртфинале доста поинтересно.
Имаа „академициге“ доста добра реализација во шутот за три поени (41%), но го имаа и расположениот Крстајиќ кој во второто полувреме поентерски му парираше на Кесар.
Битолчани успеаја да го одбијат тој напад на противникот. Во вистински момент почна да погодува Калахан, кој набрзина дојде до бројката од 19. поени. По две минути од играта во последниот дел, одново имаа двоцифрен плус. По поентирањето на Малешевиќ беа во плус од 11.поени (74:63).
Крстајиќ пак го одржуваше гостинскиот тим во игра за нто повеќе. Но само што ќе дојдеа на достижна разлика, кошаркарите на Навико Академија ФМП не знаеја како да го зададат тој последен удар.
Иако не блескаа и беа далеку од некои други изданија, „зелено-белите“ дојдоа до посакуваната цел.
Комплетната ударна петорка (без заменикот на Трајковски, Михајловски), имаше десет и повеќе поени. Кесар 22, Калахан 21, Малешевиќ 16, а Стајиќ 15.поени.
Крстајиќ дојде до бројка 31, но немаше друга поентерска поддршка ако не се земат в предвид десетте поени кои дојдоа од Темелковски.

Одиграни се првите натпревари од плеј-ин фазата во НБА лигата, турнир за последните две места во доигрувањето во двете конференции.
Синоќа беа одиграни натпреварите од Источната конференција, а ги одбележа сјајниот Џејсон Тејтум. Тој со 50 поени го „растури“ Вашингтон и го одведе Бостон до победа од 118:110 и влез во доигрувањето како седмопласирана екипа. Додаде и осум скокови и четири асистенции, а беше непогрешлив од линијата за слободни фрлања, погодувајќи ги сите 17.
Така, 23-годишниот Тејтум веќе трет пат во својата кариера постигна барем 50 поени и му недостасува само уште еден таков натпревар за да се израмни со Лери Брд, кој го држи рекордот на франшизата.
Откако вториот најдобар играч на Селтикс сезонава, Џејлен Браун е повреден и нема да се врати во доигрувањето, се истакна и Кемба Вокер со 29 поени, седум скокови и две асистенции, додека кај Вашингтон, Бредли Бил постигна 22 поени со девет скокови и шест асистенции, додека Расел Вестбрук натпреварот го заврши со 20 поени, 14 скокови и пет асистенции.

Кошаркарот на Далас Маверикс, Лука Дончиќ, се најде на поширокиот список на играчи кој го објави селекторот на Словенија за квалификацискиот турнир за Олимписките игри закажан во јуни и јули во Каунас, Литванија. Учеството на 22-годишниот поентер од НБА лигата ќе зависи целосно од ефектот на неговиот тим во плеј-офот кој ќе стартува во текот на викендот и ќе трае околу осум недели. Квалификациите во Литванија започнуваат на 29 јуни и ќе траат до 4 јули. Покрај Словенија, во Каунас за виза за Токио ќе се борат и домаќинот Литванија, Полска, Венецуела, Јужна Кореја и Ангола.

Со одигрувањето на последните натпревари синоќа, заврши регуларниот дел од сезоната во НБА лигата. По 6 тимови од двете конференции веќе обезбедија место во плеј-офот, додека оние од 7. до 10 место ќе играат во т.н. плеј-ин. Единствена непозната пред вчерашните последни мечеви беше судбината на Лејкерс, дали ќе се пласираат директно во плеј-офот, или ќе треба тоа да го направат прелку меч од плеј-ин. Тие го победија Њу Орлеанс со 110-98, но Портланд го доби својот дуел со Денвер со 132-116, па ја одбрани позицијата шест. Лејкерс остана на седмото место и ќе игра плеј-ин против Голден стејт.

Генералниот Секретар на Кошаркарската Федерација, Владимир Георгиевски, не го криеше задоволството од организацијата на завршниот турнир од Купот во женска конкуренција пред седум дена, а и од завршниот Куп-турнир во машка конкуренција кој заврши со дуелот помеѓу градските ривали МЗТ Скопје Аеродром и Работнички.
Предизвици секогаш ќе има за организација, особено во време кога пандемија ги диктира условите, но Генералниот Секретар на КФСМ смета дека успешно се надминати.
„Со оглед на ситуацијата во која се наоѓаме предизвиците беа големи од аспект на организација како ќе се спроведат сите протоколи, а да кошарката биде блиска до гледачите и нормална колку што може. Вложивме напори и мислам дека сè се заврши на најдобар начин. Финалето беше дерби, во секоја смисла на зборот покрај дуел на градските ривали, неизвесно до крај како што впрочем беше и целиот турнир. Навистина беше празник на кошарката и најава за она што следува во плејоф натпреварите. Здравјето на сите учесници и сите присутни ни беше приоритет и можам да кажам дека огромен товар ни се симна од гради бидејќи се помина во најдобар ред.“ – истакна Генералниот Секретар.

Со победата над вечниот градски ривал Работнички во финалето од завршниот турнир, екипата на МЗТ Скопје Аеродром ја освои десеттата титула од националниот Куп, кој од оваа година го носи името на нашата кошаркарска легенда, „Благоја Георгиевски Буштур“.
Капитенот на сино-белите од скопски Аеродром, репрезентативецот Дамјан Стојановски, е прогласен за најкорисен играч.
„Мислам дека тоа што навистина играме како екипа и се жртвувавме еден за друг придонесе за оваа титула. Во одбрана бевме одлични и со тоа го добивме дуелот. Дополнителен адут ни е поголемата ротација што ја искористивме максимално и резултатот беше овој триумф. Тројката беше моментална инспирација, ова признание е за целиот тим, сите играме како еден, сите игравме на високо ниво.“ – истакна Дамјан Стојановски по завршувањето на натпреварот.

Коби Брајант, кој во 2020 година загинаа во хеликоптерска несреќа заедно со неговата ќерка Џиана и уште седум лица, постхумно беше примен во кошаркарската Куќа на славните. Целата церемонија беше реализирана осум месеци подоцна од првичниот датум поради памндемијата со Ковид-19. Брајант пет пати ја освојуваше титулата во НБА лигата а 18 пати играше на ол-стар натпреварите. Тој беше прогласен за МВП на сезоната 2007/08. Покрај него, во класата 2020 нови членови на Куќата на славните во Спрингфилд се и кошаркарите Кевин Гарнер, Тим Данкан, тренерот Руди Томјанович, колеџ тренерот Еди Сатон, тренерите на женските колеџ екипи Ким Малки и Барбара Стивенс, кошаркарката Тамика Качинс и поранешниот генерален секретар на ФИБА, Патрик Бауман.

Првото четвртфинале помеѓу екипите на Пелистер и на Навико Академија ФМП донесе големи возбудувања на теренот во СРЦ „Кале“.
Помалку и изненадувачки, во 7. минута од играта, Навико Академија ФМП имаше водство од (19:13). „Пелистерци“ делуваа доста стегнато, особено во фазата на нападот. Беа казнети со уште една тројка (втора) од Атанасов, за (14:22), и тајм-аут на Марјан Илиевски, кој по долга пауза се врати на клупата на „зелено-белите“. Без особено ефект затоа што „црно-белите“ во таа одлична четвртина, имаа и слични (25:18), за тој дел од играта го решат во своја корист, но со нешто пониски, но солидни, (25:21).
Дури по серијата од (8-0), на 2:14 минути пред крајот на полувремето Пелистер поведе, со минимални (48:47), за прв пат во првите 20.минути.Тука битолчани не застанаа, ја продолжија серијата која им донесе уште повисоки (55:49), по што тренерот на скопската екипа, Александар Петровиќ, за кратко време ја „потроши“ и втората минута за одмор. Ефикасната втора четвртина заврши со предност на Пелистер (57:53).
„Пенал-серијата“ продолжи до самиот крај, и донесе доста нервоза, на двете страни од теренот. Нерешено (96:96) беше и на 1:19 минута до крајот на играта.
А потоа моментот на одлука. Тројка на Крстајиќ на истек на нападот, за (99:96) на 8.5 секунди до крајот!
Л.Стојановски „потроши“ три секунди,и го испрати Калахан на линијата за слободни фрлања. Беше мирен Американецот (за 98:99). Крстајиќ половичен за (100:98), но доволно за големо славење на „академиците“.

Тогаш кога помисливме дека Бертомеу воспостави одредени правила на игра како се влегува во Евролигата, се случи ново изненадување. Она што сега се најавува е уште „побомбастично“ од досегашните. Шпанскиот „Мундо Депортиво“ пренесува нови информации на таа тема, дека наводно се подготвува нов план за Евролигата во кој од сезоната 2023/24 веќе нема да има место за второто натпреварување, Еврокупот. Целта е Евролигата да се формира како затворено натпреварување, во кое сите клубови учесници ќе имаат долгогодишна лиценца, при што Еврокупот ќе ја загуби својата цел како натпреварување од кое би се пристапувало кон елитата, како што оваа сезона направија Монако и Уникс. Споменатиот извор открива дека пред неколку недели клубовите кои сега имаат лиценца, тие 11, извршија притисок врз Бертомеу да започне со спроведување на оваа идеја, во спротивно се заканија со барање за негово заминување од највисоката функција во Евролигата. Додатна причина зошто се бара укинување на Еврокупот се финансиите, бидејќи на Еврокупот годишно се трошат 7 милиони евра, а приходот е значително помал, наводно околу три милиони.