Новиот сопственик на ПАОК, грчкиот милијардер Аристотелис Мистакидис, ја отвора најамбициозната ера во модерната историја на клубот.

Со инвестиција од 12 милиони евра и јасен план за враќање на славата, тој сака Солун повторно да стане центар на европската кошарка, и тоа под водство на легендарниот тренер Жељко Обрадовиќ.

Обрадовиќ кој неодамна си замина од српски Партизан, и покрај негодувањата на фановите и на српската спортска јавноста, се чини дека влегува во нова етапа од кариерата.

Бизнисменот Мистакидис, кој поседува 60,8 % од акциите на ПАОК, започна сериозна реконструкција на клубот, од управата и инфраструктурата до создавање тим способен за настап во Евролигата. Тој веќе го зголеми акционерскиот капитал со највисока поединечна инвестиција во историјата на клубот.

Желбата на Мистакидис е Обрадовиќ да седне на клупата на ПАОК, потег што грчките медиуми го опишуваат како „сон што може да го промени лицето на грчката кошарка“.

Кошаркарот на Кливленд кавалирс, Еван Мобли, ќе отсуствува од 2-4 недели поради повреда на левата нога, објави клубот од НБА-лигата.

Дваесет и четиригодишниот Американец повреди мускул на левата потколеница во победата над Вашингтон со 130:126.

Мобли одигра 25 натпревари во сезоната 2025/26 и има просек од 19,1 поени, 9,3 скока, 4,1 асистенции, 1 украдена топка и 1,6 блокади.

Кливленд е шести во поредокот во Источната конференција на НБА-лигата со 15 победи и 11 порази по 26 одиграни средби.

Во последниот натпревар од првиот дел на сезоната во пионерската Суперлига, Македонија ЃП ја совлада Брегалница со 4-2 и на пауза заминува како водечка екипа во шампионатот.

Гостите од Штип имаа предност од 2-0, но сепак на крајот пионерите на Македонија ЃП направија пресврт и стигнаа до трите бода кои има ја обезбедија првата позиција.

Брегалница поведе преку Ванчо Кочубов во 16. минута. Во 34. Антонио Арсов зголеми на 2-0, а во последните секунди од првиот дел Лука Лазаревски ја намали предноста на противникот.

Во 58. минута Марко Стојановски израмни на 2-2, а само четири минути подоцна Таха Намик Менга го постигна третиот гол за домаќинот. Конечните 4-2 ги постави Лазаревски во 79. минута повторно се запиша меѓу стрелците за триумф на Македонија ЃП.

По 15. коло составот од Ѓорче Петров има 40 бода, два повеќе од Шкендија Тетово додека трет со 36 е Пелистер. Првиот дел од сезоната на четвртото место го заврши Работнички со 34 бода додека петтопласираниот Вардар освои 33.

Најефикасен играч во есенскиот дел од шампионатот е Алек Трпковски од Работнички кој 14 пати ги совладал противничките голмани, а погодоци постигнаа Петар Гулигаровси (Пелистер), Васко Папалиски (Скопје), Ерион Салихи (Башкими)и Стефан Војчески (АП Брера).

Првенството продолжува по двомесечната пауза и се пролетниот дел треба да почне кон крајот на февруари следната година.

Марио Хезоња е сè уште еден од најдобрите играчи на Реал Мадрид, но се чини дека доаѓа време за нови предизвици.

Конечно, ќе има можност да го смени клубот во текот на летната пауза, а според израелските медиуми, тој е цел на Хапоел Тел Авив.

Иако го продолжи договорот со „кралскиот клуб“ минатото лето, тоа не гарантира дека ќе остане во Мадрид.

Според „Спорт5“, контактот меѓу Хезоња и Хапоел веќе е воспоставен, а главната работа за која ќе се преговара е висината на обесштетувањето, бидејќи хрватскиот репрезентативец има договор до 2029 година.

Се претпоставува дека личната добивка нема да биде голем проблем, бидејќи сопственикот на Хапоел, Офер Јанај, покрај големите амбиции, има и голем буџет, а Хезоња е главна цел на израелскиот тим ова лето.

Кошаркарската федерација на Македонија информира дека на 21. декември (недела), 2025 година. ќе ги организира All Star натпреварите, кои повторно стануваат дел од официјалниот календар како симбол на современа, отворена и атрактивна кошарка.

Планирани се три натпревари:

● натпревар за македонските надежи (М20) – „Sвезди во подем“,

● женски сениорски All Star натпревар,

● машки сениорски All Star натпревар.

Во двата сениорски натпревари ќе настапат селекциите „Македонија“ – „Свет“, составени од домашни играчи и странски кошаркари кои играат во најквалитетните сениорски лиги под капата на федерацијата – „МТЕЛ“ Супер лига – мажи и „Шпаркасе Лајф“ Прва лига – жени.

Во рамките на All Star програмата, во паузите (истек на четвртините) од натпреварите, ќе се одржат и ревијалните натпревари во забивање и шутирање за три поени, како составен дел од кошаркарскиот спектакл и дополнителна можност за промоција на вештината, креативноста и атрактивноста на играта.

Во паузите меѓу натпреварите ќе се одржи и свечено доделување на признанија и награди за најдобрите поединци и колективи во сезоната 2024/25, како чин на почит и признание за квалитетот, трудот и професионализмот во македонската кошарка.

Со оваа манифестација федерацијата ја потврдува својата определба кошарката да биде повеќе од резултат – простор за промоција на талентот, фер-плејот, инспирацијата и заедничката спортска радост.

Повеќе информации за составите на екипите, стручните штабови и пропратните активности ќе бидат објавени во 15, декември (понеделник), 2025 година.

Првиот играч на Голден Стејт Стеф Кари заработи најмногу средства во 2025 година во НБА лигата. На листата на најплатени играчи е Кари со 159,6 милиони долари заработка, додека втор на листата е Леброн Џејмс со 137,6 милиони.

„Тројката“ најплатени за комплетира Кевин Дурант со 104,3 милиони.

Блиску со „стотката“ е Јанис Адетокумбо со 99,1 милион, а следуваат Џејсон Тејтум (79,1); Ентони Едвардс (65,6); Џоел Ембид (65,2); Џими Батлер (65,1); Шај Гилџус-Александер (63,3) и Никола Јокиќ (63,2), со што се комплетира листата на ТОП 10 најплатени играчи во НБА лигата.

Податоците се според Форбс.

Искусниот шпански тренер Пабло Ласо ќе стане нов шеф на тренерскиот штаб на Анадолу Ефес. Порталот „Баскетфул“, тврди дека тој договорил 18-месечна соработка со клубот од Истанбул. Според овој извр, Шпанецот ќе биде промофиран во нов тренер по дуелот што Ефес треба да го одигра со Валенсија.

Двократниот освојувач на Евролигата, неодамна остана без тренер откако Игор Кокошков беше отпуштен од должноста по серија лоши резултати.

Според извештаите, Ласо ќе го гледа во живо гостувањето на Ефес во Валенсија, а потоа треба да се врати во Истанбул со тимот, каде што ќе ги заврши сите формалности околу потпишувањето на договорот.

Договорот е од таква природа што двете страни можат да ја прекинат соработката на крајот од оваа сезона доколку резултатите не го задоволат Ефес, додека спротивното сценарио би значело дека Ласо би останал во Истанбул до летото 2027 година.

По 15 кола во Евролигата, Ефес има скор од 5-9 и е во група од пет екипи, кои имаат идентичен сооднос на победи и порази.

Шпанскиот стручњак, Џоан Пењароjа ќе биде новиот тренер на КК Партизан, објавија речиси сите српски медиуми. Клубот засега негира дека постигнал договор со Шпанецот. Партизан е тренер откако Жељко Обрадовиќ поднесе оставка.

По оставката на Обрадовиќ, тимот го предводеше неговиот помошник Мирко Оцокољиќ. Под негово водство, Партизан го победи Баерн во Евролигата и Клуж во АБА лигата.

Според медиумите, Пењароjа официјално ќе стане тренер на Партизан во петок, по натпреварот со Црвена звезда во Евролигата.

Шпанецот и Партизан се договориле соработката да трае до 2027 година.

Пењароjа (54) е тренер со богато искуство на елитното европско ниво, ги водеше Барселона, Басконија и Валенсија, а најголемите успеси ги забележа со Бургос, со кого освои две титули во Лигата на шампионите (2020, 2021) и Интерконтиненталниот куп на ФИБА.

Пењароjа, пред еден месец, поради лошите резултати доби отказ во Барселона.

Ергин Атаман главниот тренер на турската репрезентација и на грчкиот Панатинаикос, го пофали настапот на центарот на Хјустон, Алперн Шенгун.

„Технички, Шенгун е најдобриот центар во светот во додавања. Според мене, тој е супериорен во однос на Никола Јокиќ. Тој има 23 години и само ќе станува подобар“, рече Атаман.

Турскиот кошаркар има просек од 23,1 поен, 9,1 скока и 7,1 асистенции по натпревар