Предводникот на Оклахома Сити, Марк Дејно е прогласен за тренер на годината во НБА, објави најсилната кошаркарска лига на светот.

Триесет и деветгодишниот Американец во гласањето доби 473 поени. На првото место Дејно го поставија 89 од 100 испитаници.

Втор е главниот тренер на Орландо меџик, Џамал ​​Мозели, со 158 поени. Тренерот на Минесота, Крис Финч, заврши на третото место со 105 поени. Оклахома регуларниот дел од сезоната го заврши на првото место во Западната конференција со 57 победи и 25 порази.

Во првото коло од плејофот екипата на Оклахома води со 3-0 против Њу Орлеанс во серијата прв до четири победи.

Кошаркарот на Минесота, Наз Рид е прогласен за најдобар шести играч во НБА, објавено е денеска на официјалната веб-страница на натпреварувањето.

Рид сезонава имаше просек од 13,5 поени и 5,2 скока на 81 натпревар. Тој играше на 67 натпревари од клупата, заменувајќи ги Руди Гобер и Карл Ентони Таунс.

Во соопштението на НБА беше наведено дека Рид добил 352 гласа, додека второто место го освои кошаркарот на Сакраменто Малик Монк со 342. Третопласиран беше кошаркарот на Милвоки Боби Портис, кој освои 81 глас, додека играчот на ЛА Клиперс, Норман Пол, заврши на четвртата позиција со 65.

Иако пред неколку месеци беше најавувано дека Дубаи дефинитивно ќе биде дел од најдоброто европското кошаркарко натпреварување Евролигата, може да се случи пресврт.

Според сознанијата на шпанскиот кошаркарски портал „Енцестандо“, неколку гиганти од Евролигата се противат на идејата Дубаи да се приклучи на елитното натпреварување.

„Енцестандо“ пренесува дека Реал бил предводник на оние кои се против Дубаи да влезе во Евролигата. На нивна страна наводно биле и Фенербахче и Баерн.

Екипата на Бруклин Нетс остана без место во плејофот, па и плејин фазата во оваа сезона и јасно е дека ќе има одредени промени во составот со тоа што веќе е решено најважното прашања, а тоа е тренерската позиција.

Жак Вон беше отпуштен на ол-стар паузата, па потоа екипита привремено до крајот на регуларниот дел беше водена од Кевин Оли. Денеска Бруклин го објави името на новиот предводниик кој доаѓа од Шпанија и неговото име е Жорди Фернандез.

Тој ќе биде првиот Шпанец тренер во најсилната лига на светот. Жорди веќе некое време работи во НБА или Џи-лигата, има искуство како асистент во Денвер Нагетс и Сакраменто Кингс од каде доаѓа во Нетс.

Воедно Фернандез е и селектор на Канада со која го освои бронзениот медал на СП кое минатата година се одржа во Индонезија, Филипини и Јапонија.

Mинатогодишниот финалист во НБА лигата, Мајами, по поразот од Филаделфија во нивниот прв настап во „плеј-инот“ дознаа и дополнителна лоша вест бидејќи за доигрувањето против Чикаго во петок нема да го имаат на располагање својот најдобар кошаркар, Џими Батлер.

Батлер се повреди во последните секунди од натпреварот со Филаделфија кога донашниот играч Кели Оубре незгодно му налета на ногата.

Батлер остана на теренот до крајот на теренот, но според првите проценки го очекуваат неколку недели пауза. Детали за повредата ќе бидат познат по магнетната резонанца.

Ова значи дека Мајами ако успее да се пласираа во доигрувањето во првиот круг против Бостон кој беше лидер на Истокот ќе мора да игра без услугите на Батлер.

Американците на својот официјален сајт го објавија планот на подготовките и дуелите кои ќе ги играат во Абу Даби и Лас Вегас.

Собирот е во Невада на 6 јули, каде ќе одиграат подготвителен натпревар со Канада, потоа ќе се упатат во Абу Даби, каде најпрво ќе се сретнат со Австралија на 15 јули, додека два дена подоцна ќе се сретнат и со Србија на „Итихад Арена“.

Тренерот Стив Кер ги има на располагање речиси најсилните имиња од НБА, па нема дилема дека американскиот „дрим тим“ ќе биде првиот фаворит за олимпиското злато во Париз, а играчите кои се одзваа на поканата на Кер се: Стеф Кари, Тајрис Халибартон, Џру Холидеј, Ентони Едвардс, Девин Букер, Кавај Леонард, Кевин Дурант, Џејсон Тејтум, Ентони Дејвис, Леброн Џејмс, Бам Адебајо и Џоел Ембид.

Соединетите Американски Држави по неуспехот на Светското првенство во 2023 година, одлучија да ги ангажираат најголемите НБА ѕвезди за претстојните Олимписки игри во Париз.  

Тимот е брутален. Американците не сакаат повеќе да бидат предмет на потсмев и  доаѓаат во моќен состав. Играчите кои ќе го носат дресот на Соединетите Американски Држави се: Леброн Џејмс, Стивен Кари, Кевин Дурант, Џоел Ембиид, Џејсон Тејтум, Девин Букер, Џру Холидеј, Ентони Дејвис, Ентони Едвардс, Бам Адебајо и Тајрис Халибартон.

Последниот член на репрезентацијата на САД ќе биде познат во наредниот период.

Порталот „Атлетик“ објави информации за непосредните планови на Брони Џејмс, синот на кошаркарот на Лос Анџелес Лејкерс, Леброн, кој реши да се пријави за драфтот во 2024 година.

„Брони планира да го посвети своето време и енергија на драфтот во НБА. Ова е опцијата која би била најпосакувана за Леброн и неговата придружба.

Планот е да се почека до 29 мај, кога ќе треба да се донесе конечна одлука за нацрт-апликацијата“, стои во објавеното на „Атлетик“.

Центарот на Макаби, Џош Нибо ќе биде во конкуренција за настап во словенечката репрезентација откако доби државјанство на оваа земја.

Иако селекцијата на Словенија го има Мајк Тоби од Црвена Звезда, неговата лоша сезона придонесе Федерацијата да бара ново решение под кошевите.

Изборот паднал на Нибо кој играше одлично за Макаби и најверојатно со него „змајчеки“ ќе бркаат пласман на Олимписките игри, преку квалификациите.

Кошаркарите на Партизан издвојуваа убедлива победа над Задар од
113-74 во последниот натпревар од регуларниот дел во АБА лигата.
Домашниот тим го надигра противникот во сите четвртини со тоа што за издвојување се вториот и последниот период во кој избраниците на Обрадовиќ постигнаа 69 поени што доволно говори за НБА изданието што го имаа.
Шест играчи беа двоцифрени, а од нив лидер беше Аврамовиќ со 18
кошеви на кои придодаде 5 скока и 8 асистенции.
Дрежњак и Жганец со по 15 поени беа лидери кај гостите за кои
нашиот Адем Мекиќ за 6 минути на паркетот забележа 1 скок и 1
асистенција.
Паровите за четвртфиналната рунда се познати и оваа фаза ќе започне во сабота со дуелот Будуќност – Задар. Останатите двојки се Црвена Звезда – Студентски Центар, Мега – Цедевита Олимпија и Партизан – Игокеа.