Претседателот на Меѓународната кошаркарска федерација (ФИБА), Андреас Заглис, одговори на прашањето за преговорите со Руската кошаркарска федерација за враќање на меѓународните турнири.

Руската репрезентација, како и нејзините клубови, беа исфрлени од сите натпреварувања под покровителство на ФИБА по почетокот на војната во Украина.

„Во врска со ова прашање, Централниот совет минатиот четврток одлучи да го продолжи сегашниот статус до состанокот во мај. Водиме постојани и активни преговори со Руската кошаркарска федерација. Руската Федерација, како Белорусија, не е суспендирана од работа. Нема сомнеж дека треба да се чека пошироката геополитичка слика. Колку и да мислите дека кошарката е важна, за жал, во овој случај има многу поважни теми кои треба да се решат“, изјави Заглис.

Американскиот кошаркар Џон Браун е новото засилување на Црвена звезда.

Поранешниот член на тимот на Монако, во петокот пристигна во Белград, викендов имаше лекарски прегледи, а денеска потпиша договор со Црвена звезда. Браун потпиша договор со крајот на сезоната, а доколку двете страни бидат задоволни тој ќе биде продолжен на уште една сезона.

Џон Браун, роден во Џексонвил (Флорида), е висок 203 сантиметри, а неговата игра се карактеризира со огромна енергија, борбеност и врвна дефанзива.

Во претходните сезони се здоби со статус на еден од најдобрите дефанзивни играчи во Европа: Тој беше најдобар „крадец на топки“ на Евролигата 2022, италијанската лига 2020. година и ВТБ лигата во 2021 година.

Тој минатата сезона (2024) беше прогласен за најдобар дефанзивец во францускиот шампионат, а покрај тоа со Монако освои и две шампионски титули на таа земја, како и Купот на Франција.

Македонскиот кошаркарски шампион, МЗТ Скопје Аеродром објави дека спогодбено го раскинал договорот со хрватскиот интернационалец Марко Баковиќ.

Оваа информација доаѓа помалку изненадувачки бидејќи изминатото лето МЗТ го продолжи договорот со иксусниот хрватски кошаркар.

Баковиќ во Аеродром дојде од таборот на Цибона, а претходно има играно за Горица како и за исландскиот тим Тор.

Крис Пол стана втората најдобар асистент во историјата на НБА. Во победата на Сан Антонио над Њу Орлеанс 121-116, Крис Пол забележа шест поени, седум скока и 10 асистенции.

Пол стигна до 12.092 асистенции во кариерата, со што се искачи на второто место на вечната листа и го мина Џејсон Кид.

Пред популарниот ЦП3 сега е само Џон Стоктон, кој има 15.086 асистенции и јасно е дека 39-годишниот плејмејкер никогаш нема да го достигне.

Пол оваа сезона има просек од 10,4 поени и 8,5 асистенции, а во текот на кариерата пет пати беше најдобар асистент во лигата.

Во првите десет се и Леброн Џејмс, Стив Неш, Марк Џексон, Меџик Џонсон, Оскар Робертсон, Расел Вестбрук и Ајзеа Томас.

Џон Браун успешно ги мина лекарските прегледи во Белград и официјално го стави својот потпис на договорот со Црвена Звезда.

„Црвено-белите“ долго беа во потрагата по нов висок кошаркар по повредата на Боломбој, а откако не успеаја да го комплетираат трансферот на Мотли фокусот беше насочен токму кон Браун.

Поранечниот кошаркар на Монако е слободен играч по истекот на договорот со „кнезовите“ , станува збор за квалитетен и искусен кошаркар, но сомнеж беше фрлен поради неговата физичка состојба по тешката повреда на рамото заработена ланската сезона во четвртфиналето од Евролигата против Фенербахче.

Браун ќе почне да тренира со остатокот од тимот, а не се исклучува можноста тој да дебитира за Црвена Звезда веќе в петок, на дуелот од Евролигата со Олимпијакос на кој „црвено-белите“ нема да можат да сметаат на Филип Петрушев, поради клаузула во договорот за позајмица токму од атинските „црвено-бели“.

Најџел Хејс-Дејвис е прогласен за најкорисен играч во 14. коло на Евролигата.

Кошаркарот на Фенербахче постигна 33 поени во победата над Реал Мадрид од 82:70. Тоа е втор најдобар резултат оваа сезона и втор најефикасен натпревар во кариерата на Хејс-Дејвис.

Најџел реализираше 6 од 9 двојки, 6 од 10 тројки и 3 од 4 слободни фрлања за 37:33 на теренот. Имаше и 4 скока и 2 украдени топки.

Американецот ја освои наградата МВП по четврти пат во кариерата.

Париз во 14. коло од Евролигата го совлада Олимпијакос со резултат 96-90 среде Пиреја. Со оваа победа актуелниот освојувач на Еврокупот докажа дека повеќе не е изненадување во Евролигата туку легитимен кандидат за место на завршниот турнир.

Избраниците на Тиаго Сплитер го задржаа првото место на табелата во Евролигата со ско 11-3, а против грчкиот тим забележаа неверојатна десетта победа во низа, додека Олимпијакос падна на 9-5 со вториот пораз во последните три натпревари.

Гостите на полувремето заминаа со +5, а потоа следуваше фуриозен трет период (24-16) кој на Париз му донесе предност од 13 поени. .

Играчите од Париз добро ја отворија последната четвртина, направија серија и стекнаа предност од 20 поени. И тука застана. Следуваа фуриозни три ипол минути на Олимпијакос и серија од 22-0 (во која Фурние постигна 11 поени).

Следуваше неверојатна завршница. Шортс погоди тројка за +4 на Париз, Олимпијакос успеа да изедначи, имаше дури и напад за водство, но Париз се одбрани, па на 20 секунди до крајот, Ло остана сам како дух и погоди тројка за +3. Тогаш тренерот на Париз реши да влезезе во пенал завршница и тоа му се испалтеше. Фурние промаши едно фрлање, а зонскиот пресинг на домаќините беше толку лош што Јантунен остана сам под обрачот за +4.

Фурние погоди тројка од едната нога на 6,5 секунди до крајот (-1), а Ло веднаш беше фаулиран. Германецот без проблем ги погоди и двете слободни, а Фурние потоа се лизна, му падна топката, а Хифи со тројка во последната секунда стави точка на натпреварот.

Ти Џеј Шортс со 21 поен и осум асистенции го предводеше Париз, Хифи постигна 20, додека Вард имаше 14 поени. Ло уфрли осум коша од кои пет во последните 20 секунди.

На другата страна трагичарот Фурние имаше 25 поени. Везенков постигна 18 поени.

Лука Дончиќ потврди дека ќе ја води Словенија на Евробаскетот во 2025 година.

„Со нетрпение очекувам да играм за мојата земја. Гордост е, радост е да играм за мојата земја секогаш кога можам. Затоа ќе го повторам тоа“, рече Дончиќ.

Дончиќ во кариерата нема пропуштено ниту еден репрезентативен турнир.

Играше за Словенија на Евробаскетот 2017, во квалификациите за Олимписки игри и на Олимписки игри во 2021, Евробаскетот 2022, Светското првенство 2023 и квалификациите за Олимписките игри во 2024 година.

Голема е веројатноста Дончиќ да игра и на Евробаскет 2029, со оглед на тоа што Словенија е еден од кандидатите за коорганизатор на турнирот.

Словенија беше домаќин на Европското првенство во 2013 година, а Дончиќ како 18-годишник ја предводеше репрезентацијата до титулата во 2017 година.

Евробаскетот во 2025 година ќе се игра од 27 август до 14 септември следната година, а домаќини ќе бидат Кипар, Финска, Полска и Летонија.

Дончиќ оваа сезона има просек од 28,7 поени со 8 скока и 7,9 асистенции за Далас Маверикс во НБА.

Како дел од проектот „Откажи родово базирано насилство“, во просториите на Арената „ОАКА“ во Атина се одржа извонредна конференција организирана од страна на Грчката кошаркарска федерација, а во соработка со партнерските организации, меѓу кои и Македонската кошаркарска федерација.

Конференцијата беше модерирана од проектниот менаџер на грчката кошаркарска федерација, а говори одржаа претседателите на грчката и на кипарската кошаркарска федерација.

Настанот ги претстави целите на проектот, достигнувањата и тековните активности од неговиот почеток во 2022 година.

Дискусиите ја нагласија важноста од спречување на родово базирано насилство во спортот и потребата од ефикасни системи за пријавување, кои ќе обезбедат поддршка за сите жртви.

Заедно, работиме на зголемување на свеста, одговорноста и позитивните промени во спортските заедници, гласи пораката која е испратена од присутните на собирот во главниот град на Грција.

Душко Ивановиќ го наследи Лука Бјанки на клупата на Виртус Болоња. Бјанки си замина по синоќешниот пораз од Алба во Евролигата. Виртус има скор од само две победи и 11 порази.

Виртус за помалку од 24 часа најде нов тренер. Поранешниот тренер на Црвена звезда и Басконија, Душко Ивановиќ го презеде тимот.

Црногорецот нема да може да дебитира утре прптив својот поранешен клуб Црвена звезда, бидејќи помина рокот за регистрација, за играчи или тренери за 14.коло.

Ивановиќ ќе дебитира против Милано викендов во домашното првенство.