Три тима претендираат за потписот на Крис Пол. Според најновите вести од НБА лигата, тоа се екипите на ЛА Клиперс, Феникс и Милвоки.

„Ми кажаа дека во средата разговарал со Бакс. Пред неколку недели во шоуто на Пет МекКафи рече дека претпочита да остане на Западниот Брег. Сега ги разгледува своите опции. Западниот Брег или тим како Милвоки, ќе видиме“, рече инсајдерот на ЕСПН, Шамс Чаранија.

40-годишниот плејмејкер ја помина минатата сезона во Сан Антонио, со просек од 8,8 поени, 3,6 скока, 7,4 асистенции и 1,3 украдени топки по натпревар.

Македонскиот кошаркарски репрезентативец, Андреј Јакимовски се враќа во Европа. Тој во изминативе пет години настапуваше во САД во НЦАА колеџ кошаркарската лига, а враќањето значи Јакимовски прави кам бек на стариот континтент.

Во новата сезона ќе биде дел од италијанскиот прволигаш Тренто, екипа која во последната сезона заврши на четвртото место во италијанската лига и беше четвртфиналист во плеј офот.

Јакимовски како млад играч има настапувано во Италија, а потоа замина во колеџ екипите Вашингтон Стејт и Колорадо, каде имаше забележителни резултати.

Ова треба да биде ново поглавје за Јакимовски во неговата кариера.

Белградска Црвена Звезда од синоќа има нов кошаркар во својот состав. Станува збор за американскиот шутер-бек, Тајсон Картер.

27-годиошниот Картер потпиша договор со Црвена Звезда и ќе биде ново засилување за тимот во пресрет на новата сезона.

Картер ги помина последните три сезони во шпанскиот тим Уникаха. Минатата сезона тој имаше просек од 12,8 поени и 4,3 асистенции по натпревар во Лигата на шампионите, помагајќи му на својот тим да го освои турнирот, а притоа и стана најкорисен играч на Фајналфорот.

Прославениот кошаркар на Шпанија, Серхио Родригез, ќе го наследи Алберто Херерос на позицијата спортски директор во Реал Мадрид.

Тој има 28 трофеи меѓу кои се издвојуваат двете светски титули со Шпанија, златен медал на Евро-баскетот во 2015-тата и второ место на Олимписките игри во 2012 година.

„Кралевите“ во наредниот период ќе мора да обезбедат и нов тренер откако Чус Матео најави заминување.

Екипата на Милвоки се раздели со кошаркарот, Крис Ливингстон, објавија денеска медиумите во САД.

21-годишниот поентер (198 см) беше избран на 58-мо место на НБА драфтот во 2023 година.

Во текот на 2 сезони со тимот, кошаркарот одигра 42 натпревари, постигнувајќи 1,3 поени и 1,3 скока за 4,7 минути во просек.

Селекторот на кошаркарската репрезентација на Турција, Ергин Атаман го објави списокот на играчи за Европското првенство кое ќе стартува кон крајот на август.

На листата се: Адем Бона, Алперин Шенгун, Берк Угурлу, Чеди Осман, Еркан Османи, Еркан Јилмаз, Фуркан Коркмаз, Онуралп Битим, Омер Јуртсевен, Дејвид Мутаф, Сертак Шанли, Шејн Ларкин, Шемус Хазер, Јигит Арслан, Џигиткан Сајбир.

Турција ќе игра во групата А заедно со селекциите на Србија, Чешка, Португалија, Летонија и Естонија.

Италијанската екипа Реџана од Реџо Емилија ќе биде противник на битолски Пелистер во првиот елиминациски круг од квалификациската група 2 за пласман во групната фаза во ФИБА Лигата на шампиони.

Вака одлучи денешната жрепката во Лозана, со која раководеше поранешниот генерален секретар на Македонската кошаркарска федерација Дејан Лекиќ, кој е актуелен главен човек во натпреварувачкиот сектор на ФИБА Лигата на шампиони.

Доколу Пелистер ја мине првата пречка, во полуфиналето од квалификациите ќе игра против победникот од пресметката меѓу романска ЦСМ Орадеа и белгиски Антверпен.

Пелистер ќе биде единствен претставник на македонската кошарка во европските натпреварувања, а во случај на елиминација во квалификациите за пласман во Лигата на шампиони, речиси е сигурно дека битолскиот тим автоматски ќе ги продолжи настапите во групната фаза од ФИБА Европскиот куп.

Квалификациите за пласман во Лигата на шампиони ќе се играат во септември.

По шампионската сезона со Фенербахче, Марко Гудуриќ одлучи да го напуѓти клубот. Во иднина ќе биде играч на Олимпија Милано.

Клубот го претстави Гудуриќ со објава на социјалните мрежи. Италијанскиот клуб објави фотографија на која напиша:

„Добредојде Марко.

Кошаркарскиот клуб Олимпија Милано објавува дека постигна повеќегодишен договор со Марко Гудуриќ“, се вели во објавата.

Не е познато на колку години е потпишана соработката и колкава ќе биде платата на Гудуриќ во новиот клуб.

Милвоки Бакс објавија шокантни вести, го отпуштија својот плејмејкер и суперѕвезда Дамијан Лилард. На овој потег се решија за да го потпишат Мајлс Тарнер од Индијана Пејсерс.

Поранешниот плејмејкер на Портланд ја скина Ахилова тетива во плејоф серијата токму против Индијана. Веројатно ќе ја пропушти наредната сезона. .

Остатокот од неговиот договор од 113.000.000 долари беше прескап за франшизата од Висконсин, која одлучи да се откаже од деветкратниот Ол-стар.

„Елените“ ќе ги распределат тие пари во следните пет сезони, што им овозможи да го доведат Мајлс Тарнер, кој играше за Пејсерс во претходните 10 години.

Значи, „Дам Тајм“ ќе заработува над 22.000.000 годишно во следните пет години, дури и ако одлучи да се пензионира утре.

Сепак оваа опција не е реална, сигурно е дека за него ќе има голем интерес.

Поранешниот центар на Сакраменто Кингс, Јонас Валанчиунас се сели во редвоите на Денвер Нагетс, додека Дарио Шариќ ќе оди во спротивна насока.

Никола Јокиќ доби фантастично засилување во рекетот во форма на 33-годишениот центар кој минатата сезона играше за Сакраменто Кингс.

Денвер Нагетс направија голема зделка веднаш по почетокот на „летниот пазар“ и го испратија Мајкл Портер јуниор во Бруклин Нетс, во замена за Кем Џонсон.

Нагетс заштедија околу 40 милиони долари (земајќи го предвид данокот на луксуз и казните што би ги платиле за надминување на буџетот на играчите) со оваа размена. Исто така во Денвер се врати играчот од шампионската генерација, Брус Браун, кој вториот дел од сезоната го мина во Њу Орлеанс Пеликанс.

Третиот потег што го повлекоа Нагетс е ангажманот на Валанчиунас, што значи дека Јокиќ конечно доби вистинска замена.

Минатата сезона, Валанчиунас играше прво во Вашингтон, каде што имаше просек од 11,5 поени и осум скока, а потоа во Сакраменто Кингс, каде што имаше просек од 8,7 поени и седум скока по натпревар.