Хрватскиот кошаркар Дарио Шариќ се очекува следната сезона да игра за тимот од Дубаи, објавија шпанските медиуми.

Шариќ на лето сигурно ќе ги напушти НБА и тимот на Денвер каде нема соодветна минутажа, па оттука и одлуката да се врати во Европа.

Реал Мадрид покажа интерес за Шариќ, но според медиумите двете страни не постигнале договор.

Според шпанскиот портал „Енцестандо“, кој прв објави дека Реал Мадрид се интересира за хрватскиот кошаркар, тврди дека Шариќ одбил договор од еден милион евра по сезона.

Наместо Реал, Шариќ го избрал амбициозниот Дубаи и според Шпанците тој веќе постигнал договор со овој клуб.

Попладнево во престолнината на Латвија, Рига, беше одржана ждрепката за Европското првенство во кошарка, кое од крајот на август до средината на септември ќе се одрижи во Летонија, Полска, Кипар и Финска. Македонија не успеа да обезбеди пласман на шампионатотот во конкуренција на Литванија, кодомаќинот Полска и Естонија.

Состав на групие за Евробаскет 2025:

Група А (Рига): Србија, Летонија, Естонија, Португалија, Турција, Чешка
Група Б (Тампере): Германија, Литванија, Финска, Шведска, Велика Британија, Црна Гора
Група Ц (Лимасол): Шпанија, Грција, Кипар, Босна и Херцеговина, Грузија, Италија
Група Д (Катовице): Франција, Словенија, Полска, Исланд, Белгија, Израел.

Најдобрите четири селекции од секоја група ќе се пласираат во нокаут фазата, односно осминафиналето, а финалето на шампионатот ќе се одржи во Рига во „Шаоми Арена“ со капацитет од 11.200 седишта. Најголемата сала е во Тампере и може да прими 13.455 гледачи.

За потсетување, четирите селекции домаќини добија можност да изберат по еден ривал, па Летонија се одлучи за Естонија, Финска за Литванија, Кипар за Грција, додека Полска го избра Исланд.

ФИБА Европа нправи уште една отстапка, турската репрезентација не можеше да биде во групата Ц со Кипар и Грција.

Европското првенство ќе се игра од 27 август до 14 септември. Титулата ја брани селекцијата на Шпанија.

Кошаркарите на Денвер на домашен терен го совладаа Милвоки (127-117), а по пет пропуштени натпревари на теренот беше и Никола Јокиќ. Лос Анџелес Лејкерс на звукот на сирената ја совлада Индијана Пејсерс (120-119).

Јокиќ натпреварот го заврши со трипл-дабл учинок, 39 поени, 10 скока, 10 асистенции и три загубени топки.

Погоди 16/25 од поле, 3/6 од три, и 4/7 од линијата за слободни фрлања.

Мајкл Портер Џуниор додаде 23 поени, 10 скока и четири асистенции, Кристијан Браун 19 поени, 10 скока и шест асистенции, а Џамал Мареј 17 поени, шест асистенции и четири скока.

Бакс беа ослабени со отсуството на Јанис Адетокумбо (повреда на стапалото) и Демијан Лилард (ја заврши сезоната поради тромбоза), а најефикасен беше Брук Лопез со 26 поени, седум скока и три асистенции.

Леброн Џејмс, погоди со звукот на сирената, а Лејкерис славеа победа над Индијана 120:119. Џејмс од „одбојка“ го поправи промашувањето на Лука Дончиќ и така во последната секунда му донесе победа на својот тим.

Лука Дончиќ беше најефикасен на теренот со 34 поени, седум скока и исто толку асистенции. Остин Ривс уфрли 24 поени.

Матурин беше најефикасен кај Индијана со 23 поени и пет скока. Тајрис Халибартон додаде 16 поени и 18 асистенции, а идентичен поентерски учинок имаа и Ендрју Небхарт и Мајлс Тарнер.

Чимези Мету ќе биде надвор од терените подолг период. 28-годишниот кошаркар на Барселона на вчерашниот натпревар против Баерн се здоби со пукнатина на Ахиловата тетива на левата нога.

Интернационалецот од Нигерија во сезонава има просек од 11 поени и 4,8 асистенции за речиси 20 минути поминати на теренот.

Поентерот на Каталонците допрва ќе дознае колку време ќе треба да паузира.

Хрватскиот кошаркар Дарио Шариќ следната сезона би можел да се врати назад во Европа каде за негов ангажамн постои сериозен интерес од Реал Мадрид.

Искусниот крилен центар е веќе девет години во НБА лигата, но полека ја губи важноста во тимот.

Тој оваа сезона е дел од Денвер Нагетс, но не добива шанса и во моментите кога поради повреда надвор од составот е Никола Јокиќ.

Последен тим на Шариќ во Европа е Анадолу Ефес за кој настапуваше од 2014 до 2016.

Челниците на НБА, наводно, веќе имаат јасна идеја за тоа кои 11 градови ќе бидат дел од потенцијалното проширување на натпреварувањето во Европа.

Андреас Заглис, првиот човек на ФИБА, се очекува да присуствува на претстојниот состанок на Бордот на гувернери на НБА, на кој ќе се разговара на оваа тема.

Наводно од НБА биле избрани следните градови: Мадрид, Барселона, Минхен, Берлин, Париз, Лондон, Манчестер, Милано, Рим, Истанбул и Атина

Со оглед на тоа што останува малку време до крајот на тековната сезона, најверојатно новото натпреварување нема да има премиера до сезоната 2026/27.

Друго прашање е кои клубови би учествувале во него. Треба да ги има 10, а останува да се види дали ќе бидат постоечки или новоформирани клубови.

Српскиот кошаркар Василије Мициќ наводно има понуда од Црвена звезда, пишуваат европските медиуми.

Иако е тешко да се замисли, споменатиот извор тврди дека тимот од „Мал Калемегдан“ на искусниот плејмејкер му понудил дури 4,2 милиони годишно за неговите услуги.

Мициќ играше за црвено-белите во периодот од 2014 до 2016 година, а сега сакаат да го вратат во Белград како би нападнале Ф4 во Евролигата.

Кошаркарот на Сан Антонио, Сандро Мамукелашвили ја одбележа изминатата ноќ во НБА лигата.

Крилниот центар на Спарс стана првиот играч во историјата на НБА кој постигнал 34 поени за помалку од 20 минути.

На Грузиецот, роден пред 25 години во Њујорк, му беа потребни само 19 минути игра за да го „наполни“ кошот на Њујорк во победата 120-105.

Само еднаш не погоди од поле, погоди 13 од 14 удари, постигна седум тројки од исто толку обиди.

Ноќта на кариерата ја најави во првото полувреме, кога за само осум минути постигна 13 поени, забележа седум скока и асистенција. Во второто полувреме неговиот шут функционираше перфектно, продолжи без грешка да го полни кошот на Њујорк и да пише историја, постигна 21 поен во последната четвртина.

„МВП, МВП“, ечеше во салата.

Самиот беше зачуден. Тој едвај ги најде вистинските зборови за да го опише она што му се случи.

„Не знам што се случи, не знам што се случи“, со неверување повторуваше Мамукелашвили додека ги даваше првите изјави.

До натпреварот против Њујорк, неговиот сезонски рекорд беше 13 поени, кои ги постигна неодамна против Шарлот.

Каков подвиг е ова, можеби најдобро се илустрира со фактот дека историскиот натпревар го одигра играч чиј претходниот просек беше пет поени и 8,9 минути по натпревар.

Македонскиот репрезентативец, Ненад Димитријевиќ е подготвен да го напушти Милано.Ова вчера го објави новинарот Андреа Калцони. Според овој извор Милано за следната сезона има намера да го ангажира играчот на Тренто, Квин Елис.

Минатото лето, неколу екипи од Евролигата покажаа интерес за најдобриот играч во првенството на Русија. Димитријевиќ реши од УНИКС Казан да се пресели во Милано.

Македонскиот репрезентативец нема најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.

Откако се појави инфорацијата дека Нено ќе го напушти Милано, веднаш се јавиле од неговиот поранешен клуб, УНИКС. Русите дознале дека Димитријевиќ води преговори за прекин на договорот и наводно биле подготвени да го нагажираат веднаш.

Дресот на УнНИКС, Димитријевиќ го носеше во периодот од 2022 до 2024 година.

Кошаркарот на Сакраменто Кингс, Домантас Сабонис ќе отсуствува најмалку 10 дена поради повреда на зглобот на десната нога, соопшти франшизата.

Сабонис се повреди во вторникот на натпреварот против Мемфис (132-122).

Литванскиот кошаркар минатата недела се врати во тимот на Сакраменто откако пропушти шест натпревари поради повреда на тетивата.

Сабонис во досегашниот дел од сезоната во НБА лигата има просек од 19,2 поени, 13,9 скока и 6,2 асистенции по натпревар. Литванецот е најдобар скокач во НБА лигата.

Сакраменто е на деветтото место во Западната конференција на НБА со 34 победи и 33 порази.