Една недела откако беше избран составот на почетните петорки, НБА лигата ги објави денеска и имињата на 14. резервни кошаркари за претстојниот Ол -стар натпревар во Индијанаполис.

Во тимот на Истокот се најдоа Џејлен Браун (Бостон), Донован Мичел (Кливленд), Бем Адебајо (Мајами), Џулиус Брансон (Њујотк), како и тројцата дебитанти – Паоло Банкеро (Орландо), Тајрис Макси (Филаделфија) и Џејлен Брансон (Њујорк).

Седуммината го комплетираа тимот на Источната конференција во кој како стартери беа избрани Јанис Адетокумбо, Џејсон Тејтум, Џоел Ембид, Тајрис Халибартон и Демијан Лилард.

На стартната петорка на Западот, составена од Леброн Џејмс, Кевин Дурант, Шеј Гилџес – Александер, Никола Јокиќ и Лука Дончиќ, во составот им се приклучија Ентони Едвардс (Минесота), Карл Ентони Таунс (Минесота), Кавај Ленард (ЛА Клиперс), Ентони Дејвис (ЛА Лејкерс), Девин Букер (Феникс), Стеф Кари (Голден Стејт) и Пол Џорџ (ЛА Клиперс).

Ол – стар натпреварот е на програмата на 18 февруари во Индијанаполис.

Легендарниот центар, Шекил О’Нил сака да стане сопственик на НБА-тим во блиска иднина.

Негова голема желба беше ако Лас Вегас добие дозвола од НБА да создаде тим, Шекил да биде сопственик, но сега вели дека не му важно на кој тим би бил газда.

„Би сакал тоа да го направам, да станам сопственик на НБА-тим. Без разлика кој тим е на располагање“, изјави Шекил О’Нил.

Комесарот на НБА Адам Силвер ќе остане на таа позиција барем до крајот на оваа деценија, јавува новинарот на ЕСПН, Адријан Војнаровски.

Силвер ја извршува оваа позиција од 2014 година, кога го наследи Дејвид Стерн, а е вкупно петти човек на оваа функција во историјата на НБА.

„Комесарот Адам Силвер работи на продолжување на договорот што би ја доближило тековната деценија до крај“, напиша Војнаровски на Твитер.

Американскиот кошаркарски тренер Док Риверс доби нова задача во НБА-лигата: да му помогне на еден од најтрофејните тимови во лигата.

Милвоки бакс го ангажираше и, како што открива НБА- инсајдерот Шамс Шаранија, тој ќе добие договор до крајот на сезоната 2026/2027.

За тој ангажман, ќе инкасира околу 40 милиони долари, а необично е тоа што нема да биде единствениот тренер што го плаќа Милвоки.

Бидејќи клубот во изминатиов период ги отпушти Мајк Буденхолцер и Адријан Грифин, тие двајца ќе бидат на платниот список.

И тоа, ни помалку ни повеќе, туку во следните три и пол години, пишува Чаранија, што значи дека буџетот на Бакс, шампионот во НБА-лигата од 2021 година, ќе биде доста испразнет.

Никола Јокиќ, разговараше со медиумите и даде неколку интересни изјави, а особено внимание привлече коментарот за неговото ривалство со Џоел Ембид.

Двајцата центри постојано се основ за разни споредби и поделби во медиумите, но Јокиќ смета дека сето тоа е „непотребна драма која само носи штета за кошарката и НБА лигата“.

„Сите најубави работи во животот доаѓаат скоро неочекувано. Јас во период од неколку години успеав од Србија да стигнам во Денвер и да станам двократен МВП на НБА лигата. Тука има многу поединци што го изоделе истиот тежок пат кон успехот, а меѓу нив е и Џоел. 

Медиумите создаваат непотребна драма која нема допирна точка со реалноста. Ние сме ривали само на паркетот. Го сметам за добар пријател и мислам дека тој го дели моето мислење. Мене овие драми не ми се важни, во моментов важен ми е само следниот натпревар“, изјави Јокиќ.

Кошаркарската федерација на САД го објави поширокиот список на играчи за Олимписките игри во Париз.

На него има 41 кошаркар, од нив треба да се извојат финалните, но од имињата кои се наоѓаат на листата застанува здивот.

Тука се сите големи американски ѕвезди од НБА лигата, од Леброн Џејмс, преку Кевин Дурант, Ентони Дејвис, Џејмс Харден, Каваи Ленард, Крис Пол, Тре Јанг, Стеф Кари, Жоел Ембид, до Џејсон Тејтум, Пол Џорџ, Џими Батлер.

Списокот ќе биде скратен во април, а оние 12 кои ќе настапат на Олимписките игри во Париз ќе се знаат по завршувањето на сезоната во НБА лигата.

За „црвено-белите“ од Пиреја и тоа како е ден за заборав бидејќи покрај поразот останаа и без еден од своите најдобри кошаркари Никола Милутинов.

Српскиот репрезентативец заработи бизарна повреда на почетокот на третата четвртина кога при враќање во својот дел од теренот згазна на ногата на неговиот соиграч Костас Папаниколау.

Центарот мораше со помош да биде испратен надвор од теренот, а на изненадување, доби и овации од домашната публикта.

Првичните информациите велат дека станува збор за тешка повреда, а колкаво ќе биде отсуството ќе биде познато по деталните лекарски прегледи

Најдобриот кошаркар на Торонто Репторс, Паскал Сијакам, ќе биде трејдуван во тимот на Индијана Пејсерс, објавија повеќето американски медиуми.

Новинарот на „ЕСПН“, Адријан Војнаровски ги објави деталите за размената на играчи во која покрај Репторс и Пејсерс ќе учествуваат и Њу Орлеанс.

Според неговите информации, во замена за Сијакам, Репторс ќе ги добијат Брус Браун и Џордан Нвора од Пејсерс, како и Кира Луис од Пеликанс.

Во корист на Торонто, Пејсерси се откажаа од три пика во првата рунда на НБА драфтот, два оваа година и еден во 2026 година и ќе добијат еден иден пик во втората рунда од Њу Орлеанс. Паскал Сијакам има просек од 22,2 поени по натпревар, 6,3 скока и 4,9 асистенции оваа сезона.

Аргентинскиот кошаркар Лука Вилдоса ќе мора да и плати на
Басконија еден милион евра, пресуди судот во Виторија.
Причината е начинот на кој Вилдоса се врати во Евролигата,
откако претходно еднострано го раскина договорот со Басконија
за да земина во НБА лигата.
Аргентинскиот кошаркар имал обврска да се врати во Басконија
доколку ја напушти НБА лигата. Сепак тој ги прекрши договорот и
лани и се приклучи на Црвена Звезда.
Басконија, како што се наведува во соопштението, од Врховниот
суд на Баскија ќе бара уште милион евра, согласно договорот.