Американскиот кошаркар Кеслер Едвардс го засили тимот на Денвер Нагетс.

Минатата сезона Едвардс го носеше дресот на Далас и одигра 40 натпревари, со просек од 4,3 поени и 1,1 асистенција за петнаесетина минути на паркетот.

Во моментов тој е во тренинг-кампот на Денвер и се очекува да остане во тимот кој повторно има големи амбиции за следната сезона и сака да ја нападне шампионската титула.

Кеслер е одличен одбранбен играч и се очекува да биде користен најмногу во дефанзивната ротација на тимот од Колорадо.

Потрес ја зафати словенечката кошаркарска репрезентација пред Евробаскетот, по одлуката на селекторот, искусниот Зоран Драгиќ да патува на континенталното натпреварување.

Селекторот Александар Секулиќ му се заблагодари на Жига Данеу за соработката, но и на Драгиќ, кој мислеше дека ќе се збогува со репрезентацијата веднаш по Европското првенство.

Во меѓувреме се јави неговата сопруга Светлана, која вели дека Зоран сам ја напуштил репрезентацијата.

„Зоки сам ја напуштил репрезентацијата и со тоа веројатно му ги олеснил работите на дотичниот господин, кој не знаел како да го избрка од репрезентацијата“, напиша Светлана.

Наводно, конфликтот се случил по поразот на Словенија во Германија, кога Драгиќ одиграл само три минути.

Секулиќ верува дека Драгиќ не може да ѝ помогне на репрезентацијата, додека во исто време се шпекулира дека Федерацијата е во конфликт со неговиот брат, Горан.

„Во секој случај, младите заслужуваат шанса и можност да играат, а им посакувам на другите долгогодишни членови да го завршат своето репрезентативно патување на достоинствен начин, со барем малку благодарност од челниците на Федерацијата“, додаде сопругата на Зоран Драгиќ.

НБА ѕвездата на Милвоки Бакс не отпатува за Кипар, каде што Грција играше натпревари против Србија и Израел, и ги загуби двата.

На почетокот се веруваше дека причината е мала повреда, но грчкиот портал „SDNA“ открива што се случува со Адетокумбо.

Станува збор за неплатената полиса за осигурување. Без неа, Јанис не може да игра за репрезентацијата, иако е целосно здрав и тренира индивидуално.

Како што објавува „SDNA“, неговиот клуб, Милвоки Бакс, е вклучен во целиот случај.

Грчката кошаркарска асоцијација (EOK) не дава официјални изјави, но извори блиски до асоцијацијата потврдуваат дека сè е во рацете на франшизата од Висконсин.

Плаќањето на осигурувањето, кое би го заштитило играчот во случај на повреда, сè уште не е решено. Одлуката дали Адетокунбо ќе игра на Евробаскетот зависи и од Бакс, кои во моментов се фокусирани на потенцијалната размена на нивната суперѕвезда.

Тео Симиќ ќе биде дел од селекцијата на Македонија на следниот дуел со Романија на гостински терен.

Како предуслов за успех, високиот кошаркар го гледа оној правилен пристап на сите кошаркари кои ќе бидат во конечниот ростер на селекторот Марјан Илиевски:

“Романија е добро позната репрезентација за нас бидејќи пред десетина дена се сретнавме со нив во Куманово на наш терен каде што бевме многу блиску до победа, а натпреварот беше одлучен во последните две минути. Мислам дека со вистински пристап од почеток на натпреварот до крајот може да се надеваме на добар резултат. Во Куманово покажавме дека можеме да играме против секоја репрезентација мислам дека и овде во Орадеа имаме големи шанси за победа. Пристапот кон мечот, и енергијата која ја краси оваа, доста подмладена репрезентација, треба да ни дадат поголема шанса за успех на ова второ по ред гостување во претквалификaциите. И искрено се надевам дека со нашата енергија, желба и борба ќе излеземе како победници од овој натпревар“, изјави Симиќ.

Натпреварот меѓу Романија и Македонија се игра во среда од 19:00 часот

Кошаркарскот репрезентативец на Полска, Џереми Сочан ќе го пропушти овогодинешното Европско првенство поради повреда на листот.

Иако не се смета за сериозна, повредата бара одмор и рехабилитација, што го исклучува Сочан од учеството за полската репрезентација на помалку од три недели до турнирот, објави официјалната веб-страница на Европското првенство.

„Многу ни е жал што летото на Џереми со репрезентацијата завршува толку брзо. Тој е ценет член на нашиот тим и има одличен однос со тимот“, рече селекторот на полската репрезентација Лукаш Кошарек.

Сочан е играч на Сан Антонио, а минатата сезона во Американската професионална кошаркарска лига (НБА) имаше просек од 11,4 поени, 6,5 скока и 2,4 асистенции.

Полска е еден од домаќините на овогодинешното Европско првенство, кое ќе се одржи од 27 август до 14 септември, а во групата Д ќе играат со репрезентациите на Франција, Словенија, Израел, Белгија и Исланд.

Американските медиуми зборуваат за грчката суперѕвезда Јанис Антетокумпо, поточно дали ќе ги напушти Милвоки Бакс.

Крилниот центар засега мудро молчи, но добрите НБА експерти веруваат дека постои основа за приказна за тоа како најдобриот кошаркар на Милвоки, кој е желен да освои уште еден прстен, би можел да го промени тимот.

Антетокумпо го носи дресот на Бакс 12 сезони и ги водеше до шампионската титула пред четири години.

Раководството на Милвоки направи сè за да го задоволи Антетокумпо и неговите спортски амбиции, па пред две години го доведоа еден од најдобрите шутери во лигата, Дамијан Лилард, од Портланд.

Но, тоа не помогна, Бакс беа елиминирани во првото коло од плејофот во последните две сезони (двата пати беа елиминирани од Индијана Пејсерс).

Кошаркарската репрезентација на Србија оствари рекордна победа совладувајќи го Кипар со 122-55. Ова беше пријателски натпревар во пресрет на претстојниот Евробаскет, каде Кипар ќе настапува како ко-домаќин.

Селекцијата на Србија по триумфот над Грција синоќа, денешниот дуел го одигра без неколку од главните играчи, на кои селекторот Светислав Пешиќ им даде одмор. Најефикасен на дуелот беше Тристан Вукчевиќ со 24 поени.

Во составот на Србија го немаше ниту Василије Мициќ, кој ги пропушти двата дуела во Лимасол поради повреда.

Кошаркарите на Македонија вечерва го претрпеа и вториот пораз во претквалификациите за Светскиот куп 2027 во Катар. По денешниот пораз од Унгарија 96:58, селекторот на македонскиот тим Марјан Илиевски изјави:

„Очекував денешниот натпревар да биде малку поинаков бидејќи мислам дека овие 38 разлика се премногу во однос на квалитетот на двете репрезентации. Мислам дека нашите кошаркари премногу ги респектираа Унгарците и тука треба да се бараат причините за нашиот пораз. Одигравме добра четвртина, но противникот беше исклучително расположен за шут. Погоди 15 тројки со 40% шут од дистанца. Екипата поседува квалитет и денеска беше мошне мотивирана за победа пред своите навивачи кои дадоа голема поддршка. Задоволен сум од младите кошаркари и се надевам дека во иднина ќе играме многу подобро, но ни останува да се подобруваме, во секој поглед. Верувам дека во иднина ќе се надградуваме, а она на што треба да обрнеме внимание е дека кога резултатот оди во негатива, да не бараме брзи решенија бидејќи така само се продлабочува кризата. Јас им давам поддршка на играчите, тие даваат максимум, но евидентно е дека се уште недостасува искуство“, вели Илиевски.Илиевски: Евидентно е дека се уште недостасува искуство

Македонија следниот натпревар го игра на гости против Романија, а на 20.август е домаќин на Унгарија.

Македонската машка сениорска кошаркарска репрезентација, го впиша вториот пораз во прет-квалификациите за Светското првенство 2027 година.

Во натпревар второто коло на „Б“ групата, Македонија попладнево во Шолнок загуби убедливо од Унгарија со 58-96.

Само една добра и тоа прва четвртина одиграа македонските кошаркари. Во првиот квартал си играше рамноправно иако домашниот состав постојано беше во водство. Сепак, на крајот на десетте минути Унгарците имаа само еден поен 19-18. Очајна слабата игра во одбраната во вториот квартал и донесен унгарската селекција огромна предност. Го добија домаќините тој период со 34:19, па заминаа на одмор со плус 16 (53-37).

Уште тогаш беше јасно дека Унгарците ќе се израдуваат на првата победа, а во второто полувреме само рутински ја одржуваа разликата.

За македонската селекција веќе во среда следува нов натпревар и тоа на гостински терен во Ородеја против Романија која веќе оствари две победи.

Американецот со македонски пасош, Џејкоб Вајли, кариерата ќе ја продолжи во Литванија. Вајли постигнал договор со вице првакот на Литванија, Лијетувас Ритас.

Американецот со литванскиот клуб договори едногодишна соработка. Вајли има значително искуство играјќи во Европа, како и во НБА. Минатата сезона ја мина во шпанска Гранада и тимот Гигантес де Каролина од Порторико.

Крилниот центар во кариерата играше и за Панатинаикос, Гран Канарија и Будуќност.