Македонската кошаркарска репрезентација синоќа пристигна во Солнок, каде в сабота против Унгарија ќе го одигра и вториот меч од претквалификациите за Светското првенство во 2027 година. Виктор Ташовски кој е дел до бековската линија во сениорскиот тим, во пресрет на дуелот со Унгарците вели:

„На натпреварот со Романија одиграме релативно добро, но пресуди нашето неискуство. Се уште сме многу млади, имаме некои играчи кои се во улога на дебитанти. Во дуелот со Унгарија, треба да пробаме да ги намалиме грешките. Што помалку грешки, толку подобро. Мислам дека нашата транзиција беше делумно добра. И сметам дека ако имаме подобра транзиција, можеме да извадиме и подобар резултат на гости. Македонија треба да биде над своите можности. Веројатно ќе бидеме во улога на аутсајдери на овој натпревар. Но ништо не е нереално. Но јас ќе бидам оптимист, и ќе кажам дека одиме на победа. Како на натпреварот со Унгарија, така и на следното гостување во Романија. Не е нереално да се победи и таму, така да очекувам победа на двата меча“ – смета Ташовски.

Нов играч на кошаркарскиот клуб Басконија е Хамиду Диало, победникот на натпреварот во забивање на Ол-стар викендот, во 2019 година.

Диало е уште еден во низата кошаркари со солидна НБА репутација кои ова лето решија да се натреваруваат во Евролигата.

„Басконија додаде атлетизам во својот состав со тоа што го потпиша крилниот играч Хамиду Диал на две години“, објави клубот од Виторија.

Родениот во Квинс пристигнува по сезона со Шанкси Лангс, во Кина, каде што имаше просек од 22,5 поени, 7,3 скока и 3,1 асистенции по натпревар.

Својот најдобар натпревар го одигра во Кина против Жеџијанг кога постигна 46 поени.

Покрај американскиот пасош, тој има и пасош на Гвинеја.

Во својата кариера, одигра 256 натпревари во најсилната лига, беше драфтуван во 2018 година од Оклахома, по што играше и за Детроит, Бруклин и Вашингтон.

Кевин Лав најверојатно жи кариерата ќе ја продол во Лос Анџелес. Според Брет Сигел, Никси губат интерес да потпишат so ветеранот, а двата тима од Лос Анџелес се чини дека се најдобрите опции за Лав.

И двата клуба ќе мора да направат некои прилагодувања пред да потпишат со него.

„Клиперсите и Лејкерсите сè уште имаат по едно место во тимот. Но, ако Лејкерсите сакаат да го добијат Лав и повторно да го спојат со Леброн, ќе мора да се откажат од уште еден договор бидејќи се само 1,1 милион долари под првиот праг на данок на луксуз. Клиперсите се во суштина во истата ситуација, со нивниот простор за ограничување на капиталот за 1,2 милиони долари под тој лимит“, пишува Сигел.

Лав сè уште е под договор со Јута.

Џери Кардинали, раководителот на компанијата „Ред берд капитал“ и мнозински сопственик на Милан, е во контакт со Адам Силвер, комесарот на НБА.

Според веста на „Газета дело спорт“, Милан би можел да добие сестрински клуб во кошарка, сличен на оние што ги имаат Реал Мадрид, Барселона, Фенербахче, Партизан и Црвена звезда.

Близу до такво нешто се и Манчестер сити и Пари Сен Жермен. Причината за создавањето на кошаркарската секција ќе биде НБА-лигата, која има намера да го прошири своето присуство на „стариот континент“.

Американскиот бек Лони Вокер е новото засилување на Макаби Тел Авив. Вокер се враќа во Евролигата откако минатата година потпишa за Филаделфија 76ерс.

Во тоа време, тој се истакнуваше во дресот на Жалгирис и го доби посакуваниот договор во НБА. Сепак, откако нивната соработка не продолжи, тој го истражуваше пазарот, барајќи да види дали може да добие договор, но тоа не се случи.

Тој доби понуда од Макаби вредна 10.000.000 евра за целото времетраење на тригодишниот договор и ја прифати. Така, тој е еден од најплатените играчи во Европа во моментов.

Во текот на претходниот период во Евролигата, Вокер постигнуваше просек од 13,6 поени во дресот на Жалгирис, додека на средина од сезоната отиде во Филаделфија каде што имаше 12,4 поени.

По историската сезона Фенербахче формира тим за следната сезона каде веќе европскиот првак се договори со Брендон Бостон.

Станува збор за 23-годишен крилен играч со искуство во НБА. Бостон играше за Лос Анџелес Клиперс и Њу Орлеанс Пеликанс, а ова ќе му биде прво меѓународно искуство.

Одигра вкупно 147 натпревари во НБА и имаше просек од 7,5 поени, 2,2 скока и 1,2 асистенции. Шутираше со 41% од поле и 33% за три поени.

Минатата сезона, играјќи за Њу Орлеанс, имаше просек од 10,7 поени, 3,2 скока и 2,2 асистенции.

27-годишниот плејмејкер Де’Арон Фокс се согласи на продолжување на договорот со Сан Антонио Спарс за максимални четири години.

Ова го објави на неговата страница на социјалните мрежи познатиот инсајдер Шамс Чаранија. Во овој период, кошаркарот треба да добие 229 милиони долари.

Фокс беше купен од страна на Сан Антонио од Сакраменто Кингс во тројна размена во февруари 2025 година. Минатата сезона во НБА лигата, откако се приклучи на Сан Антонио Спарс, Де’Арон Фокс одигра 17 натпревари, со просек од 19,7 поени, 4,3 скока и 6,8 асистенции.

Селекторот Марјан Илиевски не го криеше разочарувањето по поразот на Македонија синоќа од Романија со 80:72.

Премиерниот меч на македонските кошаркари во претквалификациите за Светскиот Куп 2027 одигран синоќа беше решен во самиот финиш.

„Искрено жалам за поразот бидејќи во две минути се реши овој меч. Постојано беше егал, потоа за краток период, со една две загубени топки и промашени отворени шутеви, мечот се сврте во полза на гостите. Можеби некој ќе праша зошто земавме брзи шутеви, но тоа беа отворени шутеви и јас секогаш ќе барам од кошаркарски аспект тие шутеви да се земаат, ќе им дадам поддршка на моите играчи. Примивме 25 поени од втора шанса, што е премногу. Знаевме дека тој физички аспект ќе биде главен проблем, но не успеавме да ги запреме Романците. Реков дека ќе не краси брза игра, имавме добри реализации од контранапад, но за жал тоа не беше доволно“, изјави Илиевски.

Изрази незадоволство што македонската тактика била пренесена на противникот и покрај обидите за криење на видеата од контролните мечеви со Швајцарија.

„Наше е да сработиме, да се види сето она што ќе го сработиме и сето она што за жал морам да го кажам е патетично – разочаран сум од синдромот на самоуништување. Првите два меча во Гевгелија беа од затворен карактер, настојувавме да ги сочуваме видео-анализите, но Романците стигнаа подготвени за сите наши напади, што е разочарувачки за мене како македонски селектор. Она што е проблем е ако овие играчи се важни во нашата репрезентација, а повторно имаат епизодна улога во своите клубови како и досега“, истакна Илиевски на прес-конференцијата по натпреварот во Куманово.

Македонските кошаркари и покрај поразот беа наградени со аплаузи од публиката во Куманово која целосно ги исполни трибините во реновираната сала.

Учесникот во НБА плеј-офот од минатата сезона, Минесота повторно ќе носи дрес сличен на оној од ерата на Кевин Гарнет.

Според новинарот Еван Снајдери, следната сезона играчите на Тимбервулвс ќе настапат во црни дресови, познати од периодот на настапите на Кевин Гарнет во тимот на волците.

Гарнет ги помина првите 12 сезони од својата кариера во Минесота и го држи клупскиот рекорд за најмногу одиграни натпревари (970).

Словенечкиот кошаркар Лука Дончиќ ја продолжи соработката со Лос Анџелес Лејкерс.

Дончиќ потпиша договор вреден 165 милиони долари за три сезони.

Лејкерси чекаа до првиот ден кога можеа да му понудат договор (2 август) и го сторија тоа веднаш.

Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.

Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.

„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.