Голден Стејт Вориорс ќе бидат домаќини на НБА „Ол-стар“ натпреварот во 2025 година, што значи дека 74-тата средба на најдобрите светски кошаркари ќе се одржи во „Чејс центарот“ во Сан Франциско, соопшти НБА.

Ова ќе биде третпат „Воините“ да бидат домаќини на „Ол стар“ викендот, откако првпат беа домаќини на „Ол стар“ викендот во 1967 година кога сè уште се нарекуваа Сан Франциско Вориорс, а натпреварот се играше во „Дејли Сити“, додека вторпат беа домаќини во 2000 година, кога играа во Оукленд.

Грчкиот евролигаш Олимпијакос се соочува со неочекуван проблем откако на повреда се покажи српскиот репрезентативец центар Никола Милутинов.

Одличниот кошаркар кој ова лето се врати во Пиреја се пожалил на болка на коленото на левата нога по натпреварот против Фенербахче во Евролигата по што ќе биде поштеден во следниот натпревар во кој неговиот тим се среќава со Паок во грчкото првенство.

Останува неизвесно дали Србинот ќе отсуствува од тимот на подолг период.

Екипата на Денвер Нагетс продолжува со одличните игри, но на почетокот на сезоната добија вест за повреда на Џамал ​​Мареј. Ако Никола Јокиќ е нивна прва ѕвезда, Мареј сигурно е втората „виолина“ на тимот од Колорадо.

Пред две сезони видовме дека Јокиќ не може да ја освои титулата без него, а летово со него во составот на Нагетс доминантно го освоија шампионскиот прстен.

На натпреварот против Чикаго Булс, Мареј одигра 10 минути, постигна два поени и имаше два скока, а потоа куцаше на подот поради повреда на тетивата на десната нога. Тренерот на Денвер, Мајк Мелоун, призна дека е загрижен поради тоа.

Челниците на Филаделфија и Лос Анџелес Клиперс постигнале договор за трејд на едно од најпопуларните имиња на НБА сцената во последната деценија, Џејмс Харден. Веста утрово ја потврија повеќе извори во САД.

34-годишниот кошаркар инсистираше да биде разменет во друг тим и не се појави на медиумскиот ден на Филаделфија. Односот на играчот со управата на клубот е нарушен и затоа трејдот мораше да се случи.

Познати се и деталите на трејдот. Сиксерси ќе ги добијат Маркус Морис, Николас Батум, Роберт Ковингтон, Кеј Џеј Мартин, неколку драфт пикови, како и размена на пикови. Со Харден во Клиперси ќе одат и Пи Џеј Такер и Филип Петрушев.

Најтрофејниот македонски кошаркарски колектив КК Работнички го именува Горан Самарџиев за нов тренер за продолжението од сезоната.

Самарџиев доаѓа да го гаси пожарот кој настана по поразот во вечното дерби од МЗТ Скопје. Тренерот Димитар Мираковски доби отказ, а Самарџиев, кој во минатото беше член на центарци како играч, ќе добие шанса да биде и тренер.

Конкурент за столчето на Самарџиев беше поранешниот македонски селектор Јорданчо Давитков, но изборот падна на доскорешниот тренер на словачки Комарно кој во клубот се задржа краток период.

Желбата за настап во главниот град на Франција ја изразија колку НБА кошаркари, пред се Србинот Василије Мициќ и Австралијанецот Бен Симонс, а последен кој се приклучи на оваа листа е Ендру Вигинс.

НБА шампионот од 2022 година одговори позитивно на прашање дали ќе игра за Канада на следниот голем собир.

„Да, навистина би сакал. Мислам дека ќе имаме добри шанси за медал“, одговори Вигинс.

Канада забележа голем успех и на Светското првенство освојувајќи го бронзениот медал во битката со Соединетите американски држави.

Раководствата на Лос Анџелес Клиперс и на Филаделфија се договорија за трејд во кој ќе биде вклучен и Џејмс Харден, објави инсајдерот на „ESPN“, Адријан Војнаровски. Заедно со 34-годишниот Харден, на Клиперс ќе им се приклучи Пи Џеј Такер.

Во Филаделфија одат Роберт Ковингтон, Николас Батум, Маркус Морис и Кенион Мартин Јуниор, како и пик од драфтот.

Харден побара трејд од Сиксерс во јуни. Во август, за време на посетата на Кина, кошаркарот неколку пати го нарече претседателот на Филаделфија Дерил Мори „лажго“, истакнувајќи дека односите со клубот не можат да се обноват.

Подоцна Харден се пријавил доцна во тренинг-кампот на 76-те и го поминал поголемиот дел од тренингот надвор од тимот. Џејмс нема играно ниту еден натпревар од почетокот на новата сезона во НБА.

Македонскиот репрезентативен плејмејкер Ненад Димитријевиќ се
наоѓа во тимот на неделата за периодот од 16 до 22 октомври.
Нашиот играч направи просек од 12,7 поени, 1,3 скок и 7,7
асистенции во натпреварите одиграни против Уралмаш и Самара.

Оствари личен рекорд по бројот на асистенции, вкупно 14 во победата
над Уралмаш, запиша и 12 поени за дабл дабл ефект. На дуелот со
Самара имаше 14 поени и шест асистенции.
Покрај Димитријевиќ, во идеалната петорка се и Ксавиер Рејтан-Мејс,
Маркел Џонсон, Џејмс Томпсон и Захар Ведишев.

Уникс Казањ на македонскиот репрезентативец Ненад Димитријевиќ го претрпе првиот сезонски пораз во ВТБ лигата и тоа на гостувањето кај Самара со 104-93.

Домашниот тим одигра навистина ефикасен меч, ритам кој избраниците на Перасовиќ не го испратија до самиот крај и заслужено ја загубија оваа пресметка.

Нашиот Димитријевиќ имаше ново квалитетно издание со 14 поени и 6 асистенции. Најефикасен на теренот беше Хокинс со 21 поен на кои придодаде 6 скока.

Уникс во следната рунда има ново гостување кај Саратов.

Лилард го одигра првиот меч за Бакс и воопшто за оваа франшиза. Во своето деби за Милвоки, Лилард постигна 14 поени за 22 минути на паркетот, додека најефикасен беше Јанис Антетокунбо со 16 поени и осум скока. Кошаркарите на Милвоки го совладаа Лос Анџелес Лејкерс со 108-97 во еден од претсезонските натпревари одиграни синоќа.

Во останатите натпревари кошаркарите на Мајами беа подобри од Мемфис со 132-124, Денвер предводен од Јокиќ славеше над Чикаго со 116-102, додека Голден Стејт на гости по продолженија славеше над Сакраменто со 121-115.

На другата страна, во отсуство на Леброн Џејмс, најдобар беше Ентони Дејвис со 16 поени и седум скока, Деанџело Расел имаше 11 поени, а Кристи додаде десет поени.

Во останатите натпревари кошаркарите на Мајами беа подобри од Мемфис со 132-124, Денвер предводен од Јокиќ славеше над Чикаго со 116-102, додека Голден Стејт на гости по продолженија славеше над Сакраменто со 121-115.