Македонската кошаркарска репрезентација со пораз ги почна претквалификациите за Светското првенство во 2027 година. Вечерва во Куманово пред полна сала во првиот натпревар од овој циклус, нашите кошаркари беа поразени од Романија со 72-80.

Романците до победата дојдоа во последната четвртина, откако Македонија имаше предност на крајот на сите минати три периоди. Вечерва новиот млад состав на селекторот Илиевски го красеше борбеноста и пожртвуваноста, но немаше искуство за завршниот чин. Искусните Романци во последните две минути направија разлика која на крајот им донесе победа.

Џејкоб Вајли со 28 поени беше најефикасен во нашата репрезентација. Митревски и Мекиќ завршија со по 10 поени. Кај гостите Тохатан заврши со 21 поен.

Американскиот кошаркар Девонте Греем е новиот играч на Црвена Ѕвезда од Белград, објави белградскиот клуб.

Како што беше најавено, Греем потпиша едногодишен договор со Црвена Ѕвезда.

„КК Црвена Ѕвезда од Белград ја информира јавноста дека новиот играч на нашиот клуб е Девонте Греем. Американскиот комбиниран бек потпиша договор со нашиот клуб во петокот и ќе претставува огромен поттик за Црвена Ѕвезда од Белград во натпреварувачката сезона 2025/26“, објави победникот на Купот „Радивоје Кораќ“.

Греем е роден на 22 февруари 1995 година во Северна Каролина.

Македонската кошаркарска репрезентација утре во Куманово ја пречекува Романија во првиот претквалификациите за СП 2027, дуелот стартуваа со почеток во 20 часот.

Селекторот Марјан Илиевски на денешната прес-конференција зборуваше за очекувањата од овој циклус, каде на располагање ќе има млади кошаркари.

„Можеби често се повторувам, со мојот заклучок во краток временски период има многу промени, репрезентација е драстично промената, кратко време сме заедно, во однос на моите очекувања од резултатите. Можам да бидам задоволен од пристапот на играчите во овој временски период. Сликата која ја имаме од двата пријателски меча против Швајцарија која е позитивна, не треба да се потпреме на неа, не треба да гледаме на работите еуфорично. Овие играчи кои се во репрезентацијата со гордост ќе го носат дресот на утрешниот меч, сигурен сум дека пред полна сала ќе го дадат својот максимум“, вели Илиевски.

За првиот ривал, Романија, Илиевски вели:
„Ќе настапат без странец, станува збор за екипа составена од играчи кои се искусни и имаат минути во тимовите за кои настапуваат, ќе мора да внимаваме на високите играчи, нивниот систем е игра под кошевите“.

НБА лигата соопшти дека два натпревара од регуларниот дел од новата сезона ќе се играат во Европа.

Во јануари 2026 година Мемфис и Орландо ќе одиграат еден натпревар во Берлин – 15.јануари и на 18.јануари во Лондон.

Натпреварите ќе се играат во Убер Арената во Берлин и во О2 Арената во Лондон. Воедно раководството на лигата објави дека два натпревара во сезоната 2026/2027 ќе се играат во Манчестер и во Париз (јануари 2027) и во Берлин и во Париз во јануари 2028 година.

Не е првпат овие градови од Европа да бидат домаќини на натпревари меѓу екипи од НБА лигата, како од регуларниот дел на сезоната, така и пријателски пред почетокот на сезоната.

Донте ДиВинченцо нема да игра за Италија на претстојниот Евробаскет и покрај тоа што преговорите траеја неколку месеци и што во меѓу време доби пасош на оваа земја.

Бекот на Минесота беше вклучен во прелиминарниот состав на „Азурите“, што ја израдува целата нација со богатата кошаркарска историја. Кошаркарот од Делавер требаше да биде капитално засилување за Италија.

Иако во претходните месеци ја нагласуваше својата голема желба да ја претставува татковината на своите родители на Европското првенство, се случи ненадеен пресврт.

Поранешниот играч на Милвоки, Сакраменто, Голден Стејт и Њујорк Никс нема да носи дресот на Италија ова лето.

Наместо него, на списокот ќе биде натурализиран Американец, Дариус Томпсон, кој го напушти Анадолу Ефес и од наредната сезона ќе игра во Валенсија.

Откако не успеаја да ги победат Денвер и да го доведат Јонас Валанчунас, екипата на Панатинаикос се заврти кон ново име.

Тие го финализираа големо засилување на централната позиција, а станува збор за Томас Брајант, како што објави „Телеспорт“.

Овој кошаркар минатата сезона играше за Мајами, потоа за Индијана, каде што во просек постигнуваше по 8,9 поени и четири скока по натпревар.

Поранешниот кошаркар на Феникс и Клиперс, Маркус Морис, е уапсен под обвинение за измама, објави „TMZ Sports“.

Според информациите, 35-годишниот Американец е обвинет за кражба на повеќе од 250.000 долари од казино во Лас Вегас.

Во мај 2024 година, Морис примил 115.000 долари од хотелот и казиното „MGM Grand“ користејќи фалсификувани чекови, а еден месец подоцна, на сличен начин украл 150.000 долари од казиното „Wynn Las Vegas“.

Морис беше уапсен на меѓународниот аеродром „Форт Лодердејл-Холивуд“ во неделата. Судот го отфрли барањето на неговите адвокати за кауција.

Морис нема играно натпревар од 2024 година. Неговиот последен НБА клуб беше Кливленд. Тој одигра 834 натпревари во текот на својата кариера, постигнувајќи просек од 12,0 поени, 4,4 скока и 1,5 асистенции.

НБА инсајдерот, Бил Симонс, сподели нови информации за можната продажба на екипата на Портланд.

„Слушнав дека имало едно лице и дека ќе има понуда преку четири милијарди долари. Тоа е единственото нешто што го слушнав“ – рече Симонс во неговиот подкаст.

„Блејзерси“ моментално се контролирани од Фондацијата Пол Ален. Името на новиот инвеститор уште не се открива.

НБА ѕвездата и член на Лос Анџелес Лејкерс, Леброн Џејмс, може да го напушти тимот по сезоната 2025/26.

Според инсајдерот во најсилната светска кошаркарска лига Марк Штајн, иницијативата за раскинување на договорот со 40-годишниот Американец ќе дојде од клубот.

Во сезоната 2024/25, Џејмс одигра 70 натпревари во НБА, со просек од 24,4 поени, 8,2 асистенции и 7,8 скока по натпревар. Леброн Џејмс игра за Лејкерси од 2018 година.

Во второто коло, селекцијата на Македонија до 18 години имаше подобро издание од вчерашниот дебакл против Литванија,што сепак беше доволно само за позитивен резултат во мечот против врсниците од Грција.

Машката јуниорска селекција на Македонија со 55-83 го загуби и вториот натпревар на Европското првенство од Дивизијата „А“ кое се игра во главнито град на Србија, Белград.

Многу подобра игра прикажа нашата селекција „Под 18“ години во дуелот со Грција. Сепак, по релативно изедначениот почеток, јужните соседи направија видлива предност. И на истекот на првата четвртина, имаа водство од (27-13).

Не се променија многу работите на теренот ниту во вториот период, оној во кој противникот изгради уште поубедлива, двојно поголема предност (46-23).

Дел од играта во која Јаничиќ и Данев имааа по седум реализации во нашиот состав.

Третата четвртина беше и најдобрата за нашата селекција, ја реализиравме во наша корист, макар и со минимални (21-20), но покажавме дека можеме да бидеме и далеку поконкурентни во битките со поквалитетните репрезентации во елитната „А“ дивизија.

Данев се промовираше во прв стрелец во нашата репрезентација. Реализираше 17 поени, имаше и пет скока и две успешни додавања во три одиграни четвртини во кои Грција ја задржа високата предност (66-44).

По девет поени имаа Сребров и Ѓорѓевиќ (плус осум скока), додека Јаничиќ застана на бројката од седум реализации (плус шест скока и исто толку додавања) колку што имаше и Најков.

По две одиграни кола во групата Ц, Македонија има два порази, Грција е на половиченн ефект, (1-1). Нешто подоцна, од 18:30 часот, ќе играат репрезентациите на Србија и Литванија.

Во третото коло од групната фаза, утре навечер од 18:30 часот, Македонија игра против селекцијата на Србија.