Кон крајот на август и почетокот на септември беше одржано Светското првенство на Далечниот исток, а ФИБА денеска се пофали со исклучително висока популарност на оваа манифестација. Иако на Мундијалот не настапија голем број светскин суперѕвезди, пред се оние од НБА лигата, како и Никола Јокиќ и Јанис Адетокунбо, бројките кои се забележани на него се фантастични. „Престижниот турнир одржан во Јапонија, Индонезија и Филипини достигна неверојатно ниво на внимание кога се во прашање посетите на натпреварите, ама и читаност и гледаност на традиционалните и дигиталните медиуми“, стои во официјалното соопштение на ФИБА. 

Објавите поврзани со Светското првенство предизвикале над 20 милијарди интеракции на социјалните мрежи што е тројно повеќе во однос на првенството во Кина пред четири години. Директни преноси се емитувале во 190 држави низ светот, а гледаноста била за 15% повисока отколку на претходниот шампионат. Што се однесува до посетеноста на натпреварите, вкупно присиствувале над 700 илјади гледачи, а соборен беше и рекордот на посетители на еден меч – 38.115 на отворањето во Манила.

На десет месеци пред почетокот на Олимписките игри, Американците веќе почнаа да се екипираат во обид да ја спасат својата чест и честа на репрезентацијата. Веднаш по Светското првенство беше објавено дека главен иницијатор за создавање нов дрим-тим е Леброн Џејмс, а еден по еден, големите ѕвезди почнаа да го потврдуваат својот настап. 

Денес тоа го направија Кевин Дурант и Девин Букер, на почетокот на тренинг кампот на Феникс Санс, како и Стеф Кари кој би сакал да се врати во репрезентацијата. Поширокиот список на кошаркари на кои ќе може да смета селекторот Стив Кер ќе биде познат пред крајот на годинава, а веројатно по завршувањето на сезоната во НБА ќе бидат познати финалните 12 кои ќе ги бранат боите на САД во Париз.

Поранешниот ас на кошаркарските клубови Панатинаикос и Олимпијакос, Василис Спанулис е нов селектор на грчката кошаркарска репрезентација.

За ова се шпекулираше и претходните денови, а Спанулис потпиша двегодишна соработка со локалната федерација.

На таа позиција тој ќе го замени Димитрис Итудис, кој поднесе оставка по неуспехот на репрезентацијата на неодамнешното Светско првенство.

За Спанулис селекторската функција ќе биде само втора самостојна работа во тренерската кариера, во која досега беше тренер и на Перистери – и тоа само една година.

Откако пред две недели ја победи во Суперкупот на Шпанија, Реал Мадрид денеска беше подобар од од Барселона и во третото коло од домашното првенство.

Вицешампионот настапи значително ослабен на овој натпревар, но и покрај тоа славеше со 86-79 и остана со максимален ефект на почетокот од новата сезона во АЦБ лигата. Одговорноста кај Реал ја презеде Венсан Поарие кој постигна 22 поена, но и 16-годишниот Исмаил Диањ кој доби место во почетната петорка и додека беше на теренот, Реал водеше со 11-2. На крајот, тинејџерот постигна 9 поени и 8 скока од кои 6 офанзивни, во дуелите со Јан Весели и Вили Хернангомес. Мора да се истакне и Факундо Кампацо кој одлично ја организира играта на Реал, а постигна и 17 поени.

Хернангомес повторно беше тотално неутрализиран, како во мечот од Суперкупот. Вечерва постигна само четири поени и два скока за 11 минути во игра и уште еднаш отвори сомнеж дали може да биде вистинско засилување за Барселона и да го замени Никола Миротиќ кој си замина во текот на летото. Дарио Брисуела со 14 поени беше најефикасен кај Барса.

Тодор Гечевски и официјално е новиот спортски директор на КК Работнички објави денеска градоначалникот на Општина Центар Горан Герасимовски. На прес конференцијата Герасимовски истакна дека со новото раководство очекува победа на квалификацискиот турнир за ФИБА Евро купот во Скопје кое ќе трае од 2 до 5 октомври.

„По неколкугодишна пауза, тимот од Центар сезонава повторно ќе игра во квалификациите за ФИБА Евро куп но со ново засилување. Тодор Гечевски се враќа во тимот каде што ја заврши својата кариера но како нов спортски директор на КК Работнички. Ова засилување на тимот верувам дека ќе донесе нова свежина и победа и на домашната и меѓународна сцена. Верувам дека на целата спортска јавност и недостасуваа моментите на навивање, бодрење и целата таа возбуда и желба за победа. Се надевам дека Црвено-белите повторно ќе го вратат некогашниот сјај и ќе се вратат на победничките патеки“, изјави Герасимовски.

Најтрофејниот кошаркарски клуб во Хрватска, Цибона и официјално и банкротираше.

Клупската смета на Цибона е блокирана повеќе од 12 дена, па сега мораше да биде прогласен стечај. Неодамна клубот објави дека е започнат процес на трансформација во спортско акционерско друштво во кое долговите би се трансформирале во акции.

Сега „волците“ имаат 45 дена да ги убедат институциите како ќе се извлечат од оваа тешка.

Покрај финансиската ситуација, Цибона не изгледа добро ниту во играчкиот кадар. Поради блокадата од ФИБА за регистрација на играчи во овој момент имаат само пет професионални кошаркари и десетина јуниори за да се задоволат барањата за старт во АБА-лигата.

Матијас Лесор кој пред неколку месеци го напушти тимот на Партизан и реши кариерата да ја продолжи во грчки Панатинаикос, за оваа сезона во Евролигата, има една посебна желба.

Според него, би бил среќен доколку се сретне на мегдан против Партизан во „фајнал-фор“ турнирот годинава, бидејки самиот Лесор смета дека има фантастичен однос со навивачката група „Гробари“ и дека тие ќе го скандираат неговото име.

„Имав неверојатна поврзаност со навивачите на Партизан, имавме одлична сезона, но на почетокот од претходната сезона, не верував дека ќе имаме така добра сезона“.

Лесор во Панатинаикос соблекувалната ќе ја дели со еден негов колега од Партизан, бидејки како што е познато и Јоанис Папапетру ова лето го напушти Партизан и се пресели кај „детелинките“ во Атина.

„Го познавам добро и среќен сум што ќе играме повторно заедно. Минатата година многу се зближивме и ќе бидеме уште поблиски. Уште сум во контакт со кошаркарите на Партизан. Сезонава мислам дека приоритетот ни е ист како и на Партизан, да стигнеме до Ф4, се надевам дека ќе се сретнеме со Партизан во таа фаза“, порача францускиот центар.

Ветеранот, Двајт Хауард по пауза од една година повторно ќе заигра во НБА лигата и тоа во една од најдобрите екипи на Западот, тим кој е претендент за титулата.

Центарот настапуваше во Тајван во изминатиов период, но тоа ќе се промени затоа што ќе стави потпис на едногодишен договор со Голден Стејт Вориорс. Хауард има огромно искуство зад себе, долго време беше дел од најсилниот шампионат на светот носејќи ги дресовите на Орландо Меџик, Лос Анџелес Лејкерс, Хјустон Рокетс, Атланта Хокс, Шарлот Хорнетс, Вашингтон Визардс и Филаделфија Севентисиксерс.

Тој во таборот на „воините“ ќе ја има улогата на резервен центар, меѓутоа тоа нема да биде проблем за него.

Двајт има еден шампионски прстен, па со тим како што е Голден Стејт може да се надева на уште еден голем резултат, пехар.

Maкедонската женска кошарка од денес официјално остана посиромашна за Јелена Антиќ, една од најдобрите во историјата на овој спорт кај нас.

Иако има само 32 години, Антиќ одлучи да објави крај. Неколкуте тешки повреди беа пречка да изгради кариера за каква што сигурно имаше потенцијал, иако зад неа остануваат импресивни настапи за Македонија и повеќе европски екипи.

„Имав само 15 години кога заминав од дома за да го следам својот сон. Мојот кошаркарски сон. 17 години подоцна може да кажам дека кошарката ми го подари светот. Светот на можности. Јас и ги дадов срцето, телото и умот. Вистинска длабока љубов. Но, последните години беа исцрпувачки, физички и психички. Ти благодарам за се добро и лошо, за сите победи и порази, насмевки и солзи, сеќавања и лузни. Ова не е збогум, само ќе те гледам од другата страна на линијата“, oбјави Антиќ.

Кариерата ја започна во редовите на Младинец, потоа се пресели во САД каде што играше за средното училиште „Либерти Академија“, па универзитетот „Ливерти флејмс“.

Сениорското европско деби го направи во Партизан каде што помина три сезона, а потоа го носеше дресот на: Радивоје Кораќ, Макаби Ашдод, ЦСУ Алба, Лулеа Баскет, Висла Краков и Баскет Кам

Ѕвездата на Феникс Санс, Девин Букер, ја изрази својата подготвеност да биде дел од тимот на САД на Олимпијадата во 2024 година. Букер му одговори на Кајл Кузма, кој смета дека проблемот со тимот на САД е неможноста на играчите да ја прифатат улога во тимот.

„Ќе го направам тоа. Ќе играм за САД на ЛОИ во Париз следната година“, потврди Букер.

Тимот на САД го освои четвртото место на Светското првенство во 2023 година, што се смета за комплетно фијаско.