Денес во Берлин започнуваат натпреварите од самата завршница на Европското кошаркарско првенство. 

Репрезентациите на Полска и Франција својот полуфинален дуел го започнуваат во 17.15 часот. Кошаркарите на Полска до борбата за пласман во големото финале стигнаа со триумфот над актуелниот европски шампион Словенија која во четвртфиналето ја совладаа со резултат 90:87, додека Франција после продолженија беше подобра од Италија со 93:85.

Домаќинот на нокаут фазата од  шампионатот селекцијата на Германија, во второто полуфинале кое е на распоред вечерва од 20:30 , ќе се сретне со актуелниот светски шампион, репрезентацијата на Шпанија.

Германија, шансата за пласман во финалето ја обезбеди со четвртфиналниот триумф над Грција со 107:96, а Шпанија беше подобра од Финска со 100:90.

Евробаскетот завршува во недела на 18.септември, кога на програмата е натпреварот за третото место во 17:15 часот , како и големото финале кое е закажано за 20.30 часот.

www.evrotip.mk

Њујоршката аукциска куќа Сотбис, соопшти дека дрес на легендарниот американски кошаркар Мајкл Џордан е продаден на аукција за рекордни 10,1 милиони долари.

Станува збор за црвен дрес на Чикаго Булс кој Џордан го носел на првиот натпревар од финалето на НБА лигата против Јута во 1998 година, период кој е прикажан во документарец на Нетфликс наречен „Последниот танц“. 

Ова е најскап продаден дрес во историјата, бидејќи ја надмина сумата од 9,3 милиони долари која беше платена за дресот на Марадона кој го носеше во натпреварот против Англија кога го постигна голот со „божјата рака“.

Легендарниот поранешен српски кошаркар, Дејан Бодирога, официјално е именуван за нов претседател на кошаркарската Евролига.

Бодирога после завршувањето на играчката кариера беше потпретседател на Кошаркарскиот сојуз на Србија, а потоа и претседател на Комисијата за натпревавување во ФИБА Европа.

„Влегуваме во нова ера на Евролигата. Изминативе 20 години ова натпреварување стана препознатливо и моќно во глобалниот спорт. Би сакал да се заблагодарам на Бартомеу и неговиот тим за досегашната успешна работа, и се радувам на продолжувањето и ширењето на влијанието на Евролигата и Еврокупот“, изјави Бодирога за официјалниот сајт на Евролигата.

Машката репрезентација на Србија во баскет 3х3 ја одбрани титулата на Европското првенство кое се одржа во Грац Австрија, откако во финалето ја совлада Латвија со резултат 21:14.

Третото место на шампионатот го освои Холандија, која со 21:10 беше подобра од Литванија.

За репрезентацијата на Србија која е и актуелен светски првак во баскет 3х3, ова е четврто злато во историјата на европските првенства. 

Златниот медал во женска конкуренција му припадна на Франција која во финалето беше подобра од Холандија 21:14.

Кошаркарската репрезентација на Србија го заврши својот настап на Европското првенство во Кошарка после неочекуваниот пораз во осминафиналето од Италија со резултат 94:86.

Селекторот на српската репрезентација, Светислав Пешиќ, признава дека Италија одиграла извонреден натпревар и дека Србија беше заслужено поразена.

„Италија одигра фантастично, тие беа свежи како тим, физички фантастично подготвени. Не сакам да барам изговори за нашиот пораз но како тим се соочувавме со голем број на проблеми низ припремите за првенството. Многу играчи испаднаа од екипата за време на подготовките, имавме повреди, болести, некои играчи успеаја да се вратат, некои не. Кога се игра еден ваков натпревар знаевме дека може да се случи и пораз. Сега следува анализа и соопштување на идните планови“, изјави Пешиќ.

Кошаркарскиот клуб Партизан, кој сезонава се враќа во Евролигата,
соопшти дека го соборил рекордот на елитното европско клупско
кошаркарско натпреварување според бројот на продадени влезници.

Првиот човек на белградскиот клуб објави на социјалните мрежи дека за новата сезона 2022/23 се продадени рекордни 10.000 сезонски билети.
„Кога сите сме како еден, чудата се можни. Сакам да им се
заблагодарам на сите кои со купување сезонски билет му изразија
доверба на нашиот тим. Тука сме заедно да испишеме историја“,
напиша претседател на Партизан, Остоја Мијаиловиќ на својот
Твитер профил.

Новопечениот македонски кошаркарски репрезентативец, Димитар Пандев (24 год, 208 см), е најновото засилување за МЗТ Скопје Аеродром.

Ова ќе биде прв настап на одличниот крилен центар за клуб од Македонија на сениорско ниво, со оглед што поголемиот дел од досегашната кариера ја мина во странство, најмногу во САД. Пандев четири години беше дел од НЦАА-лигата каде што го носеше дресот на универзитетите Солт Лејк, Кларендон и за Универзитет Индијана-Пердју универзитет Индијана (УИПУИ).

Пандев е тринаесетиот кошаркар кој тренерот Александар Петровиќ ќе го има на располагање за новата сезона. Тука се уште Американците Бре Ајви, Еван Максвел и Мајк Кафи, Србинот Страхиња Миќовиќ, Турчинот Самит Јигитоглу како и македонските репрезентативци Дамјан и Војдан Стојановски, Адем Мекиќ, Бојан Крстевски, Дамјан Робев, Андреј Магдевски и Анреј Андоноски. Со првиот тим напорно работат и младинците Димитар Иванов, Марко Спасовски, Бојан Величковски и Виктор Стојковски.

Тренерот на Сан Антонио, Грег Попович не сакаше да го пропушти Евробаскетот. Тој беше гостин на тимот Милано и тренерот Армани Еторе Месина, со кого соработуваше во Спарс, а во таа прилика за италијански Скај проговори колку се блиски американската и европската кошарка.

Грег Попович го следеше дуелот помеѓу Италија и Грција на кој играа двајца НБА играчи Симоне Фонтекио и Јанис Адетокунбо. Флавио Транкило од „Sky Sports“ побара интервју од харизматичниот Поп и доби доста интересни одговори.

„Пред десет години американската кошарка се базираше на тројки и забивања. Со доаѓањето на кошарката на европската телевизија, мислам дека сите беа возбудени поради тоа. Европската кошарка има многу повеќе движења без топка, двата света долго време беа разделени но сега се се поблиску. Посебно ние тренерите, менаџерите почнуваат да го разбираат тоа. Благодарение на толку многу странци во НБА, видовме дека се повеќе играчи се свртуваат кон основите, различните вештини, особено кога станува збор за шутирање. Научивме дека треба да се вратиме на основите“, рече Грег Попович.

Кошаркарот, Донован Мичел, ја напушти екипата на Јута и се пресели во редовите на Кливленд.

„Џезерите“ за тој трансфер ќе добијат дури три играчи на „кавалирс“ и правото да одберат три пика од првата рунда на драфтот.

Бекот во НБА лигата пристигна во 2017 година и стана една од најголемите ѕвезди на Јута.  25-годишниот играч има просек од 24 поени по натпревар.