Македонскиот кошаркарски репрезентативец, Ненад Димитријевиќ и официјално раскина со Валенсија. Шпанскиот клуб денеска потврди дека меѓусебно е прекината соработката која требаше да продолжи и во следните две години. 

Димитријевиќ потпиша за Валенсија во летото 2021 година од Хувентут Бадалона и во сезоната 2021/22 одигра 33 натпревари со дресот на Валенсија со просек од 8,4 поени, 1,5 скок и 3,9 асистенции.

Минатава сезона тој беше позајмен во руски Уникс Казан каде успеа да дојде до титулата. 

Македонскиот репрезентативец Ти Џеј Шортс повторно беше најефикасен во тимот на Телеком Бон и најзаслужен што оваа екипа обезбеди пласман во финалето од германскиот плејоф.

Освојувачот на трофејот во Кошаркарската Лига на Шампиони го совлада Лудвигсбург со 3-0, а во третиот меч од серијата, како гостин, славеше со 82-73. Со тоа ја продолжи победничката серија во домашното првенство која трае од 15 јануари кога Телеком Бон го претрпе последниот пораз.

Шортс на теренот помина безмалку 29 минути и за тој период постигна 20 поени, 4 асистенции и 3 скока. Во финалето Телеком Бон ќе игра против уште едно големо изненадување – Улм кој на патот до завршната серија ги елиминира Алба и Баерн. Како лидер по основниот дел од сезоната, Телеком Бон ќе ја има предноста на домашниот терен, а првиот натпревар се игра на 9 јуни.

Суперѕвездата на НБА лигата, Леброн Џејмс ќе размисли дали да и стави крај на својата играчка кариера по синоќешната елиминација од Денвер во финалето на плеј-офот на Западот со максимални 4:0.

Според извори на доброупатените „Bleacher Report“ и “TNT“, 38-годишниот кошаркар ќе има „многу да размислува“ пред да ја донесе конечната одлука.

Леброн има уште две години од 97-милионскиот договор со ЛА Лејкерс, со опција за последна сезона. Тој влезе во својата 20-та сезона во НБА лигата и прашање е дали ќе ја почне и 21-вата на есен.

„Имам многу за размислување… Кога станува збор за мене лично и за мојата иднина во кошарката, исто така треба добро да размислам“, рекол Леброн.

Филаделфија поминува низ бурен период по елиминацијната во полуфиналето на Истокот каде што Бостон беше подобар.

Со поразот во серијата беше завршена и уште една етапа без конференциско финале, иако амбициите беа и поголеми. Цената веднаш ја плати тренерот Док Риверс кој доби отказ по седмиот натпревар. За него тоа беше 10-ти пораз во седми натпревар во една плеј-оф серија и постави негативен рекорд во НБА.

Следен кој е најблиску до заминување е Џејмс Харден. Харден во последните денови се поврзува со враќање во Хјустон. Се пишуваше дека Хјустон пред именувањето на Удока за нов тренер му го поставиле прашањето за Харден. Мајката на Харден и понатаму живее таму и кошаркарот има деловни обврски во тој град, па и поради тоа шпекулациите се погласни. Но, тука не би бил крајот на распадот на Филаделфија, Џоел Ембид кој беше прогласен за МВП на сезоната исто така би можел да си замине. Името на Ембид се поврзува со Њујорк Никси. Сепак се напоменува дека оваа информација ја пренесе новинарот на „Њујорк Дејли Њуз“, Стефан Бонди кој не спаѓа во редот на најдоверливите кога во прашање е НБА.

Засега сигурно и потврдено е само заминувањето на Риверс, па останува да видиме што ќе се случува.

Кошаркарот на Минесота, Ентони Едвардс може да биде именуван во тимот на САД за претстојното Светско првенство во 2023 година, кое започнува кон крајот на август.

„Тој би можел да игра на Светското првенство во 2023 година за тимот на САД пред Олимпијадата во 2024 година“, објавија извори од клубот.

САД на Мундобаскетот се дел од групата Ц. Тие ќе се соочат со Грција, Јордан и Нов Зеланд.

Серџо Скариоло е прв избор на раководството на Реал за тренер на екипата за идната сезона, но Италијанецот има и други понуди на маса.

Можно е да се врати во НБА лигата, но сега како главен тренер, првпат во својата професионална кариера. За него е заинтересиран Торонто Репторс кој неодамна се раздели со тренерот Ник Нурс и е во потрага по негова замена. Скариоло веќе работеше во Репторс, од 2018 до 2021 година, но како помошник на Нурс по што се врати во Европа и го презеде Виртус.

Италијански медиуми тврдат дека претседателот на Репторс, Масаи Уџири и генералниот менаџер Боби Вебстер пред неколку дена имале состанок со Скариоло во Болоња на кој му ги изнеле своите планови и понудата да го преземе тимот. Одговорот од искусниот стручњак не е познат, но тој ќе треба наскоро да ја донесе конечната одлука.

Иако има договор со Виртус на уште една година, извесно е дека Скариоло ќе го напушти клубот на крајот од оваа сезона, а ќе го наследи Андреа Тринкиери кој си оди од Баерн.

Српскиот центар во редовите на Денвер, Никола Јокиќ нема да биде суспендиран од страна на НБА лигата.

Според информациите од медиумите специјализирани за вести од најдобрата кошаркарска лига во Светот, Никола Јокиќ ја избегна можната суспензија од НБА и тој ќе биде во составот на Денвер Нагетс за дуелот со Феникс Санс.

На Јокиќ му претеше суспензија поради учество во помал инцидент со сопственикот на тимот од Феникс. На крајот дусциплинската комисија на НБА реши да го казни српскиот играч само парична казна од 25 илјади долари.

Грчкиот шампион Олимпијакос ќе има огромна поддршка од трибините на „мајсторката“ од четвртфиналето на Евролигата, против Фенербахче.

Денеска клубот ги пушти во продажба билетите за петтиот меч од серијата, а тие се продадени за само девет минути што е нов светски рекорд за кошаркарски натпревар. За 4.000 влезници биле испратени дури 85 илјади барања.

„Немаме зборови да ја искажеме нашата благодарност за вашата континуирана поддршка. Заедно да се бориме и вторпат во низа да се пласираме на Ф4 од Евролигата“, напиша Олимпијакос во официјалното соопштение на Твитер.

Петтиот натпревар меѓу Олимпијакос и Фенербахче се игра во вторник од 20:30 часот, а победникот, во полуфиналето ќе игра со подобриот од серијата меѓу Макаби и Монако.

Џоел Ембид од Филаделфија и официјално е прогласен за најкорисен играч во НБА лигата (МВП), пред центарот на Денвер, Никола Јокиќ и Јанис Антетокунбо од Милвоки.

Ембид беше прв во изборот со 73 гласови, Јокиќ добил 15, а гркот од Милвоки – 12.

Ембид беше двапати најдобар стрелец во лигата, со просек од 33,1 поени. Тој оваа сезона одигра 66 натпревари и во моментов се бори со повреда на коленото во плеј-офот серијата.

Ембид е првиот кошаркар на Филаделфија кој ја освоил наградата за МВП по Алан Ајверсон во 2001 година и само вториот Африканец кој е прогласен за најкорисен играч, по Хаким Олајџувон, кој ја освои наградата во 1994 година додека играше за Хјустон.

Од 12 до 20 август во Естонија и Полска, ФИБА предвиде два од трите турнири на европскиот континент, последниот ќе се игра во Истанбул

Машката сениорска репрезентација на Македонија ќе биде дел од осумте европски селекции кои ќе играат во Талин, на еден од трите предвидени  турнири во европската зона на ФИБА. Поточно во Талин, односно Гливице и Истанбул, вкупно 32. национални селекции од Европа ќе се поделат во четири групи (по осум учесници).

Согласно со предвидениот план, групите „А“ и „Б“ (првата фаза) ќе се играат во Естонија односно Полска (завршната во полскиот град), а групите „Ц“ и „Д“ во Турција.

Како осми носител, Македонија заедно со Португалија, за противници во првата, групна фаза, може да ги добие селекциите кои се во првата група на носители (Чешка или Полска), во четврттата (Израел или БиХ),односно петтата (Унгарија или Естонија).

Турнирите ќе се играат во периодот од 12 до 20 август, а само победниците ќе се стекнат со право да играат во олимписките квалификации за настап на Олимпијадата во Париз во 2025 година. 

Нешто подоцна е предвидено да се формираат и натпреварувачките групи на турнирните кои освен Европа, ќе се играат и во Лагос (Африка), во Аргентина ќе се игра во американската зона (градот ќе биде подоцна потврден), исто како што се очекува и потврдата за организаторот на турнирот во Азија.