Ник Калатес ќе си замине од Фенербахче откако турскиот гигант го избра Шарунас Јасикевичиус за нов шеф на стручниот штаб.

Грчкиот плејмејкер водеше војна со овој тренер додека двајцата беа дел од Барселона, конфликтот резултираше со негов трансфер во Фенербахче, а ветеранот не можеше ни да помисли дека Јасикевичиус ќе пристигне во Истанбул.

Калатес беше пред заминување и во текот на летото, тогаш реши да остане и да се бори за минутажа кај Итудис, но на ветеранот му е јасно дека тоа е невозможна мисија со доаѓањето на Јасикевичиус и се очекува најдоцна до крајот на годинава да си замине од Фенер.

Легендата на српската кошарка Александар Ѓорѓевиќ ќе стане нов селектор на италијанската репрезентација.
Ова го дознава Спорт клуб, кој пренесува дека Ѓорѓевиќ се уште официјално не се разделил со Кина, со која ги загуби сите три натпревари на Светското првенство летово во групата во која беа Србија, Порторико и Јужен Судан.

Ѓорѓевиќ потенцијално би го заменил Џанмарко Поцеко на клупата на Италија, кој неодамна го презеде евролигашот Асвел.
Покрај Кина, Ѓорѓевиќ беше селектор на Србија од 2013 до 2019 година со која освои три сребрени медали на ЕП, СП и Олимписки игри.
На клупски план работеше во Панатинаикос, Баерн, Виртус и Фенербахче.

Од Италија стигна веста дека требало да има трампа меѓу Црвена Звезда и Олимпија Милано со цел Кевин Пангос да се пресели во Белград додека Шабаз Напиер да оди во спротивен правец.

Сепак, црвено-белите на крајот не се согласија! Во меѓу време и Валенсија покажа дека е заинтересирана да го доведе плејмејкерот, но се уште нема договор бидејќи Олимпија не сака да плати за да се ослободи од Пангос.

Кошаркарот е во втор план кај тренерот, Еторе Месина и во сезонава поради повреди одигра само пет натпревари во Евролигата.

Поранешниот кошаркарски стратег Ејвери Џонсон, изјави дека Лос Анџелес Клиперс ќе мора да го разменат Расел Вестбрук откако го донесоа во тимот Џејмс Харден. Во изјавата која тој ја даде за медиумите, вели дека најдобро е Клиперс да се ослободат од Вестбрук, затоа што тој веќе не е среќен во тимот.

„Има неколку ѕвезди на кои не им оди добро, а очигледно Џејмс Харден е еден од нив. Кога ќе го погледнете Џејмс Харден и колку лошо се вклопи во Лос Анџелес Клиперс, станува јасно дека има некаков проблем. Сега од клупата доаѓа и Расел Вестбрук, кој очигледно е незадоволен од ова и клубот не добива ништо со нивното присуство. Мислам дека на крајот ќе мора да го разменат Вестбрук, затоа што на крајот тој нема да биде среќен во овој тим. Можеби ќе се јават во Чикаго и ќе се обидат да го разменат за Зак ЛаВин и да го направат Џејмс Харден постојан стартер“, изјави Џонсон.

Познато е дека Кевин Дурант ја сака Евролигата. Овој пат, неговиот
поранешен соиграч, Едмонд Самнер, кажа за него дека би можел да ја
заврши кариерата во најсилното европско натпреварување.
По потписот со Жалгирис, Самнер изјави дека се надева дека
шампионот во НБА ќе дојде на стариот континент.
„Можеш да скокнеш, човеку. Ми се допаѓа КД. Тој е одличен соиграч
и одлична личност. Се надевам дека ќе пристигне. Секогаш вели дека
кога ќе заврши со НБА, сака да дојде овде и да игра. Па да видиме
дали навистина ќе се случи тоа. Но, јас верувам во тоа, бидејќи тој
едноставно ја сака оваа игра“, изјави Самнер.

Боби Митев по неполн месец се враќа во Азербејџан. Поради
приватни семејни причини мораше привремено да го напушти Сабах.
Во клубот беа задоволни од она што Митев го прави и создава од
неговото доаѓање, па му дадоа доволно време да ги реши проблемите
и да се врати на клупата.
И не само ова. Боби Митев ќе биде селектор на кошаркарската
репрезентација на Азербејџан. Како што дознаваме тој ќе добие
тригодишен договор од тамошната федерација.
Работата со Сабах и визијата која Митев ја има за кошарката, е сето
она што е потребно во националниот тим на оваа земја.

Осум екипи се пласираа во четвртфиналето на новото натпреварување на најсилната кошаркарска лига во светот, т.н. НБА куп. По натпреварите од изминатата ноќ формиран е костурот на нокаут фазата на турнирот кој започнува на 4 и 5 декември.

Потоа ќе се играат четвртфиналните дуели во двете конференции, полуфиналето е закажано за 7 декември, а големото финале за два дена подоцна.

Од групата А запад, во четвртфиналето се пласираа Лос Анџелес Лејкерс (4-0) и Феникс (3-1). Од Б групата со скор 3-1 натпреварувањето го продолжува Њу Орлеанс.

Од групата Ц Запад, Сакраменто се пласираше во четвртфиналето со победата од 124:123 над Голден Стејт. Сакраменто ги забележа сите четири победи.

Од Во А групата на во Источната конференција, патот го продолжува Индијана со скор 3-1, со четири победи Б групата ја мина Милвоки, а со скор 3-1, Бостон беа најдобри во Ц групата.

Како тимови со најдобри +/-, Феникс Санс на Запад и Њујорк Никс на Исток ги добија вајлд-картите.

Во четвртфиналето на Истокот ќе играат Њујорк – Милвоки и Бостон – Индијана, а на Западот Феникс – Лос Анџелес Лејкерс и Њу Орлеанс – Сакраменто.

Американските медиуми велат дека младиот српски репрезентативец Никола Топиќ би можел да бидат втор пик на претстојниот драфт во кошаркарската НБА лига.

Доколку тоа навистина се случи, Топиќ би го облекол дресот на екипата на Вашингтон Визардс.

Бекот кој има само 18 години, во тековнава сезона во АБА лигата има просек од 19,2 поени и 6,6 асистенции.

Четирикратниот НБА шампион Шекил О’Нил во интервју за „Релево“ изјави дека ќе доминирал на теренот дури и во ерата на кошарката со три поени.

„Освоив четири прстени и три пати бев МВП на финалето. Луѓето можат да кажат што сакаат, но јас секогаш го покажував нивото кога се бараше. Јас сум најдоминантниот играч кој некогаш стапнал на кошаркарскиот терен. Сè уште не сум видел некој кој би можел да ме спречи. Сега би бил исто толку доминантен кошаркар. Со тоа колку се промени играта, со сите тројки и шутери, просторот би ми била многу поотворен“, изјави О’Нил.

Во вербален дуел влегоа гостинскиот тренер Василис Спанулис и
лице од записничката маса. Грчката легенда по натпреварот откри
дека добил пцовка од лицето чиј идентитет засега е напознат.
„Над 20 години сум во професионалната кошарка и никогаш во
животот не ми се случило човек од записничката маса, кој е дел од
натпреварот, да ми каже ‘е.. се’. Ова е срамота, прво за него, потоа за
кошарката и на крајот за клубот Фалко во кој работат прекрасни
личности и има одличен тренер. Му реков да ми даде тајмаут ако
примиме кош, а тој ми даде без да погоди Фалко откако ние
направивме лична грешка. Го прашав зошто го стори тоа, а тој ми
одговори ‘е.. се’. Уште еднаш ќе повторам, никогаш порано не ми се
случило ова“, грмеше Спанулис на прес-конференцијата.