Кошаркарот на Чикаго, Лонзо Бол, беше опериран во понеделникот за да му биде пресадена ‘рскавица на левото колено.

Според главниот тренер на Булс, Били Донован, оваа ретка процедура ќе му даде на Бол добри шанси да ја продолжи кариерата. Ниту еден НБА играч досега немал трансплантација на ‘рскавица.

„Фокусиран сум да се вратам на теренот со моите соиграчи. Тоа беше непријатен процес, но сигурен сум дека следните чекори се најдобриот пат за мене. Поддршката од семејството, пријателите, навивачите и медицинскиот персонал во текот на процесот на опоравување ме одржува да одам напред“, рече Бол.

Бол имаше три операции на коленото во последните 14 месеци.

Српскиот кошаркар Никола Јокиќ  испиша нова страница во историјата на НБА лигата. Играчот на Денвер го надмина и легендарниот Вилт Чембрлејн.

Јокиќ влезе во историјата после остварениот трипл-дабл против Бруклин Нетс, кога постигна 22 поени, 17, скока и 10 асистенции.

Со овај учинок, Јокиќ го надмина Чембрлејн откако постигна 20 трипл-дабл поени во сезоната со најмалку 60 проценти шут од игра.

Легендарниот Мајкл Џордан одлучи да го продаде својот мнозински удел во НБА тимот Шарлот Хорнетс.

Според објавите во американските медиуми, Џордан веќе започнал преговори со групацијата која е предводена од малцинскиот сопственик на Шарлот, Гејб Плоткин, неговиот соработник од Атланта Хоукс, Рик Шнал.

Мајкл Џордан кој според многумина е најдобар кошаркар на сите времиња, е единствениот црнец кој е мнозински сопственик на тим од НБА лигата. Тој во 2010 година плати 275 милиони долари за управувачкиот пакет во Шарлот Хорнетс. Проценките се дека моменталната вредност на оваа НБА франшиза изнесува 1,7 милијарди долари.

НБА тимот Феникс Санс соопштува дека еден од најдобрите играчи во екипата Кевин Дурант поради повреда на зглобот ќе мора да паузира три недели.

Во информациите од клубот се вели дека после направените детални прегледи е утврдено оти паузата на кошаркарот ќе биде пократка од предвиденото. Дурант се повреди на загревањето пред дуелот со Оклахома. Тој  пред пристигнувањето во Феникс играше за Бруклин Нетс и имаше просек од 26,7 поени, 7,3 скока и 3,7 асистенции.

Дурант е 13 кратен учесник на Ол-стар натпреварите, има освоено две титули со Голден Стејт, во кои е прогласен за МВП на финалињата.

Грчките медиуми пренесуваат дека шпанскиот стручњак Пабло Ласо ќе биде нов тренер на кошаркарскиот клуб Панатинаикос.

 Раководството на клубот од Атина посакуваа Ласо да биде назначен за тренер веднаш после заминувањето на Радоњиќ, меѓутоа Шпанецот изразил желба да го преземе тимот на крајот од сезоната.

Според информациите од Грција, Ласо со Панатинаикос ќе потпише договор на три години и ќе биде долгорочна варијанта за клупата на атињаните.

Пабло Ласо како тренер е најпознат по своите успеси со водењето на Реал Мадрид.

Повредата на Василије Мициќ изгледа дека не е толку сериозна и голема е веројатноста дека нема да биде подложен на операционен зафат.Мициќ ги пропушти двете последни евролигашки средби на Анадолу Ефес.

„Мициќ започна со индивидуални тренинзи, а паралелно оди и на секојдневните терапии. Ситуацијата малку се подобри последниве денови и тој ќе се приклучи на тимските тренинзи на почетокот од следната недела. Доколку тој се чувствува како што треба, секако дека ќе игра, тој секогаш има огромна желба да игра. Откако почна сам да тренира, двапати се пожали дека ја чувствува болката во коленото. Некои зборуваа и за операција, меѓутоа докторите рекоа дека во моментов не е неопходна. Се надевам дека многу бргу ќе го имаме пак во тимот, тој е одличен играч кој премногу даде за овој клуб последниве четири години“, заклучи Атаман.

Најдобриот кошаркар на Лос Анџелес Лејкерс, Леброн Џејмс, поради повреда на десното стапало неколку недели ќе биде надвор од теренот.

Џејмс повредата ја заработи на натпреварот со Далас кој Лејкерси го добија после резултатски пресврт. Првично се очекуваше Леброн да отсуствува само на наредниот меч за својот тим, но според информациите од медиумите во САД неговата повреда е посериозна и ќе мора да паузира неколку недели. Неговата повреда доаѓа во многу битен момент за екипата, која се бори за влез во плеј-офот.

38-годишниот Џејмс е најдобар стрелец на екипата од Лос Анџелес, со просек од 29,5 поени по натпревар.

По завршените квалификации, синоќа и официјално се потврдени сите учесници на следното Светско кошаркарско првенство кое ќе се одржи оваа година во периодот од 25 август до 10 септември во Јапонија, Индонезија и Филипините. На завршниот турнир ќе учествуваат 32 селекции од кои: 12 од Европа, 8 од Азија, 7 од Северна и Јужна Америка и 5 од Африка.

Европа: Грција, Латвија, Финска, Германија, Словенија, Литванија, Франција, Шпанија, Италија, Грузија, Црна Гора, Србија.

Азија: Австралија, Кина, Јапонија, Иран, Либан, Нов Зеланд, Филипини, Јордан.

Америка: Канада, САД, Доминиканска Република, Порторико, Бразил, Венецуела, Мексико.

Африка: Брегот на Слоновата Коска, Ангола, Јужен Судан, Египет, Зеленортските Острови.

Барселона му поставил ултиматум на тренерот на тимот, Шарунас Јасикевичиус. Според медиумите, Литванецот ќе ја предводи Барселона и наредната сезона само доколку ја освои титулата во Евролигата.

Барселона моментално е трета во континенталното натпреварување, има одличен тим, кој цела сезона игра по системот „топло-ладно“.

Тоа го покажува и неодамна завршениот Куп на кралот, каде Барселона во четврт-финалето беше елиминирана Уникаха.

Сега им останува битката за домашното првенство и Евролигата, а доколку не ја освојат втората, Јасикевичиус би можел да биде заменет со Серхио Скариоло, кој исто така е на листата на желби на Реал Мадрид.