Македонскиот репрезентативен плејмејкер Ненад Димитријевиќ се
наоѓа во тимот на неделата за периодот од 16 до 22 октомври.
Нашиот играч направи просек од 12,7 поени, 1,3 скок и 7,7
асистенции во натпреварите одиграни против Уралмаш и Самара.

Оствари личен рекорд по бројот на асистенции, вкупно 14 во победата
над Уралмаш, запиша и 12 поени за дабл дабл ефект. На дуелот со
Самара имаше 14 поени и шест асистенции.
Покрај Димитријевиќ, во идеалната петорка се и Ксавиер Рејтан-Мејс,
Маркел Џонсон, Џејмс Томпсон и Захар Ведишев.

Уникс Казањ на македонскиот репрезентативец Ненад Димитријевиќ го претрпе првиот сезонски пораз во ВТБ лигата и тоа на гостувањето кај Самара со 104-93.

Домашниот тим одигра навистина ефикасен меч, ритам кој избраниците на Перасовиќ не го испратија до самиот крај и заслужено ја загубија оваа пресметка.

Нашиот Димитријевиќ имаше ново квалитетно издание со 14 поени и 6 асистенции. Најефикасен на теренот беше Хокинс со 21 поен на кои придодаде 6 скока.

Уникс во следната рунда има ново гостување кај Саратов.

Лилард го одигра првиот меч за Бакс и воопшто за оваа франшиза. Во своето деби за Милвоки, Лилард постигна 14 поени за 22 минути на паркетот, додека најефикасен беше Јанис Антетокунбо со 16 поени и осум скока. Кошаркарите на Милвоки го совладаа Лос Анџелес Лејкерс со 108-97 во еден од претсезонските натпревари одиграни синоќа.

Во останатите натпревари кошаркарите на Мајами беа подобри од Мемфис со 132-124, Денвер предводен од Јокиќ славеше над Чикаго со 116-102, додека Голден Стејт на гости по продолженија славеше над Сакраменто со 121-115.

На другата страна, во отсуство на Леброн Џејмс, најдобар беше Ентони Дејвис со 16 поени и седум скока, Деанџело Расел имаше 11 поени, а Кристи додаде десет поени.

Во останатите натпревари кошаркарите на Мајами беа подобри од Мемфис со 132-124, Денвер предводен од Јокиќ славеше над Чикаго со 116-102, додека Голден Стејт на гости по продолженија славеше над Сакраменто со 121-115.

Реал Мадрид вчера славеше во пријателски меч против Далас маверикс со 127-123, а Лука Дончиќ одигра само пет минути. Дончиќ доби мала минутажа со цел да не заработи повреда на теренот, а по мечот кажа дека бил среќен што се вратил во Мадрид.

„Сакав да го играм целиот меч, но по повредата на тренингот сметаа дека тоа не е добро за мене. Во секој случај ова беше возбудлив ден. Не би бил тука каде што сум ако не беше Реал Мадрид. Тука научив сè. Имам убави спомени и ако еден ден се вратам во Европа, тогаш тоа ќе биде во Реал Мадрид“, изјави Дончиќ.

Израелскиот кошаркарски клуб Макаби најави дека во текот на денот ќе ги евакуира сите странски кошаркари на Кипар, а вечерва или утре ќе им се придружи и остатокот од тимот и стручниот штаб.

Челниците на Макаби се решија на овој чекор за безбедноста на тимот, бидејќи од саботата во Израел трае конфликтот со палестинската милитантна група Хамас.

Евролигата вчера соопшти дека е одложен натпреварот Олимпија – Макаби кој беше планиран за оваа недела. Вчера, Макаби доби официјална понуда од претседателот на Партизан од Белград, Остоја Мијаиловиќ , тимот да остане и да игра во Белград додека трае војната, но челниците на гордоста на Израел се одлучија за Кипар.

Лука Дончиќ се подготвува за новата сезона во НБА лигата каде одново ќе биде лидер на Далас Маверикс, поточно најголемиот товар одново ќе биде врз него во обидот клубот од Тексас да направи значаен резултат.

Во тек се контролните натпревари, играчите имаат и соочувања со медиумите, а при едно од нив Словенецот доби занимливо прашање, прашање кое постојано е актуелно, а тоа е кој е најдобриот кошаркар на сите времиња.

Лука кратко размисли и го издвои името на Мајкл Џордан што за дел од јавноста е изненадување затоа што сметаа дека може ќе се реши за некој од оваа генерација, пред се Леброн Џејмс со кого има добар однос.

Кон крајот на август и почетокот на септември беше одржано Светското првенство на Далечниот исток, а ФИБА денеска се пофали со исклучително висока популарност на оваа манифестација. Иако на Мундијалот не настапија голем број светскин суперѕвезди, пред се оние од НБА лигата, како и Никола Јокиќ и Јанис Адетокунбо, бројките кои се забележани на него се фантастични. „Престижниот турнир одржан во Јапонија, Индонезија и Филипини достигна неверојатно ниво на внимание кога се во прашање посетите на натпреварите, ама и читаност и гледаност на традиционалните и дигиталните медиуми“, стои во официјалното соопштение на ФИБА. 

Објавите поврзани со Светското првенство предизвикале над 20 милијарди интеракции на социјалните мрежи што е тројно повеќе во однос на првенството во Кина пред четири години. Директни преноси се емитувале во 190 држави низ светот, а гледаноста била за 15% повисока отколку на претходниот шампионат. Што се однесува до посетеноста на натпреварите, вкупно присиствувале над 700 илјади гледачи, а соборен беше и рекордот на посетители на еден меч – 38.115 на отворањето во Манила.

На десет месеци пред почетокот на Олимписките игри, Американците веќе почнаа да се екипираат во обид да ја спасат својата чест и честа на репрезентацијата. Веднаш по Светското првенство беше објавено дека главен иницијатор за создавање нов дрим-тим е Леброн Џејмс, а еден по еден, големите ѕвезди почнаа да го потврдуваат својот настап. 

Денес тоа го направија Кевин Дурант и Девин Букер, на почетокот на тренинг кампот на Феникс Санс, како и Стеф Кари кој би сакал да се врати во репрезентацијата. Поширокиот список на кошаркари на кои ќе може да смета селекторот Стив Кер ќе биде познат пред крајот на годинава, а веројатно по завршувањето на сезоната во НБА ќе бидат познати финалните 12 кои ќе ги бранат боите на САД во Париз.

Поранешниот ас на кошаркарските клубови Панатинаикос и Олимпијакос, Василис Спанулис е нов селектор на грчката кошаркарска репрезентација.

За ова се шпекулираше и претходните денови, а Спанулис потпиша двегодишна соработка со локалната федерација.

На таа позиција тој ќе го замени Димитрис Итудис, кој поднесе оставка по неуспехот на репрезентацијата на неодамнешното Светско првенство.

За Спанулис селекторската функција ќе биде само втора самостојна работа во тренерската кариера, во која досега беше тренер и на Перистери – и тоа само една година.

Откако пред две недели ја победи во Суперкупот на Шпанија, Реал Мадрид денеска беше подобар од од Барселона и во третото коло од домашното првенство.

Вицешампионот настапи значително ослабен на овој натпревар, но и покрај тоа славеше со 86-79 и остана со максимален ефект на почетокот од новата сезона во АЦБ лигата. Одговорноста кај Реал ја презеде Венсан Поарие кој постигна 22 поена, но и 16-годишниот Исмаил Диањ кој доби место во почетната петорка и додека беше на теренот, Реал водеше со 11-2. На крајот, тинејџерот постигна 9 поени и 8 скока од кои 6 офанзивни, во дуелите со Јан Весели и Вили Хернангомес. Мора да се истакне и Факундо Кампацо кој одлично ја организира играта на Реал, а постигна и 17 поени.

Хернангомес повторно беше тотално неутрализиран, како во мечот од Суперкупот. Вечерва постигна само четири поени и два скока за 11 минути во игра и уште еднаш отвори сомнеж дали може да биде вистинско засилување за Барселона и да го замени Никола Миротиќ кој си замина во текот на летото. Дарио Брисуела со 14 поени беше најефикасен кај Барса.