Гркот Јанис Сферопулос не е повеќе тренер на кошаркарскиот клуб Макаби од Тел Авив.

Тој доби отказ од клубот после елиминацијата во полуфиналето од домашниот Куп, каде Макаби беше поразен од екипата на Хапоел, со резултат 80:90.

После натпреварот, навивачите на Макаби го изразија своето незадоволство од поразот, при што беше избегнат и инцидент бидејќи дел од публиката сакаше физички да ги нападне тренерот и играчите.

Јанис Сферопулос беше тренер на Макаби од Тел Авив од 2018 година, а претходно ги водеше грчките екипи Олимпијакос и Паниониос.

Центарот на Кливленд, Џерет Ален, ќе биде замена за повредениот Џејмс Харден на „Ол-старот“  дуелот во кошаркарската НБА конкуренција.

Тој досега одигра 49 натпревари и направи просек од  16,2 поени, 11,1 скока и 1,8 асистенции.

Ален ќе биде дел од тимот на Леброн Џејмс. Мечот на ѕвездите ќе биде одигран наредниот викенд во Кливленд.

Леброн Џејмс влезе во историјата на НБА лигата откако стана водечки стрелец во комбинираната регуларна сезона и плеј-офот, и покрај тоа што ЛА Лејкерс беа поразени од Голден Стејт Вориорс со 117-115.

Џејмс промаши слободно фрлање во последната секунда со кое ќе го добиеше натпреварот во Сан Франциско, но сепак успеа да постигне 26 поени и го надмина вкупниот бројот на поени на Карим Абдул-Џабар од 44.149. 

Леброн Џејмс сеуште заостанува зад Абдул-Џабар (38.387) и Карл Мелоун (36.928) на листата со поени во регуларниот дел од сезоната, но беше задоволен што стигна до уште еден рекорд во неговата богата кариера.

НБА ѕвездите Леброн Џејмс и Кевин Дурент се капитени на овогодинешните Ол-стар тимови за настанот кој ќе се одржи на 20. февруари во Кливленд.

Во почетната петорка која ја избра Леброн Џејмс ќе се појават Јанис Адетокумбо, Стеф Кари, Демар Дероузен и Никола Јокиќ. Резерви во тимот ќе бидат Дарус Гарланд, Џими Батлер, Донован Мичел, Џејмс Харден, Фред Ванвлит, Крис Пол и Лука Дончиќ.

Стартери во тимот на Кевин Дурент ќе бидат Џоел Ембид, Џејсон Тејтум, Џа Морант, Ендрју Вигинс и Тре Јанг. Како резерви се Девин Букер, Карл-Ентони Таунс, Зек Лавин, Дежонте Мареј, Крис Мидлтон, Ламело Бол и Руди Гобер.

Кошаркарската Евро-лига потврди дека поради Ковид-19 е одложен натпреварот од 26 коло меѓу Фенербахче и Баерн Минхен кој требаше да се одигра на 11 февруари.

Германскиот тим има неколку заразени и не може да го обезбеди потребниот минимум од 8 кошаркари.

Според правилата на Евролигата, еден натпревар може да се одложува максимум  три пати доколку има слободни термини.

Џејмс Харден е нов кошаркар на Филаделфија!

Тоа што се најавуваше во претходните денови се случи денес. Бруклин го трејдуваше Харден заедно со Пол Милисап. Нетси од Сикерс ќе ги добијат Бен Симонс, Сет Кари, Андре Драмонд и два пика на драфтот.

Џејмс Харден не беше среќен во Бруклин и имаше желба да си замине. Тој беше разочаран затоа што тимот според него не победува доволно и не изгледа како кандидат за титулата иако тоа се највуваше пред почетокот на сезоната. Ќе потсетиме дека и претходно додека беше Хјустон Харден беше тој кој бараше трејд во Бруклин.

Продолжува очајната сезона на Лос Анџелес Лејкерс. По пчерашната катастрофа против Милвоки Бакс, тимот од ЛА вечерва загуби и на гостувањето кај Портланд Трејлблејзерс со 105-107. Анферни Симонс со 29 поени беше убедливо најдобар поединец во таборот на победникот, додека кај поразените не беа доволни ниту 30 поени на Леброн Џејмс, надополнети со по седум скокови и асистенции.

Голден Стејт беа поразени од Јута со 111:85 и така заврши нивната серија од девет победи по ред. Бојан Богдановиќ постигна 23 поени. Во редовите на Вориорси најефикасен беше Џордан Пул со 18 поени. Треба да се спомене дека Голден Стејт беа без Грин и Томпсон. Кари не беше на своето препознатливо ниво и постигна само 16 поени.

Кошаркарите на Голден Стејт Вориорс ноќта зад нас го совладаа Оклахома Сити Тандер со 110:98.

Што се однесува до играта, видовме дека Стеф Кари и Клеј Томпс (популарните Сплеш Брадерс) одиграа како порано и ги носеа Голден Стејт Вориорс до нивната деветта последователна победа.

Оклахома Сити Тандер загуби со 110:98 во својот „Пејком центар“, а Клеј беше најефикасен со 21 поен.

Го следеше Стеф Кари со дабл-дабл учинок од 18 поени, 10 асистенции и 9 скока, 16 поени постигна Џонатан Каминг, 15 Ендрју Вигинс, а 11 Џордан Пул со 8 скока и асистенции.

Во редовите на Тандер се истакна Лугенц Дорт со 26 поени, Бејсли имаше 20, а дабл-дабл учинок од 16 поени и 11 скока забележа Џош Гиди, додека двоен беше Вилијамс со 12 и Мен со 11 поени.

Легендата на Далас Маверикс и германската кошарка Дирк Новицки откри вознемирувачки детали за неговото здравје. Шампионот на НБА од 2011 година во интервју со фудбалската ѕвезда Тони Крос изјави дека има денови кога не може да се движи поради болки во стапалото. Како што е познато, Новицки е еден од играчите со најмногу сезони поминати во НБА – 21 година помеѓу 1998 и 2019 година.

„Враќајќи се назад, се прашувам дали требаше да ги одиграм моите последни две сезони во НБА. Можеби ако не ги одиграв, мојата нога немаше да ми прави такви проблеми сега. Ќе можам да шутнам топка со децата, што е невозможно во моментов. Моето стапало е во лоша состојба. Има денови кога не можам доволно да се движам поради болки. Не знам дали моите последни две години вредеа затоа што не постигнавме што било како тим. Ме тера да размислувам одвреме-навреме“, изјави Германецот.

Во последните две сезони, на кои Новицки се фокусираше во своето интервју, тимот не постигна никаков успех, па дури и не успеа да се пласира во плеј-офот. Во 2017/18 година тимот заврши со биланс од 24 победи и 58 порази, што пак му овозможи на тимот да ја добие сензацијата Лука Дончиќ од драфтот, а во 2018/19 година Маверикс заврши со скор од 33 победи и 49 порази.