Тренерот на шампионот во Евролигата, Анадолу Ефес – Ергин Атаман изјави дека чувството е одлично да се освои титулата двапати на најпрестижниот европски клупски турнир.

„Тоа може да се случи. Многу сум горд што на овој начин ги претставувам турскиот спорт, турските тренери и турскиот народ. Сигурен сум дека во иднина другите ќе ги надминат овие успеси“, коментираше Атаман по финалето во Евролигата.

Турски Анадолу Ефес го победи шпанскиот Реал Мадрид со 58:57 во главниот град на Србија, Белград, со што ја одбрани титулата минатата сезона.

Запрашан дали веќе размислува за трет последователен триумф во турнирот, Атаман одговори: „Сега мојата самодоверба е насочена кон репрезентацијата на Турција. Кој знае? Имам уште една година од мојот договор. Но, навистина не знам дали следната сезона ќе бидам во Анадолу Ефес. Може да ми се јават од НБА“, со насмевка додаде Ергин Атаман.

Откако репрезентацијата на Русија и официјално е исфрлена од настапот на Европското првенство во кошарка закажано за септември 2022, објавено е која селекција ќе биде нејзина замена.

Иако и Македонија се надеваше дека ќе го заземе местото на Русија, ФИБА одлучи дека Црна Гора е репрезентацијата која ќе настапува место Русија.

Црногорците ја добија поканата бидејќи имаат најдобар скор во квалификациите од репрезентациите кои не се пласирале на шампионатот. Тие остварија три победи и три порази со што си обезбедија вајлд-карта.

НБА лигата ги избра првиот и вториот тим на најдобри дебитанти за сезоната.

Во првиот тим се Скоти Барнс (Торонто), Кејд Канингем (Детроит), Еван Мобли (Кливленд), Франц Вагнер (Орландо) и Џејлен Грин (Хјустон).

Во вториот тим се: Херберт Џонс (Њу Орлеанс), Џош Гиди (Оклахома Сити), Боунс Хајленд (Денвер), Ајо Досунму (Чикаго) и Крис Дуарте (Оклахома Сити).

За првиот тим едногласно беа избрани бекот на Торонто Репторс, Барнс, бекот на Детроит Пистонс, Канингем и крилото на Кливленд Кавалирс, Мобли.

Сите тројца играчи добија гласови за првиот тим на НБА на сите 100 гласачки ливчиња на глобалниот панел на спортски новинари и коментатори (по 200 поени).

Тренерот на Олимпијакос, Јоргос Барцокас, е прогласен за најдобар тренер во Евролигата за оваа сезона.

Барцокас успеа да го однесе тимот на Олимпијакос на завршниот Ф4 турнир во Белград, иако екипата од Грција не спаѓаше во кругот на фаворитите за завршницата.

„Ова е емотивен момент за мене и голема чест. Му благодарам на Олимпијакос, на моите соработници и на играчите што ми помогнаа да ја освојам оваа награда. Честа е поголема затоа што наградата ми ја доделија моите колеги“, истакна Барцокас.

Кошаркарскиот клуб ЦСКА од Москва, од идната сезона би можел повторно да настапува во Евролигата, но своите натпревари како домаќин да ги игра во Белград.

Според информациите, рускиот клуб поднел барање до Евролигата, да остане член на Евролигата, и предлогот да биде разгледан на Фајнал Фор турнирот кој викендов се одржува во Белград.

Руските екипи беа исфрлени од Евролигата, поради почетокот на војната во Украина, а покрај ЦСКА, забрана за настап добија и екипите на Зенит и Уникс.

Далас Маверикс во седмиот натпревар од полуфиналната серија на Западната конференција во НБА лигата, го победија тимот на Феникс Санс со 123:90. Лидер во победата на Далас беше Лука Дончиќ.

Словенецот успеа да забележи 35 поени, десет скока и четири асистенции. Далас Маверикс во финалето на конференцијата ќе се сретнат со екипата на Голден Стејт. Ова е прво финале за Маверикс од 2011 година, кога предводени од Дирк Новицки ја освоија титулата.

Кајри Ирвинг најверојатно ќе остане без тим на крајот на сезоната, но и без спонзор. Компанијата „Најк“ реши да не ја продолжи соработката со него за сезоната 2022/23, иако новиот модел на патики на Ирвинг требаше да излезат оваа есен.

Ирвинг соработуваше со компанијата од 2014 година, а се шпекулира дека неговиот договор и понуда ќе бидат ревидирани.

Кошаркарот често беше во центар на внимание на погрешен начин, откако не се вакцинираше и не можеше да игра на домашен терен за Бруклин.

Ирвинг исто така јавно ја критикуваше компанијата „Најк“ затоа што не му се допадна моделот „Кајри 8“.

Кошаркарите на Виртус од Болоња се победници на Еврокупот за сезоната 2021/2022.

Играчите на тренерот Скариоло, во финалниот натпревар го победија овогодинешното пријатно изненадување во натпреварувањето, турската Бурса со резултат 80:67. 

На тој начин Виртус обезбеди учество во Евролигата во следната сезона. Најкорисен играч во финалето беше прогласен Србинот Милош Теодосиќ кој успеа да постигне 21 поен.

Кошаркарот Никола Јокиќ, и втора година по ред е прогласен за најдобар играч на регуларниот дел од НБА лигата, а челните луѓе од клубот Денвер пријатно го изненадија играчот. 

Тие пристигнаја во Сомбор, родниот град на Јокиќ, и лично му го врачија трофејот покрај шталата каде Јокиќ ги чува своите коњи. Српскиот играч со неверување и солзи во очите ја прими наградата.

Кошаркарскиот клуб Анадолу Ефес, се пласира на завршниот Фајнал-фор турнир од Евролигата кој ќе се одржи во Белград.

Ефес во четвртфиналната серија го елиминира Армани Милано со вкупен резултат од 3:1. Последниот натпревар заврши со победа од 75:70 за турскиот тим.