Војната во Украина има и големо влијание врз спортот, голем број спортисти беа принудени да ја напуштат Русија, меѓу нив беше и кошаркарот Габирел Ифе Лундберг.

Лундберг ја напушти Москва поради санкциите кон руските клубови, а сега кариерата ја продолжи не било каде туку во НБА. Негов нов клуб ќе биде Феникс со кој потпиша договор до крајот на сезоната.

Во Евролигата Лундберг постигнуваше во просек во 9.1 поени по натпревар. Оштетата за да го напушти тимот од Москва ја плати самиот тој.

Кошаркарот од Грузија, Торнике Шенгелија, е нов играч на Виртус од Болоња. Тој се одлучи на овој трансфер откако ја напушти екипата на ЦСКА Москва поради воениот напад над Украина. 

Искусниот Шенгелија со сигурност ќе му помогне на екипата од Италија како во домашното првенство така и во кошаркарскиот Евро Куп.

Грузиецот има богата кошаркарска кариера со искуство од играње во европски екипи како и настапи за тимови од НБА лигата.

Центарот на Денвер Нагетс, Никола Јокиќ, забележа 46 поени, 12 скока, 11 асистенции, 3 украдени топки и 4 блокади на синоќешниот меч против Њу Орлеанс и стана само вториот играч во историјата на НБА, по Вилт Чембрлен, кој забележал трипл-дабл од 45 поени со 70% шут од поле (16 од 22 од поле).

Во четвртата четвртина и продолжението Јокиќ постигна вкупно 30 поени. По 64 натпревари, Денвер е шести во западната конференција со 38 победи и 26 порази, а Јокиќ и оваа година е главен претендент за признанието МВП на сеозната.

Центарот ДеАндре Џордан кој пред само неколку дена го заврши престојот во ЛА Лејкерс, ќе ја продолжи својата кариера во Филаделфија, објави инсајдерот на Атлетик, Шамс Шаранија.

Џордан за тимот од Лос Анџелес одигра 32 натпревари, со просек од 4,1 поен и 5,4 скока за 12,8 минути.

Тој веројатно ќе биде регистриран на местото на центарот Вили Коли-Стајн, кој играше за 76-те со десетдневен договор.

Никола Јокиќ е на прагот да потпише супермаксимален, петгодишен договор со Денвер Нагетс, според кој треба да заработи 241 милион долари!

Оваа информација ја пренесе агентот на српскиот кошаркар, Мишко Ражнатовиќ во интервју за подкастот „Урбонас“, чиј водител е познатиот кошаркарски новинар Донарас Урбонас.

„Според нашите очекувања, договорот треба да биде потпишан на лето. Тој го заслужува максимумот“, изјави Ражнатовиќ гостувајќи во подкаст со новинар од Литванија.

Она што дополнително привлекува внимание е коментарот на Боби Маркс, специјалист за финансии во НБА лигата. Тој истакна дека договорот на Никола ќе биде најголемиот во историјата на лигата, бидејќи досегашниот рекорд го држи Јанис Адетокумбо.

Белград ќе биде домаќин на завршниот турнир на кошаркарската Евролига за 2022 година.Турнирот требаше да се одржи во германскиот Берлин, но наместо тоа беше преместен во главниот град на Србија. Дополнително се изврши и промена на датумите на одигрување. Полуфиналните натпревари ќе се играат на 19. мај, а натпреварот за третото место и финалето се закажани за 21 мај.

Раководството на Евролигата се согласи да го премести турнирот од Берлин поради анти ковид мерките и здравствените правила кои се на сила во главниот град на Германија. Овој потег ќе им овозможи на повеќе навивачи да ги следат натпреварите во живо.

Белград беше домаќин на фајнал фор турнирот и во 2018 година, кога победник беше екипата на Реал Мадрид.

Играчот на Барселона, Ник Калатес, официјално е најдобриот асистент во историјата на кошаркарската Евролигата.

Калатес во победата на неговата Барселона над Монако, забележа шест асистенции  и сега има вкупно 1612 со што го надмина својот сонародник Василис Спанулис кој во евролигашката кариера успеа да оствари 1606 асистенции.

Грчкиот кошаркар после средбата ијави дека е благодарен на своите тренери и соиграчи, без кои немаше да го постигне овој историски резултат.

Извршниот комитет на кошаркарската Евролига на вонреден состанок одлучи да ги исклучи руските тимови. Одлуката е поврзана со војната што Русија ја започна против Украина.

Од учество во Евролигата исклучени се екипите на ЦСКА Москва, УНИКС Казан и Зенит Санкт Петерсбург.

 Екипата на Локомотив Кубан од Краснодар е исклучена од учество во Еврокупот.

Од извршниот комитет на лигата информираат дека ќе продолжат да ја следат ситуацијата и најверојатно ќе ги поништат резултатите од натпреварите во кои учествуваа руските тимови.

Откако пред неколку дена ја раскинаа соработката со тренерот Дарко Радуловиќ, од екипата на МЗТ СКопје Аеродром денес го објавија името на новиот тренер кој ќе го предводи тимот во наредниот период.

„Еден од најпрепознатливите тренери поврзани со МЗТ Скопје Аеродром во првата деценија од 21. век, Александар Петровиќ, се враќа на клупата на нашиот клуб, откако од денеска и официјално е нов предводник на плаво-белата чета.

Тој доаѓа на местото на Дарко Радуловиќ, со кого беше прекината соработката по неуспехот во финалето од Купот на Македонија пред една недела. За Петровиќ ова ќе биде трето преземање на нашиот клуб, со оглед што претходно седеше на клупата на актуелниот шампион во периодот помеѓу 2001 и 2007 односно 2009 и 2011 година. Има работено уште и во Пелистер, Карпош Соколи и Куманово, а во „Јане Сандански“ се враќа од местото шеф на стручниот штаб на Академија ФМП, каде што работеше изминативе две сезони.

Петровиќ е и поранешен селектор на јуниорската репрезентација на Македонија и секако еден од тие кои беа со МЗТ Скопје во најтешкиот период на клубот, а без кои немаше да следува ниту деценијата со осум освоени титули (една сезона немаше шампион)“ се вели во информацијата објавена на веб-страната на МЗТ Скопје Аеродром.

Една од првите ѕвезди на ЛА Лејкерс, Ентони Дејвис, најверојатно ќе пропушти уште 4-5 недели поради истегнувањето на десниот зглоб.

По петочниот пораз од ЛА Клиперс, Лејкерси имаат скор од 27 победи и  32 порази и се најдоа на 9-тото место во Западната конференција.

Дејвис се повреди во првото полувреме на мечот со Јута минатата среда.