Американските медиуми пренесуваат дека кошаркарот на Лос Анџелес Лејкерс, Ентони Дејвис, ќе мора да паузира четири недели поради повреда на лигаментот од левото колено.

Центарот на Лејкерс, повредата ја заработи при поразот од екипата на Минесота Тимбервулвс кога поради болки во коленото предвреме го напушти натпреварот. 

После деталниот преглед кај 28-годишниот Дејвис е откриено истегнување на лигаментот поради што е потребно мирување.

Ентони Дејвис во текот на сезонава во просек остваруваше 23,3 коша и 9,9 скокови. Тој од вкупно 30, пропушти настап на само 3 натпревари.

Играчот на Бруклин Нетс, Кевин Дурант, ја доби наградата за најдобар кошаркар во репрезентацијата на Соединетите Американски Држави. 

Дурант оваа престижна награда ја добива по трет пат во својата кариера, во 2010 година самостојно а во 2016 заедно со Кармело Ентони.

Кевин Дурант беше предводник и најкорисен играч во американскиот Дрим тим при освојувањето на златото на Олимписките игри во Токио. Тој во просек забележа 20,7 поени, 5,3 скокови и 3,7 асистенции.

„Ова огромно достигнување за мене. Ми беше чест да ја претставувам мојата земја пред најдобрите светски спортисти. Многу големи играчи настапувале за националниот тим низ историјата, а јас сум на самиот врв со нив, што е голема чест за мене.Благодарен сум што ја добив оваа награда“, изјави Дурант.

Стив Кер кој е главен тренер на НБА тимот Голден Стејт Вориорс, ќе биде наследник на Грег Поповиќ на селекторското место на кошаркарската репрезентација на САД.

Кер кој досега беше дел од стручниот штаб на легендарниот Поповиќ, ќе ја предводи репрезентацијата на Светското првенство во 2023 и Олимпијадата во Париз 2024 година.

Стив Кер е трикратен НБА шампион со тимот на Голден Стејт.

Со освоени 197.4 поени, машката сениорска репрезентација на Македонија е рангирана на 29. место на европската рејтинг листа на ФИБА. А во исто време, нашиот најдобар тим е поставен на 52. позиција во вкупниот светски поредок на Светската кошаркарска фeдерација.

Тоа значи дена „црвено-жолтите“ направија еден чекор понапред во вкупниот рејтинг кој го креира ФИБА во тековната календарска 2021 година.

Новата година нашите противници во „Г“ квалификациската група за Светскиот Куп 2023 ја дочекуваат на доста повисоки позиции. Во овој момент, селекцијата на грузија, со која ќе се соочиме во оној февруарски „прозорец“ на ФИБА, е на 38. место во светот, а на 19. место кога се класифицираат европските национални тимови во машка конкуренција.

Селекцијата на Украина е на 32. место во светот на кошарката , а на 16. во европската зона на ФИБА, додека пак Шпанија е веднаш зад неприкосновените Американци.

„Црвената фурија“ има 724.1 поени, и после двете победи во нашата квалификаиска група, заостанува уште помалку во однос на водечкиот САД кој 2021 година ја затвора со 763.3 освоени ппени во поредокот.

Кошаркарот Кајри Ирвинг е категоричен дека нема да се вакцинира против коронавирусот и се чини дека ќе мора да го напушти Бруклин Нетс доколку сака да игра кошарка.

Впрочем, во последните неколку часа се појавија информации кои велат дека Нетс се заинтересирани да прифатат евентуална добра понуда, а интерес постои. Наводно го покажале Филаделфија и Њу Орлеанс.

Според инсајдерот Шамс Чаранија, ниту Ирвинг не е подготвен да го промени своето мислење за вакцинацијата, ниту пак Нетси планираат да го променат ставот и да го држат надвор од тимот.

„Кајри Ирвинг не е блиску да се вакцинира и нема да игра кошарка доколку не биде трејдуван, освен ако Нетси не дојдат и не кажат дека може да игра на гости и само да тренира на домашен терен. Но, тоа нема да се случи. Доколку не се вакцинира, Ирвинг повеќе нема да игра за Нетси“, изјави Чаранија.

Ќе видиме дали е можно да се случи помасовен трејд. Се споменува дека Ирвинг би можел да оди во Филаделфија (град кој не бара задолжителна вакцинација), така што во целата приказна Зион Вилијамсон би завршил во Бруклин, а Бен Симонс во редовите на Пеликанс.

Шпанскиот кошаркар Марк Гасол по 13 години поминати во НБА лигата, се врати во родната земја и ќе настапува за тимот на Гирона кој е член на втората шпанска лига.

36-годишниот Марк беше дел од американската НБА лига од 2008 година каде играше за екипите на Мемфис, Торонто и ЛА Лејкерс.

Џоел Ембид, кој беше заразен со ковид-19, најверојатно ќе се врати на теренот в сабота на мечот со Минесота во рамките на новата рудна во НБА лигата, пренесува „Атлетик“.

Центарот кој во изминатата сезона заврши на второто место во анкетата за најкорисен играч во Националната кошаркарска асоцијација, сега се чувствува добро. Тој е вакциниран и ќе може да се врати во игра доколку успее да даде два негативни ПЦР теста во рок од 24 часа.

Во тековнава сезона, четирикратниот учесник во „Мечот на ѕвездите“ има во просек на натпревар: 21,4 поени, 9,4 скока и 4,0 асистенции. Ембид последен пат играше на 6 ноември.

Од НБА лигата ги соопштија казните за инцидентот кој се случи на натпреварот помеѓу екипите на Детроит Пистонс и Лос Анџелес Лејкерс.

Играчот на ЛА Лејкерс, Леброн Џејмс, кој со намерен удар го раскрвари лицето на противничкиот играч Ајзеа Стјуарт, заработи суспензија од еден натпревар и тој нема да настапи на дуелот со Њујорк Никс.

Центарот на Детроит, Ајзеа Стјуарт, кој после фаулот над него проба физички да се пресмета со Џејмс и да предизвика тепачка, доби забрана за настап на два натпревари.

Екипата на Лос Анџелес Лејкерс го совлада тимот на Детроит Пистонс со 121:116 и ја прекина серијата од три порази по ред во НБА лигата. На натпреварот за малку беше избегнат голем инцидент откако во третата четвртина најдобриот играч на Лејкерс, Леброн Џејмс, при еден скок под обрачот, со лакт го раскрвави лицето на противничкиот играч Ајзеа Стјуарт.

По фаулот на Џејмс, Стјуарт се обиде физички да се пресмета со него но беше спречен од голем број соиграчи и обезбедувањето на паркетот. По ова двајцата играчи заработија исклучување од натпреварот.

Селекторот на машка сениорска кошаркарска репрезентација, Драган Бајиќ, го скрати списокот на кошаркари на кои ќе смета за ноемврискиот ФИБА „прозорец“ од квалификациите за Светскиот Куп во 2023 година.

Пред првиот натпревар од квалификациите закажан за 26. ноември во Скопје, кога ја пречекуваме репрезентацијата на Шпанија, селекторот Бајиќ се определи за список од 15 кошаркари.

Првиот собир на нашиот сениорски национален тима е предвиден да биде вечерва, во хотелот „Double tree by Hilton“ во Скопје.

СПИСОК НА ИГРАЧИ НА РЕПРЕЗЕНТАЦИЈА НА МАКЕДОНИЈА

Бојан Крстевски силно крило 206 1989 МЗТ Скопје Аеродром

Кристијан Николов бек 187 1996 МЗТ Скопје Аеродром

Дамјан Робев бек-шутер 193 1997 МЗТ Скопје Аеродром

Адем Мекиќ бек-крило 195 1995 МЗТ Скопје Аеродром

Дамјан Стојановски бек-шутер 198 1987 МЗТ Скопје Аеродром

Бобан Стајиќ бек 185 1993 Пелистер

Стојан Ѓуроски крило 202 1991 Пелистер

Љубомир Младеновски силно крило 207 1995 Пелистер

Виктор Ефремовски бек-шутер 194 1998 Гостивар

Андреј Маслинко крило 208 1997 ТФТ

Кирил Николовски силно крило 210 1988 Кожув

Лејсон Зекири крило 203 2001 Приштина-Косово

Андреј Магдевски бек 192 1996 АСУ Плоешти-Романија

Теодор Симиќ центар 216 2004 Барселона-Шпанија

Џејкоб Вајли силно крило 203 1994 Будуќност-Црна Гора