Големо засилување за МЗТ Скопје – потпишаа со Војдан Стојановски!

Војдан Стојановски во МЗТ Скопје ќе настапува заедно со неговиот брат Дамјан и во клубот очекуваат да биде еден од клучните играчи во одбраната на титулата во домашното првенство, но промоција во јадранската лига преку АБА2 лигата.

За Војдан Стојановски ова ќе биде враќање во македонската клупска кошарка по повеќе од една деценија, со оглед што интернационалната авантура ја почна во 2011 година, кога замина за Украина.

Од тогашниот настап за Черкасеи мавпи, македонскиот репрезентацивец настапуваше за Доњецк, Алба Берлин, Андора, Реал Бетис, Бујукчекмече, Олденбург, По Ортез и Гравелин. Кариерата ја почна во Вардар, а има играно уште и за АМА-СП, Напредак Крушевац и за Фени Индустри.

Договорот на Војдан е до крајот на сезоната, со можност за евентуално понатамошно продолжување на соработката ако двете страни најдат заеднички јазик по одигрувањето на последниот меч.

МЗТ Скопје Аеродром поднел официјална пријава за организација на завршниот турнир од АБА2.

„Станува збор за добивање можност да се биде домаќин на најдобрите осум екипи од ова натпреварување, што и тоа како би било добро за нашите кошаркари, кои на патот кон АБА-елитата би ја имале поддршката од трибините. Според нашите информации, предводниците на регионалното натпреварување се уште ги прибираат понудите за овој настан, за кој, неофицијално, интерес досега пројавиле и два босански града, Сараево и Бања Лука“, соопштија од клубот.

Фајналејт-турнирот од АБА2 начелно е планиран за месец април, кога екипите, засега според неофицијални информации, би играле според класичен куп-систем односно само по еден натпревар, наместо по два како што беше лани, по кои решаваше вкупниот кош-количник.

По повод две годишнината од трагичната хеликоптерска несреќа во која животот го загуби легендарниот кошаркар Коби Брајант и неговата ќерка Џиана, на местото каде се случи трагедијата,во нивна чест беше откриена статуа. Споменикот се наоѓа на периферијата од Лос Анџелес.

Кошаркарот Никола Јокиќ, продолжува со своите одлични партии за тимот на Денвер Нагетс кој го совлада Детроит Пистонс со резултат 110:105.

Актуелниот МВП на лигата, на овој натпревар успеа да постигне 28 поени, 21 скока и 9 асистенции со што влезе во историјата на НБА.

Имено, Србинот Јокиќ стана првиот играч кој успеа да забележи најмалку 5 илјади поени и 3 илјади скокови на помалку од 500 НБА натпревари.

Јокиќ овој скор го запиша  на вкупно 494 натпревари.

Хрватската кошаркарска федерација го назначи денеска Дамир Мулаомеровиќ за нов селектор на националниот тим, на местото на Вељко Мршиќ со кого изминатиот викенд спогодбено ја раскина соработката.

Новиот селектор Мулаомеровиќ е поранешен хрватски репрезентативец и поранешен селектор на селекциите на Босна и Херцеговина и на Косово.

Мулаомеровиќ во февруари 2022 година беше избран за помошник селектор и тесно соработуваше со својот претходник Мршиќ во стручниот штаб на хрватската репрезентација.

Во својата долга кошаркарска кариера, Мулаомеровиќ има една титула во Евролигата, која ја освои во сезоната 2001/02 со атински Панатинаикос.

Кошаркарот на Детроит Џерaми Грeнт им е интересен на челниците на Лос Анџелес Лејкерс. Според доверливиот Марк Стајн, тие дури подготвиле понуда која Пистонс ќе ја испратат.

„Езерџиите“ би ги испратиле Тејлон Хортон-Такер, Кендрик Нан и пик од првата рунда на драфтот во 2027 година во замена за Грент.

Тој е барана „роба“ во НБА во последните неколку недели, што не е изненадувачки со оглед на игрите што ги пружа откако пристигна во Детроит, дури и оваа сезона.

Крилниот центар има просек од 20,1 поени и 4,8 скока за 33 минути по натпревар.

Кога станува збор за оние кои би тргнале во спротивна насока, Кендрик Нан се уште не дебитирал поради повреда на коленото, додека Хортон-Такер е редовно во трејд приказните.

Неодамна американскиот новинар на „Атлетик“, Џон Холингер, ја анализираше ситуацијата на Тален Хортон-Такер и истакна дека постои шанса тој да биде разменет за Богдан Богдановиќ во Атланта и дека тоа би бил одличен потег во кој сите би профитирале.

Најдобриот кошаркар на Лос Анџелес Лејкерс, Леброн Џејмс е лидер по добиени гласови од фановите за учество на претстојниот Ол-стар меч организиран од НБА лигата.

17-кратниот учесник на овие натпревари,Џејмс досега собра 6,8 милиони гласови, а Стеф Кари од Голден Стејт Вориорс е втор со нешто повеќе од 6 милиони гласа.

Третата позиција според фановите ја има членот на Денвер Нагетс, Никола Јокиќ со 4,1 милиони гласови.

Ол-стар натпреварот треба да се одржи на 20 февруари во Кливленд, каде Леброн Џејмс 11 сезони играше за екипата на Кавалирс.  

Ѕвездата на Голден Стејт, Стивен Кари во победа против Јута (123-116), постигна 28 поени со 9 асистенции и направи уште еден НБА рекорд.

Имено, најдобриот „тројкаш“ во историјата на лигата, успеа да дојде до неверојатна серија од 158 натпревари на кои успеал да постигне по најмалку една тројка. Ова е нов рекорд во историјата на лигата.

Стивен го собори сопствениот рекорд кој беше поставен на 1 декември 2018 година.

Завршниот турнир во Евролигата оваа сезона најверојатно ќе се игра во Белград. Иако главниот град на Србија ја истакна својата кандидатура за домаќин на „фајнал-фор“ следната сезона, како „бомба“ одекна веста дека тоа може да се случи порано од очекуваното. Наводно, сите детали се договорени и Белград треба да биде домаќин на вистински кошаркарски спектакл. 

Заменик градоначалникот Горан Весиќ пред неколку недели најави дека Белград ќе се кандидира за организација на завршниот турнир во Евролигата, а се веруваше дека тоа ќе биде следната година, бидејќи овогодинешниот турнир му беше доделен на Берлин. Весиќ минатата недела преговарал со Евролигата и му понудил на Белград да го замени Берлин, бидејќи поради епидемиолошките мерки во германската престолнина немало да биде можно присуство на публика. 

Од друга страна, Белград им даде гаранции на челниците на Евролигата дека навивачите ќе можат да присуствуваат на турнирот во „Штарк Арена“, но само со валидна потврда за вакцинација. Тоа беше доволно челниците на Евролигата практично да ја донесат одлуката завршниот турнир од Евролигата да се пресели во главниот град на Србија. Останаа само детали за да се официјализира рокадата на домаќинство.

Ѕвездата на Бруклин Нетс, Џејмс Харден има опција да ја промени средината на крајот од оваа сезона.

Американецот има опција во договорот да стане слободен играч или да земе 47 милиони долари на основа на продолжување следната година.

Останува прашањето што ќе избере поранешниот МВП на НБА, а сега се шпекулира дека се уште не одлучил.

Можно е Харден да ја смени франшизата, која би била негова четврта, откако пред Бруклин играше за Хјустон Рокетс и Оклахома Сити Тандер.