По утринскиот тренинг, во поголема мерка шутерски, селекторот на нашиот сениорски национален состав, Александар Тодоров ги пополни оние 12. места кои ќе влезат во официјалниот записник за средбата со Италија. Тодоров имаше неколку дилеми, кои ги тргна непосредно по одработените 45. минути. Се одлучи на средбата со Италија која стартува од 15.30 часот (по македонско време), да им укаже доверба на следниве играчи:
Дамјан Робев, Андреј Митревски, Бојан Крстевски, Дамјан Стојановски, Кристијан Николов, Андреј Магдевски, Бојан Трајковски, Теодор Симиќ, Џејкоб Вајли, Војдан Стојановски, Ненад Димитријевиќ и Стојан Ѓуроски.
„По точно една недела од првиот собир, од денеска ја почнуваме серијата од четири натпревари во период од пет дена. За нас ова е прв натпревар по пауза од точно една година. Се надевам дека ќе покажеме дека можеме да се ‘носиме’ со најсилните европски репрезентации како што беше случај минатиот февруари против Русија. Но во исто време и да потврдиме дека мечот со Естонија на домашен терен беше само лош ден“ – вели Тодоров пред почетокот на „балонот“ во Перм.

Селекторот на нашата машка сениорска репрезентација Александар Тодоров, го определи списокот на 15 играчи кои ќе патуваат за Перм, каде во периодот од 18 до 22 февруари не чекаат четири квалификациски натпревари за Европското првенство во 2022 година. По неколкуте одработени тренинзи во Скопје, и второто ПЦР тестирање од Ковид-19 кое беше реализирано пред саботниот тренинг во малата сала на СЦ „Јане Сандански“, шанса добија вкупно 13 кошаркари на кои во текот на утрешниот ден, пред тргнувањето за Перм ќе им се приклучат уште и Ненад Димитријевиќ и Стојан Ѓуроски.
Собирот на нашата експедиција е предвиден за утре изутрина во осум часот пред Спортскиот центар „Јане Сандански“, додека летот кон Перм е закажан за два часа подоцна.
КОНЕЧЕН СПИСОК НА ПАТНИЦИ ЗА ПЕРМ
Дамјан Робев
Андреј Митревски
Бојан Крстевски
Дамјан Стојановски
Кристијан Николов
Андреј Магдевски
Бојан Трајковски
Теодор Симиќ
Виктор Ефремовски
Филип Бакоч
Џејкоб Вајли
Војдан Стојановски
Лука Савиќевиќ
Ненад Димитријевиќ
Стојан Ѓуроски

Далас Маверикс синоќа го победија Њу Орлеанс со 143:130 со фантастичен настап на Лука Дончиќ.
Неверојатниот словенечки кошаркар за 40 минути на паркетот постигна 46 поени, што му е најдобар учинок во кариерата. Дончиќ имаше шут од игра 17/30, погоди пет од осум тројки, а слободни фрлања погодуваше 7/9. Покрај тоа, Дончиќ запиша и 12 асистенции, а за трипл-дабл му недостасуваа два скока.
Неговиот досегашен рекорд беше 42 поени, колку што имаше постигнато на три натпревари, а еден од тие беше минатата недела против Голден Стејт. Ова за него беше 13. натпревар по ред сезонава во кој постигна повеќе од 25 поени, што е рекорд на клубот.
Одличен беше и неговиот соиграч Кристапс Порзингис, кој додаде 36 поени. Латвискиот центар висок 221 сантиметар погоди осум тројки, вклучувајќи и една од осум метри. Додаде седум скокови и една асистенција, а и за него ова беше најдобар натпревар откако е дојден во НБА лигата.
Дончиќ и Порзингис заедно постигнаа дури 82 поени, а на Њу Орлеанс не му помогна ниту одличниот Вилијамсон кој постигна 36.

Селекторот на нашата машка сениорска репрезентација, Александар Тодоров пред стартот на февруарскиот ФИБА “прозорец“ и завршниот турнир од квалификациите за Евробаскетот 2022 ги сподели своите очекувања за она што нашиот национален тим го чека во Перм. Четири квалификациски натпревари во пет дена во кои ќе падне одлуката кои три селекции од групата Б ќе бидат учесници на Евробаскетот.
На распоред е третиот и последен дел од квалификациите, и најтешкиот, ако се земе в предвид дека нè чекаат четири натпревари на турнирот во Перм?
„Дефинитивно најтежок, бидејќи четири натпревари во пет дена се навистина огромен напор за било кој спортист, не само за еден кошаркар. Но тоа е што е, ФИБА така проценила, наше е да се подготвиме и да направиме не само тактика, туку и стратегија како да настапиме на овие четири средби во Перм“.
Како за така кратко време да се подготви тимот за напорите кои ги носи турнирскиот систем на натпревари?
„Специјална физичка подготовка на тимот во период од седум дена колку што имаме до првиот натпревар, од кои само последните два тренинзи ќе сме комплетни, е невозможна. Она на кое можеме ние, како стручен штаб да влијаеме, е процесот на ‘рекуперација’, каде имам огромна доверба во знаењата на нашиот медицински штаб и на кондициониот тренер Ерен Ханѓун. Како и она што го истакнав, да подготвиме соодветна стратегија како да настапиме на овие средби“.
Првиот натпревар во Перм, Македонија го игра в недела од 15:00 часот против Италија.

Минесота не ја започна својата НБА сезона баш најдобро, имаат скор од 6-18, а прашање е каква ќе биде атмосферата по официјалната одлука на судот во Минесота, бидејќи Малик Бизли е осуден на 120 дена затвор! Бизли беше уапсен во октомври под обвинение за насилство. НБА играчот извадил оружје на фамилија која се приближувала кон неговиот дом за време на прослава. По апсењето, во куќата е пронајден околу еден килограм марихуана. Кошаркарот ја призна вината за обвинението за насилство, додека обвинението за дрога беше отфрлено. Малик ќе ги отслужи своите 120 дена затвор по крајот на сезоната. Поранешниот играч на Денвер има одлична сезона на индивидуален план, просечно бележи 20,5 поени, 5,2 скокови и 2,5 асистенции по натпревар.

Селекторот на нашите најдобри кошаркари, Александар Тодоров, го скрати првичниот список и одреди 17 кошаркари кои во наредниот период ќе се подготвуваат за квалификацискиот „балон“ во Перм. Конечната листа на патници за собирот во Русија ќе биде затворена непосредно пред заминувањето на 15 февруари во раните утрински часови со специјален чартер-лет кој го обезбеди федерацијата.

Еве го списокот на репрезентативците кои до 14 февруари ќе работат под диригентската палка на Тодоров.
Андреј Магдевски (МЗТ Скопје Аеродром)
Кристијан Николов (МЗТ Скопје Аеродром)
Дамјан Стојановски (МЗТ Скопје Аеродром)
Бојан Крстевски (МЗТ Скопје Аеродром)
Филип Бакоч (МЗТ Скопје Аеродром)
Лука Савиќевиќ (МЗТ Скопје Уни Банка)
Марко Симоновски (Кожув)
Aндреј Митревски (ТФТ)
Љубомир Младеновски (Работнички)
Виктор Ефремовски (Работнички)
Дамјан Робев (Куманово 2009)
Бојан Трајковски (Пелистер)
Војдан Стојановски (Гравелин-Данкерк – Франција)
Теодор Симиќ (Барселона-Шпанија)
Џејкоб Вајли (Гран Канарија-Шпанија)
Ненад Димитријeвиќ (Хувентуд-Шпанија)
Стојан Ѓуроски (ХЛА Аликанте-Шпанија)

Нашите најдобри кошаркари од 18 до 22 февруари треба да се појават на квалификацискиот турнир во Перм за место на Европското првенство во 2022 година.
Селекторот Александар Тодоров, првично го објави поширокиот список од 24 кошаркари кои ќе бидат ангажирани во текот на подготовките. Задолжителното тестирање за ковид-19 ќе биде на 8 и 9 февруари во Скопје.
На списокот се запишани:
Андреј Магдевски (МЗТ Скопје Аеродром)
Кристијан Николов (МЗТ Скопје Аеродром)
Дамјан Стојановски (МЗТ Скопје Аеродром)
Бојан Крстевски (МЗТ Скопје Аеродром)
Филип Бакоч (МЗТ Скопје Аеродром)
Лука Савичевиќ (МЗТ Скопје Уни Банка)
Леонид Тодоровски (МЗТ Скопје Уни Банка)
Андреј Митревски (ТФТ)
Виктор Ефремовски (Работнички)
Марјан Младеновиќ (Работнички)
Љубомир Младеновски (Работнички)
Дамјан Робев (Куманово 2009)
Горјан Марковски (Куманово 2009)
Бојан Трајковски (Пелистер)
Бобан Стајиќ (Пелистер)
Марко Симоновски (Кожув)
Војдан Стојановски (Гравелин-Франција)
Теодор Симиќ (Барселона-Шпанија)
Џејкоб Вајли (Гран Канарија-Шпанија)
Шејн Витингтон (Сеа Хорсес-Јапонија)
Стојан Ѓуроски (ХЛА Аликанте – Шпанија)
Ненад Димитријевиќ (Хувентуд-Шпанија)
Андреј Јакимовски (Вашингтон Стејт-САД)
Марко Миловановиќ (Јуви Кремона Баскет-Италија)

Кошаркарите на Хувентуд ќе мора да почекаат на заверката на пласманот во четвртфналето на Еврокупот. По трите победи во првиот круг, вечерва се поразени на гостувањето во Монако. Тимот од француското кнежевство славеше со сигурни (97-82), па по четири одиграни кола во групата „Е“ од ова натпреварување, двете екипи се на идентичен ефект (3-1), но Монако е во предност бидејќи вечерва победи со повисока разлика во однос на поразот пред една седмица во Бадалона (72-79). Ненад Димитријевиќ одигра доста добар натпревар. Беше прв стрелец во својот тим. Запиша 15.поени (1/1 за три, 3/7 за два и 6/7 за еден поен), дополни со четири скока, четири асистенции, исто толку загубени и една освоена топка за 26:34 минути во игра. Во наредното коло, на 2 март, Хувентуд ја пречекува Уникаха.