Коронавирусот во последните неколку денови силно ја погоди НБА лигата. Оваа недела беа одложени четири натпревари, а бројни кошаркари се во карантин, дали поради позитивни тестови или пак близок контакт со позитивни случаи. Затоа, НБА лигата ги надополни и прилагоди ионака бројните и детални правила за епидемиолошките протоколи, па дополнително го ограничи движењето и животот на играчите. Некои од нив, веќе гласно го изразуваат своето незадоволство. „Возрасен човек сум, ќе правам што сакам. Ако сакам да го посетам семејството, ќе одам да ги посетам. Не можат да ми наредат да седам во соба 24/7. Ако тоа е навистина така, тогаш не би смееле да играме. Никон не сака едноставно да се откаже од својот живот поради кошарката.“ – вели Џорџ Хил, кошаркарот на Оклахома. Новите правила им забрануваат на НБА играчите да примаат гости надвор од екипата во хотелските соби, не смеат да го напуштаат хотелот освен за клупски обврски, а додека се дома, не смеат да излегуваат надвор освен за суштински активности или итни случаи. „Можеме да се потиме со нив 48 минути, а потоа не смееш ниту да разговараш? Тоа нема никаква смисла.“ – вели Хил.

НБА лигата одложи уште два натпревари поради коронавирусот. Синоќа требаше да играат Далас и Њу Орлеанс, а вечерва Чикаго и Бостон. Претходно, беше одложен и натпреварот помеѓу Мајами и Бостон.
Според протоколот на НБА, натпревар ќе се одигра ако една екипа има минимум осум кошаркари на располагање, а Далас и Бостон тоа го немаат, бидејќи мнозинството од екипата им е заразена или во изолација.
Раководството на лигата е загрижено поради се поголемиот број на кошаркари кои се позитивни на коронавирусот, но не размислуваат за прекин на натпреварувањето. Поради тоа, се разговараше со генералните менаџери на сите НБА клубови за воведување на нови правила.
ЕСПН тврди дека ќе се воведат нови забрани кои ќе се однесуваат на тренинзите, загревањето, дружењето на играчите пред и по натпреварите, на поздравите помеѓу нив, како и на задолжителното носење на маски во салите.

Девана Бонер, најголемиот адут на нашата женска селекција во обидот да се стигне до победа во февруарскиот квалификациски циклус, се сели во Европа.
Искусната Американка со македонски пасош, се согласи на договор со израелската екипа Елицур Рамла, и во 2021 година ќе игра во ФИБА Евро Купот.
Уште подобра опција за стручниот штаб на нашиот женски национален тим, ако се земе в предвид „близината“ на Израел, но и натпреварувачката форма во која ќе биде Бонер пред последните две квалификациски средби во „балонот“ во Рига.
Инаку, Елицур Рамла е водечката екипа во израелската женска кошарка. Во овој момент имаат максимални седум победи во исто толку одиграни натпревари. Но со помош на Бонер, и нејзините американски колешки Тифани Мичел и Бетанија Лејни, очекуваат напад и на титулата во Еврокупот.

Повредата на српскиот кошаркар од екипата на Атланта е сериозна и тој ќе мора подолго време да биде надвор од кошаркарските терени. Богдан Богдановиќ, доживеа тешка повреда на коленото на мечот со Шарлот, а според последните медицински наоди, тој има фрактура на коска во десното колено. Ваквата фрактура не бара оперативен зафат, но рехабилитацијата може да трае и до шест месеци. Сега останува да се почекатаат новите лекарски прогнози, по извесен период од повредата, сметаат експертите. Богдановиќ пред почетокот на сезоната се преслеи од Сакраменто во Атланта за четиригодишен договор вреден 76 милиони долари.

Во 17. коло од шпанската лига, Бургос како гостин славеше против Бетис со резултат 85:76, а на тој натпревар е постигнат неверојатен погодок. Пред крајот на третата четвртина при водство на Бургос од 62:59, кошаркарот на Бетис Џером Рендл имаше три секунди да шутира под притисок на противнички играч. Од скоро невозможна позиција, шутираше со една рака преку целиот терен и погоди за израмнување. Бетис по 18 одиграни натпревари е на 17. место со скор 4-14, додека Бургос е петти со 13 победи.

Ламело Бол стана најмладиот играч во историјата на НБА кој остварил трипл-дабл учинок, па така го „присвои“ рекордот кој некогаш го држеа неговиот постар брат Лонзо и Леброн Џејмс.
Во победата на Шарлот над Атланта, Бол постигна 22 поени со 12 скокови и 11 асистенции, па со 19 години и 140 дена го презеде рекордот од Маркел Фулц, кој до првиот трипл-дабл стигна на 19 години и 317 дена.
Бол имаше прилика да го сруши овој рекорд и претходниот ден во натпреварот против Њу Орлеанс, но остана краток за една асистенција.
Иако Лука Дончиќ во своите први две сезони беше синоним за трипл-дабл, тој никогаш не го држеше рекордот за најмлад играч со таков учинок. Кога го оствари својот прв трипл-дабл, тој беше 10 дена постар од Маркел Фулц.
Тие двајца, заедно со Бол се единствените кои успеале во овој потфат како тинејџери.

Барселона ги засили своите редови со 28-годишниот плејмејкер, Лео Вестерман. Вестерман се договори со каталонците и ќе го носи овој дрес до 30 јуни 2022 година. Неговата задача ќе биде да помогне во организацијата на нападите со оглед на тоа што во изминатиов период голем товар падна врз Калнеитис со оглед на тоа што клубот одлучи да не смета на Ертел со кого имаше и една непријатна епизода во Истанбул. Квалитетите на Лео многу добро му се познати на тренерот Шарунас Јасикевичиус со оглед на тоа што двајцата соработуваа во Жалгирис во сезоните 2016/17 и 2018/19. Французинот има одиграно 139 мечеви во Евролигата за Партизан, Лимож, Жалгирис, ЦСКА Москва и Фенербахче со просек од 6,6 поени.

Шпанскиот прволигаш Реал Мадрид од денеска официјално е посилен за искусниот американски центар Алекс Тајс. „Кралевите“ одлучија да се активираат на пазарот по тешката повреда на Ентони Рендолф и изборот падна врз 32-годишниот Тајс кој веќе долго време игра во Европа и нема да му биде потребно да се прилагоди на условите, правилата на стариот континент. Тајс во Реал Мадрид доаѓа од Галатасарај каде имаше просек од 8,3 поени, 4 скокови и 1, 7 скокови во Евролигата. Договорот на Алекс кој може да ги покрие позициите четири и пет е до крајот на сезоната.

Никола Јокиќ оствари историски подвиг со својот учинок во победата на Денвер над Минесота со 123:116. За 36 минути на паркетот, Јокиќ одигра практично совршен меч. Постигна 35 поени со одличен шут од игра 12/20, додека слободни фрлања погодуваше 10/12. Освен тоа што беше најдобар стрелец, со 15 скокови беше и најдобар скокач на натпреварот. Големата партија ја заокружи со шест асистенции, три украдени топки и една блокада. Јокиќ стана само вториот играч во историјата на НБА лигата кој во првите седум натпревари од сезоната имал учинок од 150 поени и по 75 скокови и асистенции. Единствен на кого тоа му успеало освен него е Оскар Робертсон. Меѓутоа, Јокиќ е првиот кошаркар на кого тоа му успеало уште од 1963. година.

Веднаш по новогодишните празници во Ендеса лигата се играа натпреварите од 18. коло. А во првиот меч од новата, 2021 година, кошаркарите на Хувентуд го пречекаа евролигашот Валенсија. И не поминаа добро „зелено-црните“ во првите 40 минути од новата година. Гостите стигнаа до убедлива победа (91-80), и ги поминаа на табелата во Ендеса лигата. Ненад Димитријевиќ одигра нецели девет минути во кои реализираше скромни два поени. Погоди еден од двата обиди за два поени. Ова беше вкупно 17. натпревар за Хувентуд во најсилната европска лига. Сега „зелено-црните“ се на ефект од 10 победи и 7 порази со кои се на седмото место во Ендеса лигата.